കുറെ നാളുകള്‍ക്ക് ശേഷമാണ് ഒരു പെണ്ണ് വസ്ത്രം അഴിക്കാന്‍ പറയുന്നത്, ഹൗസില്‍ നടന്ന സംഭവത്തെ കുറിച്ച് ജാസ്മിന്‍

തുടർന്ന് ഗെയിമിൽ നാണയങ്ങളുടെ കൂടെ ചില ഭാഗ്യ പന്തുകളും ബിഗ് ബോസ് നൽകുകയുണ്ടായി. സൂരജിന് ഭാഗ്യപന്ത് ലഭിച്ചതോടെയാണ് കളി മാറിയത്. മറ്റ് മത്സരാര്‍ത്ഥികളില്‍ ഒരാളുടെ കയ്യില്‍ നിന്നും അവര്‍ നേടിയ നാണയങ്ങളുടെ പകുതി കൈക്കലാക്കുക എന്നതായിരുന്നു ആ ഭാഗ്യം.

ഇതിനായി സൂരജ് തിരഞ്ഞെടുത്തത് ജാസ്മിനെയാണ്. ജാസ്മിന്റെ കയ്യലായിരുന്നു അതുവരെ ഏറ്റവും കൂടുതല്‍ നാണയങ്ങള്‍ ഉണ്ടായിരുന്നത്. അതിന്റെ പകുതി നേടിയതോടെ സൂരജ് നാണയങ്ങളുടെ കാര്യത്തില്‍ ഏറെ ഉയരങ്ങളിലേക്കാണ് എത്തിയത്.

ഇതില്‍ പരസ്യമായി തന്റെ അമര്‍ഷം ജാസ്മിന്‍ പ്രകടിപ്പിക്കുകയും ചെയ്തു. താൻ ആരുടേയും പിൻബലം ഇല്ലാതെ നേടിയ കോയിനുകളാണ് സൂരജ് കൊണ്ട് പോയതെന്ന് പറഞ്ഞ ജാസ്മിൻ അത് സൂരജിൽ നിന്നും തട്ടിപ്പറിച്ചു.

ഇത് വലിയ രീതിയിൽ ഒരു വഴക്ക് വീട്ടിനുള്ളിൽ സൃഷ്ടിക്കുകയും ചെയ്തു. ജാസ്മിനെതിരെ എല്ലാവരും തിരിഞ്ഞു. തുടർന്ന് വികാരാധീനയായി ജാസ്മിൻ പൊട്ടിക്കരയുകയാണ് ഉണ്ടായത്. ഇതുകണ്ട ദിൽഷയും സൂരജും പൊട്ടിക്കരഞ്ഞു.

അതിനു ശേഷം ജാസ്മിന് നെഞ്ചുവേദന ഉണ്ടാവുകയും മെഡിക്കൽ റൂമിലേക്ക് കൊണ്ടുപോവുകയും ചെയ്തു. ഇപ്പോഴിതാ മെഡിക്കൽ റൂമിൽ നിന്നും വന്ന ജാസ്മിൻ സുചിത്രയോടും റിയാസിനോടും റൊൺസനോടും പറഞ്ഞ കാര്യങ്ങളാണ് വൈറൽ ആവുന്നത്. താന്നെ ഇ സി ജി എടുക്കാൻ വന്ന നേഴ്‌സിനെ കുറിച്ചാണ് ജാസ്മിൻ സംസാരിച്ചത്.

തന്നോട് ഉടുപ്പ് മാറ്റാൻ നേഴ്സ് ആവശ്യപ്പെട്ടപ്പോൾ, കുറച്ച് നാളുകൾക്ക് ശേഷമാണ് ഒരു സ്ത്രീ തന്നോട് ഇത് ആവശ്യപ്പെട്ടതെന്ന് ജാസ്മിൻ തമാശയായി പറഞ്ഞു. അതിന്റെ ഒരു ജാള്യത തനിക്ക് ഉണ്ടായിരുന്നുവെന്നും ജാസ്മിൻ പറഞ്ഞു. എന്നാൽ തന്റെ ടൈപ്പ് അല്ലാത്തതുകൊണ്ട് നേഴ്സ് രക്ഷപെട്ടുവെന്ന് ജാസ്മിൻ പറഞ്ഞു.

തന്റെ ടൈപ്പ് ആയിരുന്നെങ്കിൽ താൻ ചാടി കയറുമായിരുന്നോ എന്ന് റിയാസ് ജാസ്മിനോട് തമാശയായി ചോദിച്ചു. ഇതെല്ലം കേട്ട് ചിരിച്ച് ഇരിക്കുന്ന സുചിത്രയെയും റൊൺസണെയും ദൃശ്യത്തിൽ കാണാൻ സാധിച്ചു.

അതെസമയം ഈ ആഴ്ചത്തെ നോമിനേഷനിൽ വന്നിരിക്കുന്ന സ്ഥാനാർഥികളിൽ ഏറ്റവും ഒടുവിലത്തെ അപ്ഡേറ്റ് അനുസരിച്ച് വിനയ് മാധവാ ഏറ്റവും മുന്നിൽ നിൽക്കുകയാണ്.

രണ്ടാം സ്ഥാനത്ത് സൂരജാണ് എത്തി നിൽകുന്നതെന്നാണ് അറിയാൻ സാധിക്കുന്നത്. തൊട്ട് പിന്നിലായി കുട്ടി അഖിലും ഉണ്ട് എന്നാൽ ഏറ്റവും കുറവ് വോട്ടുകൾ നേടിയിരിക്കുന്നത് സുചിത്രയാണ്.