'ഹഗ്' ചെയ്യാനുള്ള കാരണം ഇതാണ്, നിറ പുഞ്ചിരികളോട് ജാസ്മിന്‍, ഒന്നും മനസ്സിലാവാതെ റോബിന്‍

ഇപ്പോഴിത ഡോക്ടറും ജാസ്മിനും തമ്മിലുളള മഞ്ഞ് ഉരുവുകയാണ്. കഴിഞ്ഞ ദിവസം എല്ലാവരേയും ഞെട്ടിച്ചു കൊണ്ട് ജാസ്മിന്‍ ഡേക്ടറെ ഹഗ് ചെയ്തു. അടുക്കളയില്‍ എല്ലാവരും നോക്കി നില്‍ക്കുമ്പോഴായിരുന്നു ഹഗ് ചെയ്യുന്നത്. ഡോക്ടറിനോട് അനുവാദം വാങ്ങി കൊണ്ടാണ് ജാസ്മിന്‍ കെട്ടിപ്പിടിച്ചത്. ജാസ്മിന്റെ ഈ പ്രവൃത്തി ഡോക്ടറേയും മറ്റുള്ളവരേയും അത്ഭുതപ്പെടുത്തി. പിന്നീട് എന്താണ് സംഭവിച്ചതെന്ന് മറ്റുള്ളവരോട് ചോദിക്കുകയും ചെയ്തിരുന്നു.

ജാസ്മിന്റെ 'ഹഗ്' സോഷ്യല്‍ മീഡിയയിലും ബിഗ് ബോസ് ഗ്രൂപ്പുകളിലും വലിയ ചര്‍ച്ചയായിരുന്നു. ഇപ്പോഴിതാ മോഹന്‍ലാലും ഇതിനെ കുറിച്ച് ചോദിക്കുകയാണ്. ഡോക്ടറിനോടും ജാസ്മിനോടും കാര്യം തിരക്കുന്നതിനോടൊപ്പം മറ്റുള്ള മത്സരാര്‍ത്ഥികളോടും ഇതിനെ കുറിച്ച് അന്വേഷിക്കുന്നുണ്ട്. ശനിയാഴ്ചത്തെ വാരാന്ത്യം എപ്പിസോഡ് ആരംഭിക്കുന്നത് തന്നെ ഇക്കാര്യം ചോദിച്ചു കൊണ്ടാണ്. ഡോക്ടറിനോടാണ് ആദ്യം ചോദിക്കുന്നത്.

ബിഗ് ബോസ് വീട്ടില്‍ ചില അത്ഭുതങ്ങള്‍ നടന്നത് ഡോക്ടര്‍ റോബിന്‍ അറിഞ്ഞിരുന്നോ എന്നായിരുന്നു ചോദ്യം.കാര്യം മനസിലായ റോബിന്‍ താന്‍ അറിഞ്ഞു എന്നായിരുന്നു പറഞ്ഞത്. താന്‍ ഒന്ന് ഹഗ് ചെയ്‌തോട്ടെ എന്ന് ചോദിച്ച് ജാസ്മിനാണ് തന്നെ സമീപിച്ചതെന്ന് റോബിന്‍ പറഞ്ഞു. എന്തായിരിക്കും അതിന്റെ പിന്നിലുള്ള കാരണം എന്ന ചോദ്യത്തിന് കൃത്യമായി അറിയില്ലെങ്കിലും എന്തോ വരാനിരിക്കുന്നു എന്നതിന്റെ സൂചനയാണെന്ന് റോബിന്‍ തമാശയായി പറഞ്ഞു.

തുടര്‍ന്ന് ഇതേ കാര്യം ജാസ്മിനോടും മോഹന്‍ലാല്‍ ചോദിച്ചു. ദൃശ്യം സിനിമയില്‍ മോഹന്‍ലാല്‍ അവതരിപ്പിച്ച ജോര്‍ജൂട്ടിയുടെ ഡയലോഗ് കടമെടുത്താണ് ജാസ്മിന്‍ മറുപടി പറഞ്ഞത്. ആ സത്യം തന്നോടു കൂടി മണ്ണടിയട്ടെ എന്ന് തമാശ മട്ടില്‍ പറഞ്ഞു. കാരണം വെളിപ്പെടുത്താന്‍ തയ്യാറായില്ല. ശേഷം മറ്റു മത്സരാര്‍ഥികളില്‍ ചിലരോടും മോഹന്‍ലാല്‍ ഇതിന്റെ പിന്നിലുള്ള കാരണത്തെക്കുറിച്ച് അന്വേഷിച്ചു. അതില്‍ അഖിലും ഡെയ്‌സിയും ലക്ഷ്മിപ്രിയയുമൊക്കെ ഏകദേശം ഒരേ അഭിപ്രായമാണ് പറഞ്ഞത്. ജാസ്മിന്‍ വെറുതെ കയറി ആരേയും ഹഗ് ചെയ്യില്ലെന്നായിരുന്നു ധന്യയുടെ പ്രതികരണം. എല്ലാവരും ഇവരും ഹഗിനെ നല്ല സെന്‍സിലാണ് എടുത്തത്.

മറ്റു മത്സരാര്‍ഥികളുടെ അഭിപ്രായങ്ങള്‍ കേട്ട ശേഷവും മോഹന്‍ലാല്‍ ജാസ്മിനോട് ചോദ്യം ആവര്‍ത്തിച്ചു. ഇവര്‍ ആരെങ്കിലും പറഞ്ഞതാണോ യഥാര്‍ഥ കാരണമെന്നായിരുന്നു ചോദ്യം. എന്നാല്‍ അപ്പോഴും ഒരു പുഞ്ചിരിയോടെ ജാസ്മിന്‍ മൗനം പാലിക്കുകായയിരുന്നു. ഡോക്ടര്‍ ഹഗിന് അര്‍ഹനാണെന്ന് മാത്രമായിരുന്നു ജാസ്മിന്‍ പറഞ്ഞത്. പിന്നീട് മോഹന്‍ലാല്‍ ഇതിനെ കുറിച്ച് ചോദിച്ചില്ല.