മുഖമൊന്നു വാടിയാല്‍ മള്‍ബു ചോദിക്കുമായിരുന്നു, തെറ്റിച്ചത് അവനാണ്, ഇടയില്‍ കളിച്ചയാളെ കണ്ടെത്തി എല്‍പി

ബ്ലെസ്ലിയ്‌ക്കെതിരെ നിരവധി പരാതികളാണ് ദിനംപ്രതി ഉയരുന്നത്. ഇദ്ദേഹത്തിന്റെ നിലപാടുകളോടുള്ള വിയോജിപ്പാണ് ഇതിന് കാരണം. എന്നാല്‍ ക്യാപ്റ്റനായതിന് ശേഷം ഇത് വര്‍ധിച്ചിരിക്കുകയാണ്. ഇദ്ദേഹത്തിന്റെ ഭരണപരിഷ്‌കാരങ്ങള്‍ മറ്റുള്ളവര്‍ക്ക് ഉള്‍ക്കൊള്ളാന്‍ കഴിഞ്ഞിട്ടില്ല. ഇതിന്റെ പേരില്‍ പല വഴക്കുകളും ഇതിനോടകം തന്നെ ഹൗസില്‍ നടന്നിട്ടുണ്ട്. ക്യാപ്റ്റനെ വിമര്‍ശിച്ച് ഹൗസ് അംഗങ്ങള്‍ ഒറ്റക്കെട്ടായി നിന്നിരുന്നു. ഇത്തരത്തിലുള്ള കാഴ്ച ബിഗ് ബോസ് ഹൗസില്‍ ആദ്യമായിട്ടായിരുന്നു കാര്യങ്ങള്‍ എന്തുതന്നെയായലും ഓണവില്ല് കളിക്കാതെ നല്ല കണ്ടന്റുകളാണ് ബ്ലെസ്ലി ഈ വാര നല്‍കിയത്.

ബ്ലെസ്ലിയ്‌ക്കെതിരെ വലിയൊരു പടയൊരുക്കം ഹൗനുള്ളില്‍ നടക്കുന്നുണ്ട്.

ബ്ലെസ്ലിയെ രൂക്ഷമായി വിമര്‍ശിച്ച് ലക്ഷ്മിപ്രിയ എത്തിയിരിക്കുകയാണ്. അപര്‍ണ്ണ മള്‍ബറിയെ തന്നില്‍ നിന്ന് തെറ്റിച്ചത് ബ്ലെസ്ലിയാണെന്നാണ് ലക്ഷ്മിയുടെ ആരോപണം. ഓരോന്ന് പറഞ്ഞ് അപര്‍ണ്ണയെ തന്നില്‍ നിന്ന് അകറ്റിയത് ബ്ലെസ്ലിയാണെന്നും താരം കൂട്ടിച്ചേര്‍ത്തു. രാത്രി വിനയിയോടാണ് ഇക്കാര്യം പറഞ്ഞത്. ഇവരുടെ സംസാരത്തിനിടെ ബിഗ് ബോസ് മൈക്ക് ധരിക്കാനും ആവശ്യപ്പെടുന്നുണ്ട്.

ലക്ഷ്മി സംഭവത്തെ കുറിച്ച് പറയുന്നത് ഇങ്ങനെയാണ്. ഒരു ടാസ്‌ക്കിനിടെ ബ്ലെസ്ലിയെ ചോദ്യം ചെയതു. അത് അവന് പിടിച്ചില്ല. തനിക്ക് നേരെ വിരലും ചൂണ്ടി വന്നു. എന്നെ ഭയങ്കരമായി വഴക്ക് പറയുകയും ചെയ്തു. സുചിത്രയും നവീനും അന്ന് എനിക്കൊപ്പമുണ്ടായിരുന്നു. ഇവന്‍ പറഞ്ഞ്ത് അവര്‍ക്കും ഉള്‍ക്കൊള്ളാന്‍ കഴിഞ്ഞില്ല'; ലക്ഷ്മി തുടര്‍ന്നു.

ബ്ലെസ്ലിയെ ഒരു കുഞ്ഞ് അനിയനെ പോലെ യായിരുന്നു ഞാന്‍ കണ്ടത്. അതുകൊണ്ട് തന്നെ അവന്‍ പറഞ്ഞ വാക്കുകള്‍ എന്നെ വേദനിപ്പിച്ചു. അതിനാണ് കരഞ്ഞത്.

എന്നാല്‍ ഭാഷ മനസിലാക്കാന്‍ കഴിയാത്ത അപര്‍ണ്ണ മള്‍ബറിയ്ക്ക് അവന്‍ പറഞ്ഞതിന്റെ അര്‍ഥം മനസ്സിലായില്ല. കൂടാതെ തന്നെ മറ്റൊരു രീതിയില്‍ മള്‍ബറിയോട് പറയുകയും ചെയ്തു. അതോടെയാണ് അപര്‍ണ്ണ ഞാനുമായി തെറ്റുന്നത്'; ലക്ഷ്മിപ്രിയ കൂട്ടിച്ചേര്‍ത്തു.

ബ്ലെസ്ലി പറഞ്ഞത് തന്നെ വല്ലാതെ വേദപ്പിച്ചു. പുറകില്‍ പോയി കരഞ്ഞ എന്നോട് ചേച്ചി അത്രയ്ക്ക് ഡ്രാമ കണിക്കേണ്ട ആവശ്യമില്ലായിരുന്നു എന്നാണ് അപര്‍ണ്ണ പറഞ്ഞത്. ബ്ലെസ്ലി പറഞ്ഞ് തെറ്റിധരിപ്പിച്ചത് കൊണ്ടാണ് അവള്‍ അങ്ങനെ പ്രതികരിച്ചത്.

ആ സംഭവത്തിന് മുന്‍പ് വരെ പരസ്പരം ഒന്നിച്ച് ഇരുന്ന് സംസാരിക്കുകയും ഞങ്ങളുടെ കാര്യങ്ങള്‍ ഷെയര്‍ ചെയ്യാറുമുണ്ടായിരുന്നു. എന്റെ മുഖമൊന്ന് വാടിയില്‍ മള്‍ബു വന്ന് ചോദിക്കുമായിരുന്നു. എന്നാല്‍ ഇതിന് ശേഷം അധികം സംസാരിക്കാറില്ലായിരുന്നു. ഇപ്പോഴാണ് അതിന്റെ ട്രാക്ക് മനസിലായതെന്നും ലക്ഷ്മി പ്രിയ പറഞ്ഞ് നിർത്തി.