'മത്സരാർഥികൾക്ക് ഭക്ഷണം വാരികൊടുത്ത് ജാസ്മിൻ'; ഇങ്ങനെയെങ്കിലും എല്ലാവരും ഒരുമിച്ചതിൽ സന്തോഷമെന്ന് പ്രേക്ഷകർ!

ഘട്ടം ഘട്ടമായിട്ടാണ് ടാസ്ക്കുകൾ നടക്കുന്നത്. ആദ്യത്തെ ഘട്ടത്തിൽ മത്സരിച്ച് റോൺസണും ബ്ലെസ്ലിയും ചേർന്നും വെള്ളവും ചിക്കനും തിരികെ ബി​ഗ് ബോസിൽ നിന്നും വാങ്ങിച്ചു.

പക്ഷെ ബാക്കിയുള്ള സൗകര്യങ്ങൾ കൂടി ബി​ഗ് ബോസ് തിരികെ നൽകണമെങ്കിൽ നന്നായി മത്സരിച്ചെ മതിയാകൂ. അതേസമയം വീക്കിലി ‍ടാസ്ക്ക് നടക്കുന്നതിനിടയിലുള്ള മത്സരാർഥികളുടെ ഒരു വീഡിയോയാണ് ഇപ്പോൾ വൈറലാകുന്നത്.

കിട്ടിയ ഭക്ഷ്യവസ്തുക്കൾ വെച്ച് തയ്യാറാക്കിയ സാലഡ് വീട്ടിലെ അം​ഗങ്ങൾക്കെല്ലാം വാരികൊടുത്ത് കഴിപ്പിക്കുന്ന ജാസ്മിനാണ് വീഡിയോയിലുള്ളത്. ഇത്തരം രം​ഗങ്ങളൊക്കെ വളരെ അപൂർവമായെ വീട്ടിൽ കാണാറുള്ളൂ.

പ്രത്യേകിച്ച് ജാസ്മിൻ‌ ഇത്തരത്തിൽ എല്ലാവർക്കും ഭക്ഷണം വാരികൊടുക്കുന്നത് ആദ്യമായാണ്. ഇങ്ങനെയൊരു ടാസ്ക്കിലൂടെയെങ്കിലും എല്ലാവരും ഒത്തുരുമിക്കുന്നത് കാണാൻ സാധിച്ചതിൽ സന്തോഷമുണ്ടെന്നാണ് വീഡിയോ വൈറലായതോടെ പ്രേക്ഷകർ കുറിക്കുന്നത്.

നിമിഷ പോയതോടെ ജാസ്മിന്റെ സ്വഭാവത്തിൽ നല്ല മാറ്റം വന്നിട്ടുണ്ടെന്നും എല്ലാവരോടും പെരുമാറുകയും സംസാരിക്കുകയും ചെയ്യുമ്പോൾ അത് പ്രകടമാണെന്നും പ്രേക്ഷകർ കുറിക്കുന്നുണ്ട്. പുതിയ വീക്കിലി ടാസ്ക്ക് രണ്ട് ദിവസത്തോളം നീണ്ട നിന്നേക്കും.

ഇപ്പോൾ വീട്ടിൽ അവശേഷിക്കുന്നത് പതിമൂന്ന് മത്സരാർഥികളാണ്. ഇവർ തമ്മിലാണ് കപ്പിന് വേണ്ടിയുള്ള പോരാട്ടവും നടക്കുന്നത്. ഈ ആഴ്ചയിലെ നോമിനേഷൻ ലിസ്റ്റിലേക്ക് തെരഞ്ഞെടുക്കപ്പെട്ടിരിക്കുന്നത് അപർണ, ധന്യ, ലക്ഷ്‍മി പ്രിയ, വിനയ്, ഡോ. റോബിൻ, ദിൽഷ, ബ്ലസ്‍ലി എന്നിവരാണ്.

രണ്ടുപേരടങ്ങുന്ന ടീമിന്റെ ചർച്ചകൾക്ക് ഒടുവിലാണ് ബി​ഗ് ബോസ് മത്സരാർഥികളുടെ നിർദേശപ്രകാരമുള്ള നോമിനേഷൻ ലിസ്റ്റ് പ്രഖ്യാപിച്ചത്. ജാസ്‍മിന്റെ നോമിനേഷൻ ഫ്രീ കാർഡ് ഉപയോഗിച്ച് റോൺസൺ സേവായി.

നിമിഷയാണ് കഴിഞ്ഞ ദിവസം വീട്ടിൽ നിന്നും പുറത്തായത്. ഷോ തുടങ്ങിയത് മുതൽ അടുത്ത സുഹൃത്തുക്കളാണ് ജാസ്മിനും നിമിഷയും. അതുകൊണ്ട് തന്നെ വളരെയധികം ഇമോഷണലായ ജാസ്മിനെയാണ് നിമിഷയുടെ പുറത്താകലിന് ശേഷം വീട്ടിൽ കാണാനായത്.

ഒരിക്കൽ പോയി വീണ്ടും തിരിച്ചുവന്ന ഒരു മത്സരാർത്ഥി ഈ സീസണിൽ കാണില്ലെന്നാണ് മോഹൻലാൽ നിമിഷയെ കുറിച്ച് പറഞ്ഞത്.

Recommended Video

ഭാര്യ ഡോക്ടർ നീരജ പറയുന്നു #ronson #biggbossmalayalamofficial #Biggbossmalayalam

ഇനിയൊരാൾക്കും ഇങ്ങനെയൊരു അവസരം കിട്ടില്ലെന്നും മോ​ഹൻലാൽ നിമിഷയോട് പറഞ്ഞു. കഴിവിന്റെ പരമാവധി ഉപയോ​ഗിച്ച് കളിച്ചിരുന്നുവെന്നും എന്നാൽ ജനങ്ങളുടെ തീരുമാനത്തെ മാനിക്കുന്നുവെന്നും നിമിഷ വ്യക്തമാക്കി.

ജാസ്മിനും നിമിഷയും തമ്മിലുള്ള അമിതമായ സ്നേഹമാണ് ജാസ്മിന്റെ സ്വഭാവ രീതികൾ ജനങ്ങൾക്ക് ഇഷ്ടപ്പെടാതെ പോകാൻ കാരണമായതെന്ന് നിമിഷയുടെ പുറത്താകലിന് ശേഷം പ്രേക്ഷകർ കുറിച്ചിരുന്നു.