'റോബിൻ വീണ്ടും ഹ​ഗ് ചോദിച്ചിരുന്നു അതൊന്നും പുറത്ത് വന്നിട്ടില്ല'; റോബിനെ ഹ​ഗ് ചെയ്തതിനെ കുറിച്ച് ജാസ്മിൻ!

ശേഷമാണ് ജാസ്മിൻ മത്സരം ക്വിറ്റ് ചെയ്തത്. ഒരിക്കൽ അപ്രതീക്ഷിതമായി ജാസ്മിൻ റോബിനെ ഹ​ഗ് ചെയ്തിരുന്നു. ഭക്ഷണം കഴിച്ചുകൊണ്ടിരുന്ന ജാസ്മിൻ ബ്ലെസ്ലിയും ഡെയ്സിയും തമ്മിലുള്ള സംസാരം കേട്ട ശേഷം എന്തോ തിരിച്ചറിവ് വന്നപോലെയാണ് പെടുന്നനെ പോയി റോബിനെ ഹ​ഗ് ചെയ്തത്.

റോബിന് പോലും ജാസ്മിന്റെ ആ പ്രവൃത്തി വലിയ സർപ്രൈസായിരുന്നു. അതിനുള്ള കാരണം മോഹൻലാൽ അടക്കമുള്ളവർ ചോദിച്ചപ്പോഴും ജാസ്മിൻ വെളിപ്പെടുത്തിയിരുന്നില്ല.

ഇപ്പോൾ‌ പുറത്തിറങ്ങിയ ശേഷം ആദ്യമായി ജാസ്മിൻ റോബിനെ ഹ​ഗ് ചെയ്യാനുള്ള കാരണം വെളിപ്പെടുത്തിയിരിക്കുകയാണ്. ഒരു യുട്യൂബ് ചാനലിന് നൽകിയ അഭിമുഖത്തിലാണ് കാരണം ജാസ്മിൻ വെളിപ്പെടുത്തിയത്.

'ഞാൻ റോബിനെ ഹ​ഗ് ചെയ്തപ്പോൾ ഇത്രത്തോളം ചർച്ച ചെയ്യപ്പെടുമെന്ന് കരുതിയിരുന്നില്ല. ഞാൻ ആദ്യം ഹ​ഗ് ചെയ്ത ശേഷം പിന്നീട് ബാത്ത് റൂമിന്റെ ഭാ​ഗത്ത് വെച്ച് ഒരു ഹ​ഗ് കൂടി കിട്ടുമോയെന്ന് റോബിൻ ചോദിച്ചിരുന്നു. പക്ഷെ അതൊന്നും ടെലികാസ്റ്റ് ചെയ്തില്ലെന്ന് തോന്നുന്നു.' ‍

'ഞങ്ങൾ‌ ​ഗെയിം കളിക്കുന്ന സമയത്ത് ഞാനും റോബിനും ഒരു ടീമിലാണെങ്കിൽ പരസ്പരം വാശിയില്ലാതെ ​ഗെയിം സ്പിരിറ്റിൽ‌ തന്നെയാണ് കളിച്ചിരുന്നത്. അതിന് ശേഷം വീണ്ടും അടിയുണ്ടാക്കുകയും ചെയ്യും.'

'റോബിൻ ബൊമ്മ മോഷ്ടിച്ചപ്പോലെ തന്നെ ഡെയ്സിയും ചെയ്തിരുന്നു. ബ്ലെസ്ലിയും ഡെയ്സിയും അതേ കുറിച്ച് തർക്കിച്ചപ്പോഴാണ് റോബിനും ഡെയ്സിയും തമ്മിൽ വ്യത്യാസമില്ലെന്ന് മനസിലായത്. അതുകൊണ്ടാണ് ഹ​ഗ് ചെയ്യാമെന്ന് കരുതിയത്. അല്ലാതെ മറ്റൊരു കാരണവുമില്ല.'

ജാസ്മിൻ പറഞ്ഞ ഇതേ കാരണം തന്നെ നേരത്തെ ബ്ലെസ്ലി കണ്ടെത്തി ദിൽഷയോട് പറഞ്ഞിരുന്നു. തന്റെ കൂട്ടുകാരി ചെയ്ത തെറ്റ് തന്നെയാണ് റോബിനും ചെയ്തിരിക്കുന്നത് എന്ന തിരിച്ചറിവ് ജാസ്മിന് വന്നതാണ് റോബിനെ ഹ​ഗ് ചെയ്യാനുള്ള കാരണം എന്നാണ് ബ്ലെസ്ലി മുമ്പ് പറഞ്ഞത്.

ഷോയിൽ ഏറ്റവും റിയൽ ആയി നിന്ന് മത്സരിക്കുന്ന വ്യക്തി എന്ന നിലയിൽ ജാസ്മിന് വലിയ ഫാൻ ഫോളോയിങ് ഉണ്ടായിരുന്നു. എന്നാൽ പിന്നീട് ജാസ്മിന്റെ പെരുമാറ്റവും ഭാഷാപ്രയോ​ഗവും മൂലം വോട്ട് കുറയുകയായിരുന്നു.