തെന്നിന്ത്യന്‍ താരം തമന്നയുടെ നായകനായി റോണ്‍സണ്‍, അവസരം കൊടുത്തത് ലക്ഷ്മി പ്രിയ

ബിഗ് ബോസ് റിസോര്‍ട്ടിലേക്കുള്ള ലക്ഷ്മി പ്രിയയുടെ എന്‍ട്രി തന്നെ വളരെ രസകരമായിരുന്നു. സുഭഭ്ര അന്തര്‍ജനം എന്നാണ് കഥാപാത്രത്തിന്റെ പേര്. പൊങ്ങച്ചക്കാരിയായ ഒരു സ്ത്രിയുടെ മാനറിസങ്ങളും ശൈലിയുമൊക്കെ സുഭഭ്ര അന്തര്‍ജനത്തിലുണ്ടായിരുന്നു. കഥാപാത്രത്തിന് ചേരുന്ന കേരളസാരിയും ആഭരണങ്ങളും പൊങ്ങച്ചം കാണിക്കാന്‍ തന്നെക്കാള്‍ വലിയൊരു കണ്ണാടിയും വെച്ചിട്ടുണ്ട്്. എല്ലാവരേയും ഉള്‍പ്പെടുത്തി കൊണ്ടായിരുന്നു ലക്ഷ്മി ടാസ്‌ക്ക് ചെയ്തത്.

അഖിലുമായുള്ള കോമ്പിനേഷന്‍ രംഗങ്ങളില്‍ ഒക്കെ ലക്ഷ്മി കൗണ്ടറുകളുമായി ലക്ഷ്മി പ്രിയ രസിപ്പിച്ചു. 'സുഭദ്ര അന്തര്‍ജന'ത്തിന്റെ ഒരു വീഡിയോ ആല്‍ബത്തെ കുറിച്ച് ഷെഫായ അഖിലിന്റെ കഥാപാത്രം പറയുകയായിരുന്നു. അപ്പോള്‍ അഭിനയിക്കാന്‍ തനിക്ക് താല്‍പര്യം ഇല്ലായിരുന്നു എന്ന് ലക്ഷ്മി പ്രിയയുടെ കഥാപാത്രം പറയുന്നു. എന്നാല്‍ ആ അവസരം വേറെ ആര്‍ക്കെങ്കിലും കൊടുത്തുകൂടായിരുന്നോ എന്ന് അഖില്‍ ചോദിക്കുന്നു. നിര്‍മാതാവ് സമ്മതിച്ചില്ല എന്ന് ആയിരുന്നു ലക്ഷ്മിയുടെ മറുപടി. ആരായിരുന്നു നിര്‍മാതാവ് എന്ന് അഖില്‍ ചോദിച്ചപ്പോള്‍ താന്‍ തന്നെ എന്നായിരുന്നു മറുപടി. ഇത് ഏറെ നര്‍മത്തോടെയാണ് ലക്ഷ്മി അവതരിപ്പിച്ചത്.

ലക്ഷ്മി- അഖില്‍ കോമ്പോയിലേയ്ക്ക് ക്ലീനിംഗ് സ്റ്റാഫായ റോണ്‍സണും എത്തുകയായിരുന്നു. സുഭഭ്ര അന്തര്‍ജനം ന്ിര്‍മ്മിക്കുന്ന സിനിമയില്‍ റോണ്‍സണെ നായകനാക്കാം എന്നായിരുന്നു പറഞ്ഞത്. തനിക്ക് ഇഷ്ടമില്ലാത്തെ ഒരു കാര്യം ചെയ്തതിന്റെ പേരില്‍ റോണ്‍സണെ ലക്ഷ്മി പ്രിയ ശകാരിക്കുന്നതായിരുന്നു ആ രംഗത്ത് ആദ്യം കണ്ടത്. കൃത്യമായ കൗണ്ടറുകളോടെ റോണ്‍സണും രംഗം ഉഷാറാക്കി. ഒടുവില്‍ അത് അഭിനയമായിരുന്നു എന്ന് ലക്ഷ്മി പ്രിയ പറയുകയും റോണ്‍സണ്‍ തന്റെ സിനിമയിലെ നായകനാണ് എന്ന് പ്രഖ്യാപിക്കുകയും ചെയ്തു.

Recommended Video

അപ്പോൾ കാണുന്നവനെ അപ്പാ എന്ന പ്രയോഗം പഴഞ്ചൊല്ലോ? | Manikandan Bigg Boss Exclusive Interview

പിന്നീട് തെന്നിന്ത്യന്‍ താരം തമന്നയുമായുള്ള ഒരു പ്രണയ രംഗം അഭിനയിച്ചു കാണിക്കാന്‍ ലക്ഷ്മി പ്രിയ റോണ്‍സണോട് ആവശ്യപ്പെട്ടു. നടി സൂരജിനോടാണ് തമന്നയായി അഭിനയിക്കാന്‍ പറഞ്ഞത്. എന്നാല്‍ തമന്നയാകാന്‍ അപര്‍ണയോട് പറയാം എന്നായിരുന്നു സൂരജിന്റെ മറുപടി. ആ കുട്ടിക്ക് തമന്നയെ അറിയുക പോലും ഇല്ലെന്ന് ലക്ഷ്മി പ്രിയ കൗണ്ടര്‍. ഒടുവില്‍ സൂരജ് തന്നെ തമന്നയായി. ഐസ്‌ക്രീം കൊണ്ടുവരുന്ന തമന്നയെ ആണ് സൂരജ് അഭിനയിച്ച് കാണിച്ചത്. തമന്നയുമായുള്ള പ്രണയരംഗം ഗംഭീരമായി റോണ്‍സണ്‍ അഭിനയിച്ചു.