മാസ് റീഎന്‍ട്രിയായി ജാസ്മിനും റോബിനും; ബിഗ് ബോസിലേക്ക് താരങ്ങളുടെ എന്‍ട്രി പ്രേക്ഷകരെ പോലും കോരിത്തരിപ്പിക്കും

ഈ സീസണില്‍ ഇരുപതോളം മത്സരാര്‍ഥികള്‍ ബിഗ് ബോസിനകത്തേക്ക് പ്രവേശിച്ചിരുന്നു. അതില്‍ ആറ് പേര്‍ അവശേഷിക്കവേ ബാക്കിയുള്ളവരെല്ലാം പുറത്തേക്ക് പോയി. വിജയസാധ്യത ഉണ്ടായിരുന്നവര്‍ വരെ അക്കൂട്ടത്തില്‍ ഉണ്ടെന്നുള്ളത് ശ്രദ്ധേയമായിരുന്നു. അവരൊക്കെ തിരിച്ചകത്തേക്ക് വരുന്നത് പ്രേക്ഷകനും കാണാന്‍ കാത്തിരുന്ന നിമിഷമാണ്. അങ്ങനെ മുന്‍പ് വീട്ടിലേക്ക് വന്നത് പോലെ നാലഞ്ച് പേരെ ഒന്നിച്ച് പാട്ടൊക്കെ വെച്ച് അകത്തേക്ക് പ്രവേശിപ്പിച്ചിരിക്കുകയാണ്.

ഇതിനിടെ മാസ് എന്‍ട്രി റോബിന്റെയും ജാസ്മിന്റെയുമാണ്. ഇരുവരും വീടിനകത്ത് ശത്രുക്കളെ പോലെ ആയിരുന്നതിനാല്‍ പുറത്ത് എന്താണ് നടന്നതെന്ന് അകത്തുള്ളവര്‍ക്ക് അറിയില്ല. ഒരാള്‍ സ്വയം ബിഗ് ബോസ് വീടിനോട് വിട പറയുകയും ഒരാളെ പുറത്താക്കുകയും ചെയ്തതാണ്. അതുകൊണ്ട് തന്നെ ഇവര്‍ തിരികെ വരുമോ എന്ന കണ്‍ഫ്യൂഷനും മത്സരാര്‍ഥികള്‍ക്ക് വന്നിരിക്കാം. എന്നാല്‍ 'നെരുപ്പ് ഡാ..' എന്ന് തുടങ്ങുന്ന മാസ് പാട്ടിനൊപ്പം ജാസ്മിനും റോബിനും ഒരുമിച്ച് തിരിച്ച് വന്നു.

ഒപ്പമുണ്ടായിരുന്ന പ്രിയപ്പെട്ടവരെ വീണ്ടും കാണാന്‍ സാധിച്ചതിന്റെ ആകാംഷയിലാണ് ബാക്കിയുള്ള ആറ് പേരും. എല്ലാവരെയും കെട്ടിപ്പിടിച്ചും കരഞ്ഞും സന്തോഷം പങ്കുവെക്കുകയാണ്. ഇതില്‍ റോബിനും ദില്‍ഷയും തമ്മിലുള്ള സംഭാഷണവും നിമിഷയും റിയാസും തമ്മിലുള്ള സംസാരവുമൊക്കെ പുറത്ത് വന്നു. എന്തായാലും ഈ സീസണില്‍ എല്ലാം തികഞ്ഞൊരു ബിഗ് ബോസ് കാണാന്‍ സാധിച്ചതിന്റെ ആത്മനിര്‍വൃതി പ്രേക്ഷകര്‍ക്കും ഉണ്ട്.

Recommended Video

റോബിനോട് വഴക്കുണ്ടാക്കിയത് തെറ്റായി, ആരാധക പിന്തുണ ഞെട്ടിച്ചു | Ashwin Bigg Boss *Interview

കഴിഞ്ഞ രണ്ട് സീസണുകളിലും മത്സരം പകുതി വഴിയില്‍ അവസാനിപ്പിക്കേണ്ടതായി വന്നിരുന്നു. ഇത്തവണ അതുണ്ടാവാതെ നൂറ് ദിവസം പൂര്‍ത്തിയാക്കാനും അതിനോട് അനുബന്ധിച്ച് ഗ്രാന്‍ഡ് ഫിനാലെ നടത്താനും സാധിക്കും. ജൂലൈ മൂന്ന് ഞായറാഴ്ചയായിരിക്കും ബിഗ് ബോസ് ഷോ യുടെ ഫിനാലെ നടക്കുക എന്നാണ് അറിയുന്നത്.

അതേ സമയം മത്സരാര്‍ഥികളുടെ തിരിച്ച് വരവിനെ പറ്റി അഭിപ്രായങ്ങളുമായി ആരാധകരുമെത്തി. 'ഞങ്ങളുടെ രാജാവിന്റെ തിരിച്ച് വരവിന് വേണ്ടി കാത്തിരിക്കുകയായിരുന്നു' എന്നാണ് റോബിനെ കുറിച്ച് ആരാധകര്‍ പറഞ്ഞത്.