'സീക്രട്ട് റൂം ലോക്കായതിനാൽ റോബിനെ തല്ലാൻ പറ്റിയില്ല, അതുകൊണ്ട് ചെടി ചട്ടി പൊട്ടിച്ചു'; ജാസ്മിൻ

ശേഷം ശ്വാസമുട്ടൽ സഹിക്ക വയ്യാതെ പുറത്തിറങ്ങിയ റോബിനെ റിയാസ് തടഞ്ഞ് നിർത്തി ലോക്കറ്റ് എടുക്കാനായി ശ്രമിച്ചു. ഇതിനിടയിൽ പരസ്പരം ഉന്തും തള്ളുമുണ്ടാവുകയും റോബിന്റെ കൈ റിയാസിന്റെ മുഖത്ത് കൊള്ളുകയും ചെയ്തു.

ശേഷാണ് തന്നെ മർദ്ദിച്ചുവെന്ന് ആരോപിച്ച് റിയാസ് റോബിനെതിരെ ബി​ഗ് ബോസിനോട് പരാതിപ്പെട്ടത്. മുമ്പും പലതവണ വാണിങ് കിട്ടിയിട്ടുള്ള വ്യക്തിയാണ് റോബിനെന്നതിനാൽ ബി​ഗ് ബോസ് റോബിനെ വീട്ടിൽ നിന്നും നീക്കി സ്ക്രട്ട് റൂമിൽ താസിപ്പിച്ചു.

ശേഷം എല്ലാവരും ​ഗെയിം തുടർന്നു. കഴിഞ്ഞ ദിവസം സംഭവത്തെ കുറിച്ച് ബി​ഗ് ബോസ് വീട്ടിലെ മറ്റ് മത്സരാർഥികളോട് തിരക്കിയിരുന്നു.

കൺഫഷൻ റൂമിൽ ഓരോരുത്തരെയായി വിളിപ്പിച്ചാണ് സംഭവത്തിന്റെ സത്യാവസ്ഥ ബി​ഗ് ബോസ് തിരക്കിയത്. അതിനുശേഷം റോബി​ൻ തിരിച്ചുവരുമെന്ന കാര്യത്തിൽ ജാസ്മിനും റിയാസിനും വ്യക്തത ലഭിച്ചു. ശേഷമാണ് ജാസ്മിൻ അസ്വസ്ഥയാകാൻ തുടങ്ങിയത്.

'എനിക്കിവിടെ നിൽക്കാൻ താൽപര്യമില്ല. ഒരാളെ ഫിസിക്കൽ അസോൾട്ട് ചെയ്താൽ പോലും കാറി കൂവി ആ ഇരയെ ട്രീറ്റ് ചെയ്യുന്നത് ഞാൻ ഇവിടെ കാണുന്നുണ്ട്. അവനെ ഇവിടെ വിശുദ്ധനായ റോബിൻ ആക്കാൻ ശ്രമിക്കുന്നത് കാണാൻ എനിക്ക് പറ്റില്ല.'

'ഞാൻ ശാരീരികമായി തളർന്നു. മാനസികമായി തളർന്നിരിക്കുന്നു. വൈകാരികമായി ക്ഷീണിതയാണ്' എന്ന് അലറുന്ന ജാസ്മിനെയാണ് ഷോയിൽ പിന്നീട് കാണാൻ സാധിച്ചത്.

Recommended Video

പ്രണയം കാരണം ദിൽഷയെ തിരിച്ചുവിളിച്ചോ? സത്യം അനിയത്തി പറയുന്നു | Dilsha's Sister Reveals | #Interview

ശേഷം വീട് ബി​ഗ് ബോസിന്റെ അനുവാദത്തോടെ വീട് വിട്ട് പോവുകയാണ് ജാസ്മിൻ ചെയ്തത്. പോകുന്നതിന് മുമ്പ് റോബിനോടുള്ള ദേഷ്യത്തിന് ചെടി ചട്ടിയും ജാസ്മിൻ എറിഞ്ഞ് ഉടച്ചു.

തിരികെ സ്വന്തം വീട്ടിലെത്തിയ ജാസ്മിൻ താൻ എന്തുകൊണ്ടാണ് റോബിന്റെ ചെടി ചട്ടി എറിഞ്ഞുടച്ചതെന്ന് വെളിപ്പെടുത്തിയിരിക്കുകയാണ് സോഷ്യൽമീഡിയ വഴി. 'സീക്രട്ട് റൂമിൽ പോയി ഇനി ഞാൻ എന്റെ 200 ശതമാനവും കൊടുത്തോളമെന്നും എന്നെ പറഞ്ഞ് വിടരുതെന്നും ഇരക്കാൻ ഇത് റോബിനല്ല.'

'ഇത് ജാസ്മിൻ.എം.മൂസയാണ്. സീക്രട്ട് റൂം ലോക്കായത് കൊണ്ട് അവിടെ പോയി ഒന്ന് പൊട്ടിക്കാൻ പറ്റിയില്ല. അതാണ് ചെടി ചട്ടി പൊട്ടിച്ച് അഡ്ജസ്റ്റ് ചെയ്തത്... നിങ്ങ കെടന്ന് മോങ്' എന്നാണ് ജാസ്മിൻ തന്നെ കുറ്റം പറയുന്നവർക്കുള്ള മറുപടിയായി കുറിച്ചത്.