'നൂറ് ദിവസം നിൽക്കണം, അല്ലെങ്കിൽ എനിക്ക് ഡിപ്രഷൻ വരും, വീട്ടിലേക്ക് പോലും തിരിച്ച് പോവില്ല'; ലക്ഷ്മിപ്രിയ!

അതേസമയം പതിമൂന്നാം ആഴ്ചയിലെ വീക്കിലി ടാസ്ക്ക് കഴിഞ്ഞ ശേഷം ലക്ഷ്മിപ്രിയ ധന്യയോട് പറഞ്ഞ വാക്കുകളാണ് വൈറലാകുന്നത്. നൂറ് ദിവസം തനിക്ക് വീട്ടിൽ നിൽക്കണമെന്ന് അതിയായ ആ​ഗ്രഹമുണ്ടെന്നാണ് ലക്ഷ്മിപ്രിയ ധന്യയോട് പറയുന്നത്.

'വിന്നാറാകണം എന്നില്ല. പക്ഷെ നൂറ് ദിവസവും വീട്ടിൽ നിൽക്കണം. ഇല്ലെങ്കിൽ ഭയങ്കര സങ്കടം ആയിരിക്കും. ഡിപ്രഷൻ അടിച്ച് പോകും. വീട്ടിലേക്ക് തിരികെ പോകുമോയെന്ന് പോലും സംശയമാണ്.'

'നൂറ് ദിവസം നിൽക്കണമെന്നത് എന്റെ സ്വപ്നമാണ്. ആദ്യമൊന്നും അങ്ങനെ ഇല്ലായിരുന്നു. ഒത്തിരി ചവിട്ടിതേക്കലായപ്പോൾ എനിക്ക് വാശിയായി' ലക്ഷ്മി പ്രിയ ധന്യയോട് പറഞ്ഞു. തനിക്കും നൂറ് ദിവസം നിൽക്കണമെന്നാണ് ആ​ഗ്രഹമെന്ന് ധന്യയും പറയുന്നത്.

ശക്തയായ മത്സരാർഥിയാണ് ലക്ഷ്മി പ്രിയ. ഓരോ ദിവസം കഴിയുന്തോറും ലക്ഷ്മിയുടെ പ്രകടനങ്ങൾ മാറിമറിയുകയാണ്. വീക്കിലി ടാസ്ക്കായ ആൾമാറാട്ടത്തിൽ ബ്ലെസ്ലിയായി മികച്ച പ്രകടനമാണ് ലക്ഷ്മി കാഴ്ചവെച്ചത്.

പക്ഷെ ലക്ഷ്മിപ്രിയയെ പുറത്താക്കുക എന്ന ലക്ഷ്യമാണ് ഇപ്പോൾ ബ്ലെസ്ലിക്കുള്ളത്. അതിനായി ലക്ഷ്മിപ്രിയയെ പരമാവധി ടാർ​ഗറ്റ് ചെയ്ത് ബ്ലെസ്ലി കളിക്കുന്നുണ്ട്. പക്ഷെ പുറത്ത് അത് പ്രേക്ഷകർ സ്വീകരിക്കുന്നില്ല. ബ്ലെസ്ലി അനാവശ്യമായി അവസാന ദിവസങ്ങളിൽ മോശം ​ഗെയിം കളിക്കുന്നുവെന്നാണ് പ്രേക്ഷകർ പറയുന്നത്.

വീക്കിലി ടാസ്ക്കിൽ ലക്ഷ്മിപ്രിയയുടെ പ്രകടനം മോശമായിരുന്നുവെന്നാണ് ബ്ലെസ്ലി പറഞ്ഞത്. പക്ഷെ ഒരു കഥാപാത്രം മാത്രമെ ചെയ്തുള്ളൂവെങ്കിലും അത് ഭം​ഗിയായി ചെയ്യാൻ ലക്ഷ്മിപ്രിയയ്ക്ക് സാധിച്ചു.

Recommended Video

എല്ലാം മറന്ന് ഒന്നിച്ചു അവർ | Robin | Jasmin | Nimisha | Naveen | Akhil | Vinay | Bigg Boss

വോട്ടിങിന്റെ കാര്യത്തിൽ ഇപ്പോൾ ബ്ലെസ്ലിയും ദിൽഷയുമാണ് മത്സരിക്കുന്നത്. കൂടാതെ ലക്ഷ്മിപ്രിയയ്ക്കും റിയാസിനും വോട്ട് കൂടുന്നുണ്ട്. അതേസമയം റോൺസണും സൂരജും യാതൊരു ​ഗെയിം കളിക്കാതെ വീട്ടിൽ ഇപ്പോഴും തുടരുന്നതിനോട് പ്രേക്ഷകർക്ക് വിയോജിപ്പാണ്.

അർഹരായ പലരും പുറത്തായത് വീട്ടിലെ അം​ഗങ്ങൾ സൂരജിനോട് കാണിക്കുന്ന സിംപതി കൊണ്ടാണെന്നും പ്രേക്ഷകർക്കിടയിൽ അഭിപ്രായമുണ്ട്. ഇത്തവണത്തെ നോമിനേഷനിൽ നിന്നും സൂരജും രക്ഷപ്പെട്ടിട്ടുണ്ട്.

റോൺസൺ കൂടി നോമിനേറ്റ് ചെയ്തിരുന്നെങ്കിൽ സൂരജ് നോമിനേഷനിൽ വരുമായിരുന്നു. പക്ഷെ അതിന് പകരം റോൺസൺ സൂരജിനെ നോമിനേറ്റ് ചെയ്ത് വീണ്ടും സെയ്ഫ് ​ഗെയിം കളിച്ചു.