'സിഗരറ്റ് വലിക്കാൻ കമ്പനി തന്നു... പിന്നീടത് സൗഹൃദമായി, തലയിൽ നിന്നും പോയിട്ടില്ല'; നിമിഷയും ജാസ്മിനും!

| Published: Wednesday, June 29, 2022, 17:43 [IST]

ഒരു കൂട്ടം മത്സരാർഥികൾ പുറംലോകവുമായി യാതൊരു ബന്ധവുമില്ലാതെ കുറച്ചുനാൾ ഒരു വീട്ടിൽ ഒരുമിച്ച് ജീവിക്കുക എന്നതാണ് ബിഗ് ബോസ് പരിപാടിയിലൂടെ ലക്ഷ്യമിടുന്നത്. ഓരോ ആഴ്ചയും ഒന്നോ, രണ്ടോ മത്സരാർഥികളെ വീതം വീട്ടിൽ നിന്ന് പുറത്താക്കുവാനായി മത്സരാർഥികൾക്കിടയിൽ വോട്ടെടുപ്പ് നടത്തുന്നു.

ഏറ്റവും കൂടുതൽ നാമനിർദേശങ്ങൾ ലഭിച്ചവരെ പുറത്താക്കുന്നതിനായി പ്രേക്ഷകർക്കും വോട്ടുരേഖപ്പെടുത്താവുന്നതാണ്. ഒരാളൊഴികെ എല്ലാ അംഗങ്ങളും പുറത്താകുന്നത് വരെ വോട്ടെടുപ്പ് തുടരുന്നു.

'മേക്കോവർ ചെയ്യാനും മോഡേൺ വസ്ത്രങ്ങൾ ധരിക്കാനും എനിക്ക് അവകാശമില്ലേ? കളിയാക്കുന്നതെന്തിനാണ്?'; ശാലിനി! 'മേക്കോവർ ചെയ്യാനും മോഡേൺ വസ്ത്രങ്ങൾ ധരിക്കാനും എനിക്ക് അവകാശമില്ലേ? കളിയാക്കുന്നതെന്തിനാണ്?'; ശാലിനി!

ഏറ്റവുമൊടുവിൽ വീട്ടിൽ അവശേഷിക്കുന്നയാളെ വിജയിയായി പ്രഖ്യാപിക്കുന്നതോടെയാണ് ബിഗ് ബോസ് പരിപാടി അവസാനിക്കുന്നത്. നാലാം സീസണിൽ വീട്ടിലേക്ക് എത്തിയത് 20 മത്സരാർഥികളാണ് അതിപ്പോൾ‌ വിവിധ പ്രക്രിയകളിലൂടെ ആറായി ചുരുങ്ങി.

ദിൽഷ, ബ്ലെസ്ലി, ലക്ഷ്മിപ്രിയ, സൂരജ്, ധന്യ, റിയാസ് എന്നിവരാണ് ഇപ്പോൾ വീട്ടിലുള്ള ഫൈനലിസ്റ്റുകൾ ഇവരിൽ‌ നിന്നും ഒരാളായിരിക്കും ഈ സീസണിൽ കപ്പ് നേടാൻ പോകുന്നത്.

ബിഗ് ബോസ് ഹൗസ് നിരവധി മനോഹരമായ കാഴ്ചകൾക്ക് വേദിയാകാറുണ്ട്. അത്തരത്തിൽ ഈ സീസണിൽ ഏറ്റവും കൂടുതൽ ആഘോഷിക്കപ്പെട്ട സൗഹൃദമായിരുന്നു പുറത്തായ മത്സരാർഥികളായ നിമിഷയും ജാസ്മിനും തമ്മിലുള്ളത്.

'തുറക്കുമ്പോഴെല്ലാം പച്ചില പാമ്പുകളായിരുന്നു, ഒപ്പം വിഷം തീർന്നോയെന്നുള്ള ചോദ്യവും'; ആര്യ 'തുറക്കുമ്പോഴെല്ലാം പച്ചില പാമ്പുകളായിരുന്നു, ഒപ്പം വിഷം തീർന്നോയെന്നുള്ള ചോദ്യവും'; ആര്യ

ഇരുവരും തമ്മിൽ യാതൊരു മുൻപരിചയവുമില്ല. ഹൗസിൽ പ്രവേശിച്ച ശേഷമാണ് ഇരുവരും ആദ്യമായി കാണുന്നതും പരിചയപ്പെടുന്നതും. ഹൗസിലേക്ക് പ്രവേശിച്ച ശേഷം പിന്നീട് അവിടെ നടന്ന പ്രശ്നങ്ങളിലെല്ലാം ഇരുവരും ഒന്നിച്ച് നിന്ന് ഇടപെട്ടു.

ആദ്യം ഹൗസിൽ നിന്ന് പുറത്തായത് നിമിഷയായിരുന്നു. ശേഷം ജാസ്മിൻ വാക്ക് ഔട്ട് ചെയ്യുകയായിരുന്നു. അമ്പത് ദിവസം പിന്നിട്ടശേഷമാണ് നിമിഷ പുറത്തായത്.

പത്താം ആഴ്ചയിൽ റോബിനുമായുള്ള പ്രശ്നങ്ങളെ തുടർന്ന് ജാസ്മിനും വാക്ക് ഔട്ട് ചെയ്തു. പുറത്തിറങ്ങിയ ശേഷവും ജാസ്മിൻ-നിമിഷ സൗഹൃദം ശക്തമായി മുന്നോട്ട് പോവുകയാണ്.

ഇപ്പോൾ എങ്ങനെയാണ് ഇത്രയും വലിയൊരു സൗഹൃദം ഉണ്ടായതെന്ന് വെളിപ്പെടുത്തിയിരിക്കുകയാണ് ഇരുവരും. ഏഷ്യാനെറ്റിലെ തന്നെ സ്റ്റാർട്ട് മ്യൂസിക്ക് എന്ന പരിപാടിയിൽ അതിഥികളായി മറ്റ് ബിഗ് ബോസ് മത്സരാർഥികൾക്കൊപ്പം ജാസ്മിനും നിമിഷയും വന്നിരുന്നു.

അപ്പോഴാണ് സൗഹൃദം പിറന്നതെങ്ങനെയെന്ന് ഇരുവരും വെളിപ്പെടുത്തിയത്. 'സിഗരറ്റ് വലിക്കാൻ സ്മോക്കിങ് ഏരിയയിലേക്ക് ഞങ്ങൾ രണ്ടുപേരും ഒരുമിച്ചാണ് പോയിരുന്നത്. അങ്ങനെ ഞങ്ങൾ കമ്പിനിയായി. പിന്നീട് നന്നായി പരസ്പരം സംസാരിക്കാൻ തുടങ്ങി.'

'സൗഹൃദത്തിനും മുകളിലായി പരസ്പരം ഞങ്ങൾക്കുള്ള സ്നേഹം. സ്വന്തം പെങ്ങളെപ്പോലെയാണ് നിമിഷ എനിക്ക്. പിന്നെ എനിക്കൊരു പ്രശ്നമുണ്ട്. ഒരാളെ ഇഷ്ടമായി കഴിഞ്ഞാൽ‌ ഞാൻ എന്റെ നൂറ് ശതമാനവും അയാൾക്ക് വേണ്ടി കൊടുക്കും.'

'അവരുടെ പ്രശ്നങ്ങൾ എന്റേത് കൂടിയായി മാറും. അത്രത്തോളം ഡെഡിക്കേഷൻ എനിക്ക് ആ ബന്ധത്തിലുണ്ടാകും. അതാണ് നിങ്ങൾ ബിഗ് ബോസിൽ കണ്ടതും. നിമിഷയുടെ എന്ത് പ്രശ്നവും ഞാൻ നൂറ് ശതമാനം കൊടുത്ത് എന്റേത് കൂടിയാക്കി മാറ്റും' ജാസ്മിൻ പറഞ്ഞു.