'തങ്കപ്പെട്ട സ്വഭാവത്തിന് ഉടമ... ലോലഹൃദയൻ...'; റോബിനെ പുകഴ്ത്തി മതിവരാതെ ജാസ്മിനും റിയാസും!

'വളരെ തങ്കപ്പെട്ട സ്വഭാവത്തിന് ഉടമയാണ് റോബിൻ. ഇവിടെ ഫേയ്ക്ക് ആയിട്ട് തന്നെയാണ് നിൽക്കുന്നത്. ഒരാളെയും യൂസ് ചെയ്യാറില്ല. സ്ക്രീൻ ടൈമിന് വേണ്ടി ഒന്നും ചെയ്യാത്ത മഹത് വ്യക്തിത്വത്തിന് ഉടമയാണ്.'

'തന്റെ പ്രൊഫഷനെ ബഹുമാനിക്കുന്ന വ്യക്തിയാണ്. ലോല ഹൃദയനാണ്' എന്നിങ്ങനെയാണ് ജാസ്മിൻ റോബിനെ കുറിച്ച് പറഞ്ഞത്. ഇനിയും ഒരുപാട് റോബിനെ പുകഴ്ത്താനുണ്ടെന്നും എന്നാൽ മറ്റുള്ളവർക്കും അവസരം കൊടുക്കേണ്ടതിനാൽ നിർത്തുകയാണെന്നും ജാസ്മിൻ കൂട്ടിച്ചേർത്തു.

റോബിനോട് വളരെ അധികം വെറുപ്പ് സൂക്ഷിക്കുന്ന വ്യക്തിയാണ് ജാസ്മിൻ. റോബിനെ പരിഹസിക്കാൻ കിട്ടുന്ന ഒരു അവസരവും ജാസ്മിൻ വെറുതെ കളയാറില്ല.

അത് തന്നെയാണ് നുണകൾ ചേർത്തുള്ള പുകഴ്ത്തി പറയൽ ടാസ്ക്കിലും ജാസ്മിൻ ചെയ്തത്. ജാസ്മിനും റിയാസും ഒരേ തോണിയിൽ സഞ്ചരിക്കുന്നവരാണ്. റോബിൻ ഫേക്കാണെന്ന് വന്നപ്പോൾ മുതൽ റിയാസ് പറയുന്നുണ്ട്.

പുറത്ത് പിആർ ടീം റോബിന് വേണ്ടി പ്രവർത്തിക്കുന്നുണ്ടെന്നും റിയാസ് ഇടയ്ക്കിടെ പറയാതെ പറയുന്നുണ്ടായിരുന്നു. ബി​ഗ് ബോസിൽ വന്ന് രണ്ടാഴ്ചയ്ക്കുള്ളിൽ റിയാസ് ഏറ്റവും കൂടുതൽ വഴക്കുണ്ടാക്കിയിരിക്കുന്നതും റോബിനുമായിട്ടാണ്.

രണ്ട് ദിവസം മുമ്പ് നടന്ന ക്യാപ്റ്റൻസി ടാസ്ക്ക് പോലും ഇരുവരും തമ്മിലുള്ള വലിയ വഴക്കിലാണ് കലാശിച്ചത്.

ജാസ്മിനും റിയാസിനും ശേഷം കുട്ടി അഖിൽ ബ്ലെസ്ലിയെ കുറിച്ചും റോൺസൺ വിനയിയെ കുറിച്ചും പുകഴ്ത്തി പറഞ്ഞു. രസകരമായൊരു ​ഗെയിമാണ് മോഹൻലാൽ ഉദ്ദേശിച്ചതെങ്കിലും കുറിക്കുകൊള്ളുന്ന പുകഴ്ത്തലായിരുന്നു എല്ലാവരും നടത്തിയത്.

പാതി ​ദൂരം പിന്നിടുന്ന ബി​ഗ് ബോസിലെ അടുത്ത എലിമിനേഷൻ ‍ഞായറാഴ്ചയാണ് നടക്കുക. അതിനായുള്ള കാത്തിരിപ്പിലാണ് മത്സരാർഥികൾ അതേസമയം ശനിയാഴ്ചത്തെ എപ്പിസോ‍ഡ് അവസാനത്തിലേക്ക് എത്തിയപ്പോൾ മോഹൻലാൽ‌ ഒരു മത്സരാർഥിയെ സേഫാക്കി.

സേഫായ മത്സരാർഥിയുടെ പേരും ഒരു ​ചെറു ​ഗെയിമിലൂടെയാണ് മോഹൻലാൽ റിവീൽ ചെയ്തത്.

ഒരു പെട്ടി സ്റ്റോർ റൂമിൽ നിന്ന് എടുക്കാൻ റോൺസണിനോട് ലാൽ പറഞ്ഞു. ബ്ലെസ്ലി സേവ്ഡ് എന്നായിരുന്നു ബോക്സിൽ ഉണ്ടായിരുന്നത്. ഇതോടെ എലിമിനേഷൻ പട്ടികയിൽ അടങ്ങിയിരിക്കുന്ന ആളുകളുടെ പേരുകൾ ആറായി ചുരുങ്ങി.

റോൺസണും ഈ ആഴ്ചയിലെ എലിമിനേഷനിൽ ഉണ്ടാകുമായിരുന്നു. ജാസ്മിൻ നോമിനേഷൻ ഫ്രീ കാർഡ് നൽകിയതിനാലാണ് റോൺസണിന് രക്ഷപ്പെടാനായത്.

അതേസമയം പുറത്താകുന്നത് അപർണയായിരിക്കുമെന്ന തരത്തിൽ റിപ്പോർട്ടുകൾ വരുന്നുണ്ട്. എലിമിനേഷനിൽ ഉള്ളവരിൽ വീക്കായുള്ള മത്സരാർഥിയും അപർണയാണ്.