'‌ഈ ആഴ്ച നമ്മളിൽ ഒരാളാകും പുറത്തുപോവുക, വിനയ് പുറത്താകില്ല'; സുചിത്രയോടും സൂരജിനോടും അഖിൽ പറയുന്നു!

അതേസമയം ഒമ്പതാം ആഴ്ചയിലെ നോമിനേഷൻ പട്ടികയിൽ വന്നിരിക്കുന്നത് സുചിത്ര, സൂരജ്, വിനയ്, അഖിൽ എന്നിവരാണ്. സുചിത്ര ഒമ്പത് ആഴ്ചയ്ക്കിടെ ആദ്യമായാണ് എലിമിനേഷനിൽ വന്നിരിക്കുന്നത്. അതിന് മുമ്പെല്ലാം സേഫ് പ്ലെയായിരുന്നു മറ്റ് മത്സരാർ‌ഥികളുടെ സഹായത്തോടെ സുചിത്ര കളിച്ചിരുന്നു.

ധന്യ അടക്കമുള്ളവരോടുള്ള സൗഹൃദം കുറേയൊക്ക സുചിത്രയെ എലിമിനേഷനിൽ നിന്നും രക്ഷിച്ചിട്ടുണ്ട്. രണ്ടാഴ്ച മുമ്പ് മോഹൻലാൽ വന്നപ്പോൾ ധന്യയും സുചിത്രയും സേഫ് പ്ലെ കളിക്കുകയാണെന്ന് പറയാതെ പറഞ്ഞിരുന്നു.

അപ്പോഴും മത്സരാർഥികൾക്കൊന്നും സുചിത്രയെ നോമിനേഷനിൽ കൊണ്ടുവരണമെന്ന ചിന്ത വന്നിരുന്നില്ല. ഒമ്പതാം ആഴ്ച എത്തിയപ്പോൾ സുചിത്ര സ്വമേധയാ നോമിനേറ്റഡാവുകയായിരുന്നു.

സുചിത്ര, സൂരജ് പോലുള്ളവർ അർഹതയില്ലാതെ സേഫ് ​ഗെയിം കളിച്ച് വീട്ടിൽ തുടരുന്നതിൽ പ്രേക്ഷകർക്കും പ്രതിഷേധമുണ്ടായിരുന്നു.

സുചിത്ര, സൂരജ്, അഖിൽ എന്നിവർ അടുത്ത സുഹൃത്തുക്കളാണ്. ഇപ്പോൾ നോമിനേഷനിൽ വന്നപ്പോഴും മൂവരും ഒരുമിച്ചുണ്ട്. ഇപ്പോൾ ഈ ആഴ്ച ആര് പുറത്താകും എന്നതിനെ കുറിച്ചുള്ള അഖിലിന്റെ പ്രവചനത്തിന്റെ വീഡിയോയാണ് ശ്രദ്ധനേടുന്നത്.

വിനയ് പുറത്താകില്ലെന്നും നമ്മളിൽ ഒരാളായിരിക്കും പുറത്താവുക എന്നുമാണ് അഖിൽ സൂരജ്, സുചിത്ര എന്നിവരോട് പറയുന്നത്.

'ഈ ആഴ്ച വിനയ് പുറത്താകാൻ സാധ്യതയില്ല. പക്ഷെ നമ്മളിൽ ഒരാൾ പുറത്താകും. അത് സംഭവിച്ചില്ലെങ്കിൽ പിന്നെ വേറെ വലിയ അത്ഭുതം സംഭവിക്കണം.'

എവിക്ഷൻ മാറ്റിയവയ്ക്കുകയോ.. അങ്ങനെ എന്തെങ്കിലും പുറത്തെ സ്ഥിതി അപേക്ഷിച്ചായിരിക്കും വിധി' അഖിൽ പറഞ്ഞു. മത്സരാർത്ഥികളിൽ എല്ലാവർക്കും ബിഗ് ബോസ് സീസൺ നാലിലെ വിജയികളാകാനാണ് ആഗ്രഹം.

താൻ ബിഗ് ബോസ് വീട്ടിലെ ഏറ്റവും ശക്തനായ മത്സരാർഥിയാണെന്ന് ഓരോ മത്സരാർഥിയും അവകാശപ്പെടുകയും ചെയ്യാറുണ്ട്. എന്നാൽ ശക്തനായ മത്സരാർഥിയാണെന്ന് സ്വയം അവകാശപ്പെടുന്ന പലർക്കും എവിക്ഷനിൽ നിന്ന് ജനങ്ങളുടെ നിലപാടറിയാൻ താത്പര്യമില്ല.

കഴിഞ്ഞ ദിവസം നടന്ന നോമിനേഷൻ പ്രക്രിയയിൽ അത് വ്യക്തമായിരുന്നു. നോമിനേഷനിൽ നിന്ന് ഒഴിവാക്കണമെന്നാവശ്യപ്പെട്ട് റോൺസൺ ദിൽഷയുടേയും അഖിലിന്റേയും കാല് പിടിക്കുകയായിരുന്നു. അതുപോലെ തന്നെ ജാസ്മിനും റിയാസും സൂരജിനെ നോമിനേഷനിലേക്ക് ഇട്ട് തടി തപ്പി.

അതേസമയം പ്രേക്ഷകർക്കിടയിലുള്ള മത്സരാർഥികളുടെ മതിപ്പിൽ ചാഞ്ചാട്ടങ്ങൾ ഉണ്ടാകുന്നുണ്ട്. ഈ സീസണിൽ ആരെ ഫേവറേറ്റ് ആക്കണം എന്നതിൽപോലും പ്രേക്ഷകർക്ക് ​കൃത്യമായ തീരുമാനത്തിൽ എത്താൻ കഴിഞ്ഞിട്ടില്ല. മത്സരാർഥിഖളുടെ സ്ട്രാറ്റജികൾ പ്രവചിക്കാൻ കഴിയുന്നില്ലെന്നത് തന്നെയാണ് കാരണം.