'​കഴുത്തിൽ പാട് കണ്ടാൽ ​ഗേൾഫ്രണ്ട് സംശയിക്കും, പട്ടി സിയാലോയെ പിടിച്ച് സത്യം ചെയ്യാൻ പറയും'; ജാസ്മിൻ

'മാത്രമല്ല അങ്ങനൊരു സത്യം ചെയ്യേണ്ട ആവശ്യമുണ്ടെന്നും എനിക്ക് തോന്നിയിരുന്നില്ല. അതിന്റെ പേരിൽ വഴക്കുണ്ടാവുകയും ചെയ്യാറുണ്ട്. എന്റെ പട്ടി സിയാലോയെ എനിക്ക് ഒരുപാടിഷ്ടമാണ്.'

'അതിനാൽ അനാവശ്യമായി പട്ടിയെ പിടിച്ച് എപ്പോഴും സത്യം ചെയ്യാൻ പറയുമ്പോൾ ദേഷ്യം വരും. ഇതൊക്കെ ചെയ്തിരുന്ന ഞാൻ ബി​ഗ് ബോസിൽ എത്തിയ ശേഷം നിരന്തരം എല്ലാ കാര്യത്തിലും എന്റെ പട്ടി സിയാലോയുടെ പേരിൽ സത്യം ചെയ്യുകയാണ്.'

'എന്റെ ​ഗേൾഫ്രണ്ട് മോണിക്ക ഇതെല്ലം കണ്ടാൽ ഉറപ്പായും പ്രശ്നമുണ്ടാക്കും' ജാസ്മിൻ വിശദീകരിച്ചു.

ടാസ്ക്കിലും വാ​ഗ്വാദങ്ങളിലും ജാസ്മിൻ സജീവമാണെങ്കിലും പലപ്പോഴും നിയന്ത്രണം വിട്ട് പെരുമാറുന്നതാണ് ജാസ്മിന് വിനയാകുന്നത്. ഉറ്റ സുഹൃത്ത് നിമിഷ പുറത്തായ ശേഷം ജാസ്മിൻ ആകെ തളർന്നിരുന്നു.

ഇപ്പോൾ വീണ്ടും ​ഗെയിമിൽ സജീവമായിട്ടുണ്ട്. അമ്പത് ദിവസം ബി​ഗ് ബോസ് ഹൗസിൽ പൂർത്തീകരിച്ചതിന്റെ സമ്മാനമായി മത്സാർഥികൾക്ക് ട്രോഫികൾ കിട്ടിയിരുന്നു.

വീട്ടിൽ നിന്നും പുറത്തായശേഷം നിമിഷ ജാസ്മിന്റെ ​ഗേൾഫ്രണ്ടിനേയും പട്ടി സിയാലോയേയും സന്ദർശിച്ച് ജാസ്മിന്റെ ട്രോഫി കൈമാറിയിരുന്നു. അതിന്റെ ചിത്രങ്ങളും വീഡിയോയും കുറിപ്പും നിമിഷ സോഷ്യൽമീ‍ഡിയയിൽ പങ്കുവെച്ചിരുന്നു.

'നിന്റെ ട്രോഫി സുരക്ഷിതമായി എത്തിച്ചിട്ടുണ്ട്. സിയാലോയ്ക്ക് ശരിക്കും നിന്നെ മിസ് ചെയ്യുന്നുണ്ട്. നിന്നെ വീണ്ടും കാണാനായി കാത്തിരിക്കുകയാണ് ഞാൻ.'

'മോണിക്ക നല്ലൊരു വ്യക്തിയാണെന്നുമാണ്' നിമിഷ സോഷ്യൽമീഡിയയിൽ കുറിച്ചത്. ബിഗ് ബോസ് സീസൺ 4 തനിക്ക് സമ്മാനിച്ചതാണ് ജാസ്മിൻ എന്ന സുഹൃത്തിനേയെന്ന് പലപ്പോഴായി നിമിഷ പറഞ്ഞിരുന്നു.

ജാസ്മിനോട് ദേഷ്യം കുറയ്ക്കാനും സംയമനത്തോടെ മുന്നേറാനുമായിരുന്നു നിമിഷ അവസാനമായി നൽകിയ നിർദേശം.

Recommended Video

റോബിന്റെ പിടിവള്ളി ദിൽഷയുടെ കയ്യിൽ, അവർ കെട്ടണം | Bigg Boss Malayalam Akhil | #Interview | FilmiBeat

ഷോയിലെ മികച്ച മത്സരാർഥിയാണെങ്കിലും മോശം വാക്കുകൾ ഉപയോഗിച്ച് വഴക്കുണ്ടാക്കുന്നതാണ് ജാസ്മിന്റെ നെഗറ്റീവ്. അത് ശ്രദ്ധിക്കണമെന്നും നിമിഷ പറഞ്ഞിരുന്നു.

അപർണ മൾബറി കൂടി പുറത്തായതോടെ വീട്ടിൽ ഇപ്പോൾ‌ അവശേഷിക്കുന്നത് പന്ത്രണ്ട് മത്സരാർഥികളാണ്. സുചിത്ര, അഖിൽ, സൂരജ്, വിനയ് എന്നിവരാണ് ഈ ആഴ്ച വിധി കാത്ത് കഴിയുന്നത്.

തുടക്കത്തിൽ വലിയ ഫാൻ ബേസുള്ള മത്സരാർഥിയായിരുന്നു ജാസ്മിൻ. പിന്നീട് റോബിനോടുള്ള വൈരാ​ഗ്യവും ചിലരെ മാത്രം ടാ​ർ​ഗെറ്റ് ചെയ്തുള്ള പെരുമാറ്റവും കൂടിയതോടെയാണ് ജാസ്മിൻ ആരാധകരുടെ കാര്യത്തിൽ പിന്നിലേക്ക് സഞ്ചരിച്ച് തുടങ്ങിയത്.