'തെറി വിളിക്കണമെങ്കിൽ എന്നെ വിളിക്ക് വീട്ടുകാരെ വിളിക്കേണ്ട, പുറത്തായിരുന്നേൽ അടി സ്പോട്ടിൽ പൊട്ടിയേനെ'; നിമിഷ

കഴിഞ്ഞ ദിവസം നടന്ന ഒരു മോണിങ് ആക്ടിവിറ്റിക്ക് ശേഷം നിമിഷ ബ്ലസ്ലിയെ കുറിച്ച് പറഞ്ഞ ചില കാര്യങ്ങളടങ്ങിയ വീഡിയോയാണ് ഇപ്പോൾ വൈറലാകുന്നത്.

തന്നോടുള്ള ദേഷ്യം തന്നോട് തന്നെ തീർക്കണമെന്നും എവിടയോ കിടക്കുന്ന വീട്ടുകാരെ പറയേണ്ട ആവശ്യം ഇല്ലെന്നും ഇതൊക്കെ പുറത്താണ് നടന്നതെങ്കിൽ സ്പോട്ടിൽ തന്നെ പറഞ്ഞയാളുടെ മുഖത്ത് അടി വീണേനെയെന്നുമാണ് ജാസ്മിനോട് സംസാരിക്കവെ നിമിഷ പറഞ്ഞത്.

വീക്കെൻഡ് എപ്പിസോ‍ഡിന് മുമ്പായി നടന്ന സംവാദ ടാസ്ക്കിൽ നിമിഷയും ജാസ്മിനും ഒത്തുകളിച്ചെന്ന് കാണിച്ച് നിമിഷയോട് ‌ബ്ലസ്ലി ചൂടായപ്പോൾ അമ്മൂമ്മക്ക് വിളിച്ചിരുന്നു.

അതിന്റെ പേരിലാണ് നിമിഷ ഇപ്പോൾ ജാസ്മിനോട് ഇക്കാര്യങ്ങൾ വീണ്ടും ചർച്ച ചെയ്തതും സംസാരിച്ചതും. 'ഞാനും റോൺസണും തമ്മിൽ പ്രശ്നം ഉണ്ടെങ്കിൽ റോൺസണിനെ തെറിവിളിക്കുന്നതാണോ.... അതോ റോൺസണിന്റെ വീട്ടുകാരെ തെറിവിളിക്കുന്നതാണോ മര്യാദ'യെന്ന് ജാസ്മിനോടും റോൺസണിനോടും അപർണയോടും അഭിപ്രായം ആരാഞ്ഞുകൊണ്ടാണ് നിമിഷ സംസാരിച്ച് തുടങ്ങിയത്.

'വീട്ടുകാരെ വലിച്ചിഴച്ച് സംസാരിക്കുന്നവർ പക്ഷെ ഞാൻ ക്രൂരയാണെന്ന് പറയുകയാണ്. ഇവിടെ ആയതുകൊണ്ടാണ് കൂടുതൽ പ്രതികരിക്കാത്തത്.'

'വെളിയിൽ ആയിരുന്നെങ്കിൽ പറ‍ഞ്ഞ് തീരും മുമ്പ് അടി പൊട്ടിയിട്ടുണ്ടാകും.'

'എന്റെ അമ്മയും അച്ഛനും അമ്മമ്മയും വീട്ടിൽ മര്യാദയ്ക്ക് ഇരിക്കുന്നവരാണ്. അവരെ എന്തിനാണ് ഇതിൽ വലിച്ചിഴയ്ക്കുന്നത്. വീട്ടുകാരെ ഇനി മുതൽ ഇവിടെ ആരും പറയാൻ പാടില്ലെന്ന നിയമം ഈ വീട്ടിൽ കൊണ്ടുവരണം.

അതിന് ശേഷം ആരെങ്കിലും അങ്ങനെ സംസാരിച്ചാൽ ഞാൻ‌ സ്വമേധയ വീട്ടിൽ നിന്നും ക്വിറ്റ് ചെയ്ത് പുറത്ത് പോകും. എന്റെ അമ്മമ്മ വീട്ടിൽ കാൻസർ ബാധിച്ച് കിടപ്പാണ്. അവർക്ക് ഇതൊക്കെ കേൾക്കുമ്പോൾ വിഷമമാകില്ല. വരുന്നതിന് മുമ്പ് എനിക്ക് അവരെ ഒന്നുപോയി കാണാൻ പോലും സാധിച്ചില്ല' എന്നാണ് നിമിഷ പറഞ്ഞത്.

നിമിഷയുടെ സംസാരം നടക്കുമ്പോൾ ബ്ലസ്ലിയും സമീപത്ത് തന്നെ ഉണ്ടായിരുന്നുവെങ്കിലും ഒന്നും പ്രതികരിച്ചില്ല.

Recommended Video

പോകുന്നതിന് മുന്നേ പുറകെ നടന്ന് സ്ട്രാറ്റജി പറഞ്ഞു കൊടുത്തു | Ronson's Wife Dr Neeraja Interview

വീട്ടിൽ ഇപ്പോഴുള്ള മത്സരാർഥികളിൽ ഏറ്റവും കൂടുതൽ മോശം വാക്കുകൾ ഉപയോ​ഗിക്കുകയും പറയുകയും ചെയ്യുന്നവരിൽ ഒരാളാണ് നിമിഷ.

പലതവണ നിമിഷയുടെ മുമ്പിൽ വെച്ച് റോബിന്റെ വീട്ടുകാരെ ജാസ്മിൻ തെറിവിളിച്ചപ്പോൾ നിമിഷ പ്രതികരിച്ചിരുന്നില്ല. സുഹൃത്തിന്റേയും തന്റേയും തെറ്റുകൾ മറച്ച് നല്ലപിള്ള ചമയുന്ന നിമിഷയ്ക്ക് ബ്ലസ്ലിയെ കുറ്റപ്പെടുത്താൻ അവകാശമില്ലെന്നാണ് വീഡിയോ കണ്ട പ്രേക്ഷകർ കുറിച്ചത്.

ഈ ആഴ്ച പുറത്തുപോകാൻ സാധ്യതയുള്ള മത്സരാർഥികളിൽ ഒരാൽ നിമിഷയാണെന്നാണ് പ്രേക്ഷകർ വിലയിരുത്തുന്നത്.