ക്യാപ്റ്റൻസി ടാസ്ക്കിൽ റോബിനെ ഉൾപ്പെടുത്തരുതെന്ന് അഖിലിനോട് ജാസ്മിൻ, നിലപാടിൽ ഉറച്ച് നിന്ന് മാസായി അഖിൽ!

ജാസ്മിന്റെ ഉറ്റ സുഹൃത്തായിരുന്ന നിമിഷയുടെ പാവ ആദ്യത്തെ ആഴ്ചയിലെ വീക്കിലി ടാസ്ക്കിൽ റോബിൻ തന്ത്രപൂർവം കൈക്കലാക്കിയത് മുതലാണ് ജാസ്മിന് റോബിനോടുള്ള വൈരാ​ഗ്യം തുടങ്ങിയത്.

ഈ സീസണിൽ റോബിനും ജാസ്മിനും തമ്മിലാണ് ഏറ്റവും കൂടുതൽ വഴക്കുകൾ ഉണ്ടായിരിക്കുന്നത്. റോബിൻ വൈരാ​ഗ്യത്തോടെ പെരുമാറാറില്ലെങ്കിലും ജാസ്മിൻ എല്ലാ കാര്യങ്ങളിലും റോബിനെയാണ് ടാർ​ഗെറ്റ് ചെയ്യാറുള്ളത്.

ഈ ആഴ്ചയിലെ വീക്കിലി ടാസ്ക്കിൽ നന്നായി പ്രകടനം കാഴ്ചവെച്ചവരുടെ പേരുകൾ പറയാൻ ബി​ഗ് ബോസ് ആവശ്യപ്പെട്ടപ്പോഴും റോബിന്റെ പേര് ജാസ്മിൻ പറഞ്ഞില്ല.

മാത്രമല്ല റോബിനെ ക്യാപ്റ്റൻസി ടാസ്ക്കിൽ നിന്നും ഒഴിവാക്കാൻ ക്യാപ്റ്റനായ അഖിലിനെ സ്വാധീനിക്കാൻ ജാസ്മിൻ ശ്രമിക്കുകയും ചെയ്തു. ക്യാപ്റ്റൻസ് ടാസ്ക്കിലേക്ക് മത്സരിക്കാൻ തെരഞ്ഞെടുക്കപ്പെട്ടവരിൽ ഒരാളെ ഒഴിവാക്കാനുള്ള അധികാരമാണ് അഖിലിന് ബി​ഗ് ബോസ് നൽകിയിരുന്നത്.

ഇത് മനസിലാക്കി ജാസ്മിൻ അഖിലിനോട് റോബിനെ ക്യാപ്റ്റൻസ് ടാസ്ക്കിൽ നിന്നും ഒഴിവാക്കാൻ ആവശ്യപ്പെട്ടു. എന്നാൽ അഖിൽ ജാസ്മിന്റെ വാക്കിൽ വീണില്ലെന്ന് മാത്രമല്ല. മികച്ചൊരു തീരുമാനമാണ് വീഷയത്തിൽ സ്വീകരിച്ചതും.

റോബിനും റിയാസും ബ്ലെസ്ലിയും ഇതുവരെ ക്യാപ്റ്റനായിട്ടില്ലാത്തവരാണെന്നും ക്യാപ്റ്റനാകാത്തവർ ക്യാപ്റ്റനാകണമെന്നാണ് താൻ ആ​ഗ്രഹിക്കുന്നതെന്നും അഖിൽ വ്യക്തമാക്കി.

നട്ടെല്ലുള്ള നിലപാട് അഖിൽ സ്വീകരിച്ചതോടെ സോഷ്യൽമീഡിയയിലും അഭിനന്ദന പ്രവാഹമാണ്. അഖിൽ ഒരു മത്സരാർഥി എന്ന നിലയിൽ ഒറ്റ തീരുമാനത്തിലൂടെ ഒരുപാട് ഉയർന്നുവെന്നാണ് പ്രേക്ഷകർ കുറിച്ചത്. അതേസമയം ജാസ്മിനെതിരെ പ്രതിഷേധവും ഉയരുന്നുണ്ട്.

വ്യക്തി വൈരാ​ഗ്യം തീർക്കാൻ ക്യാപ്റ്റനായ അഖിലിന്റെ സവിശേഷ അധികാരത്തിൽ കൈകടത്താൻ ജാസ്മിൻ ശ്രമിച്ചുവെന്നതാണ് പ്രതിഷേധത്തിന് കാരണം.

ഒരു ക്യാപ്റ്റന്റെ തീരുമാനത്തിൽ അഭിപ്രായം പറയാൻ പോലും ജാസ്മിന് അധികാരമില്ലെന്നും വളരെ തരംതാണ കളികളാണ് ജാസ്മിൻ വീട്ടിലിപ്പോൾ ഇറക്കുന്നതെന്നും പ്രേക്ഷകർ കുറിച്ചു. ഏഴാം ആഴ്ചയിൽ ജാസ്മിനായിരുന്നു ബി​ഗ് ബോസ് ഹൗസിലെ ക്യാപ്റ്റൻ.

Recommended Video

ദിൽഷയെ കെട്ടിക്കാൻ അമ്പലത്തിൽ നേർച്ച | Bigg Boss Malayalam Dilsha's Sister Interview | Part 2

അതും നിമിഷയും ജാസ്മിനും ചേർന്ന് ഒത്തുകളിച്ചതിനാലാണ് ക്യപ്റ്റൻസി ജാസ്മിന് ലഭിച്ചത്. മാത്രമല്ല സീസൺ ഫോറിലുണ്ടായ ക്യാപ്റ്റൻസിയിൽ ഏറ്റവും മോശം ക്യാപ്റ്റൻസിയും ജാസ്മിന്റേതായിരുന്നു.

അതേസമയം അപർണ, ധന്യ, ലക്ഷ്‍മി പ്രിയ, വിനയ്, ഡോ.റോബിൻ, ദിൽഷ, ബ്ലെസ്ലി എന്നിവരാണ് ഈ ആഴ്ചത്തെ എവിക്ഷൻ പട്ടികയിൽ ഇടം നേടിയിരിക്കുന്നത്.

നിമിഷ പുറത്തായതോടെ ജാസ്മിൻ ​ഗെയിമിലും വീട്ടിലെ പ്രവർത്തനങ്ങളിലുമെല്ലാം വളരെ പിന്നിലാണ്. വോട്ടിങിലും ജാസ്മിൻ വളരെ പിന്നിലേക്ക് സഞ്ചരിച്ച് കൊണ്ടിരിക്കുകയാണ്.