'ടൊമാറ്റോ റൈസ് ഞാന്‍ ഉള്ളപ്പോള്‍ ചെയ്യാന്‍ പറ്റില്ല', സുചിത്രയോട് പഞ്ച്ഡയലോഗുമായി ലക്ഷ്മി പ്രിയ

ബിഗ് ബോസ് സീസണ്‍ 4 ല്‍ ഏറ്റവും കൂടുതല്‍ പ്രശ്‌നങ്ങള്‍ നടക്കുന്ന ഒരു സ്ഥലമാണ് അടുക്കള. ആറാഴ്ചയ്ക്കുള്ളില്‍ നിരവധി വഴക്കുകള്‍ അടുക്കളയില്‍ ഉണ്ടായിട്ടുണ്ട്. ഭക്ഷണം ഉണ്ടാക്കുന്നതുമായി ബന്ധപ്പെട്ടാണ് അധികം പ്രശ്നങ്ങളും നടക്കുന്നത്. ഇപ്പോഴിതാ അടുക്കളയും പാചകവും വീണ്ടും ബിഗ് ബോസ് ഹൗസില്‍ ചർച്ചയാവുകയാണ്.

Recommended Video

പോകുന്നതിന് മുന്നേ പുറകെ നടന്ന് സ്ട്രാറ്റജി പറഞ്ഞു കൊടുത്തു,Ronson's Wife Dr Neeraja Interview

ബിഗ് ബോസ് ഹൗസില്‍ റേഷനായിട്ടാണ് ഭക്ഷണസാധങ്ങള്‍ നല്‍കുന്നത്. പല ആഴ്ചകളിലും അരിയും സാധനങ്ങളും നേരത്തെ തീര്‍ന്ന് പോകാറുമുണ്ട്. സുചിത്രയും ലക്ഷ്മി പ്രയയുമാണ് സ്ഥിരമായി അടുക്കള ടീമില്‍ എത്താറുള്ളത്. ഇപ്പോഴിതാ ഭക്ഷണം ഉണ്ടാക്കുന്നതിനെ ചൊല്ലി ഇരുവരും തമ്മില്‍ ചെറിയ അഭിപ്രായവ്യത്യാസം ഉടലെടുക്കുകയാണ്. ടൊമാറ്റോ റൈസ് ഉണ്ടാക്കാന്‍ പറയുന്ന സുചിത്രയോട് പറ്റില്ലെന്ന് മുഖത്ത് നോക്കി പറയുകയാണ് ലക്ഷ്മി. നാടകീയത കൂട്ടികലര്‍ത്തി കൊണ്ടായിരുന്നു ലക്ഷ്മിപ്രിയയുടെ മറുപടി.

അരിയുടെ ഉപയോഗം ചുരുക്കുന്നതിന്റെ ഭാഗമായിട്ടായിരുന്നു സുചിത്ര ടൊമാറ്റോ റൈസ് എന്നുള്ള ആശയം പറഞ്ഞത്. എന്നാല്‍ താന്‍ അടുക്കളയിലുള്ളപ്പോള്‍ ടൊമാറ്റോ റൈസ് ഉണ്ടാക്കാന്‍ സമ്മിതിക്കില്ലെന്നായിരുന്നു ലക്ഷ്മിയുടെ മറുപടി. കാരണവും പറയുന്നുണ്ട്. ടൊമറ്റോ റൈസുണ്ടാക്കാന്‍ കൂടുതല്‍ അരിവേണമെന്നായിരുന്നു ലക്ഷ്മിയുടെ വാദം. വേണ്ടെന്ന് സുചിത്ര പറയുന്നുണ്ടെങ്കിലും പതിവ് പോലെ അംഗീകരിക്കാന്‍ ലക്ഷ്മി തയ്യാറായില്ല. ടൊമാറ്റോ റൈസ് ആണെങ്കില്‍ കറി വേണ്ടെന്ന് സുചിത്ര വീണ്ടും തുടര്‍ന്നു. എന്നാല്‍ കറി വയ്ക്കാന്‍ തനിക്കൊരു കുഴപ്പവുമില്ലെന്നും ഇഷ്ടം പോലെ സാധനം ഇവിടെയുണ്ടെന്നും ലക്ഷ്മി മറുപടിയായി പറഞ്ഞു. പിന്നീട് ഇതിനെ കുറിച്ച് സുചിത്ര സംസാരിച്ചില്ല.

പുറമേ സൌഹൃദം വെച്ച് പുലർത്തുന്നുണ്ടെങ്കിലും ഉള്ളില്‍ ലക്ഷ്മിപ്രിയയും സുചിത്രയും തമ്മില്‍ അത്ര നല്ല രസത്തിലല്ല. പല കാര്യങ്ങളിലും ഇരുവരും രണ്ട് ചേരിയിലാണ്. മോഹന്‍ലാല്‍ എത്തിയ കഴിഞ്ഞ വാരാന്ത്യം എപ്പസോഡില്‍ സുചിത്രയെ ചോദ്യം ചെയ്ത ലക്ഷ്മി എത്തിയിരുന്നു. പ്രശ്നങ്ങള്‍ പബ്ലിക്കായി പറഞ്ഞു തീര്‍ത്തുവെങ്കിലും ഇവര്‍ തമ്മിലുള്ള അഭിപ്രായവ്യത്യാസം വീണ്ടും വര്‍ധിച്ചു വരുകയാണ്. ഇത്തവണയും എവിക്ഷനില്‍ നിന്ന് സുചിത്ര രക്ഷപ്പെട്ടിട്ടുണ്ട്. തന്നെ നോമിനേറ്റ് ചെയ്യണമെന്ന് നടി തന്നെ പറഞ്ഞെങ്കിലും മത്സരാര്‍ത്ഥികള്‍ ഇക്കുറിയും സുചിത്രയുടെ പേര് പറഞ്ഞില്ല. ലക്ഷ്മി പതിവ് പോലെ ഇടംപിടിച്ചിട്ടുണ്ട്. ജാസ്മിന്‍, നിമിഷ,ദില്‍ഷ, റോണ്‍സണ്‍, റോബിന്‍, ബ്ലെസ്ലി,എന്നിവരാണ് ഇക്കുറി എവിക്ഷനില്‍ ഉള്‍പ്പെട്ടിക്കുന്നത്.