നീ ഇവിടെ നൂറ് ദിവസം തികയ്ക്കില്ല; റിയാസിനെ വെല്ലുവിളിച്ച് ലക്ഷ്മിപ്രിയ...

ഗെയിം അവസാന ദിനങ്ങളിലേയ്ക്ക് അടുക്കുമ്പോള്‍ നിലനില്‍പ്പിന് വേണ്ടി സകല പണിയും പയറ്റുകയാണ് താരങ്ങള്‍. പലരും ഇതിനോടകം തന്നെ നിശബ്ദ വെടിഞ്ഞിട്ടുണ്ട്കഴിഞ്ഞ ഒരാഴ്ചയായി ലക്ഷ്മിപ്രിയ ആകെ സൈലന്‌റ് ആയിരുന്നു. ഇപ്പോഴിത നിശബ്ദ വെടിഞ്ഞിരിക്കുകയാണ്. റിയാസിനോടായിരുന്നു ലക്ഷ്മി പൊട്ടിത്തെറിച്ചത്. താന്‍ നൂറ് ദിവസം നിന്നിട്ടേ ഇവിടെന്ന് പോവുകയുളളൂ എന്നാല്‍ റിയാസ് നൂറ് ദിവസം തികയ്ക്കില്ല എന്നും ലക്ഷ്മി പറഞ്ഞു. എന്നാല്‍ ഇത് കേട്ട് മിണ്ടാതിരിക്കാന്‍ റിയസ് തയ്യാറായില്ല. അതേ നാണയത്തില്‍ തന്നെ തിരിച്ചടിക്കുകയും ചെയ്തു. താന്‍ ഇവിടെന്ന് പോയാല്‍ ലക്ഷ്മിയും കൂടെ പോകുമെന്ന് ഉറപ്പിച്ചു പറഞ്ഞു. കൂടാതെ ലക്ഷ്മിപ്രിയ വിന്നറാകില്ലെന്നും റിയാസ് കൂട്ടിച്ചേര്‍ത്തു.

ഈ പ്രശ്‌നത്തില്‍ വിനയിയും ഇടപെടുകയായിരുന്നു. റിയാസിന്റെ ഭാഗം ചേര്‍ന്നാണ് സംസാരിച്ചത്. ലക്ഷ്മിപ്രിയ റിയാസിന് സംസാരിക്കാന്‍ അവസരം കൊടുക്കണമെന്ന് വിനയ് പറഞ്ഞു. താന്‍ കൊടുത്തോളം എന്ന് ധാര്‍ഷ്ട്യത്തോടെയായിരുന്നു മറുപടി.

പിന്നീട് ലക്ഷ്മിയും വിനയിയും തമ്മിലും വലിയ അടി നടന്നു. ഡോക്ടറും ജാസ്മിനും പോയതിന് ശേഷം ഹൗസില്‍ നടന്ന വലിയ വഴക്കായിരുന്നു ഇത്. രണ്ട് വൈല്‍ഡ് കാര്‍ഡ് വന്നതിന് ശേഷമാണ് ഗെയിം മോശമായതെന്നുളള ലക്ഷ്മിയുടെ വാക്കുകളായിരുന്നു വിനയിയെ ചൊടിപ്പിച്ചത്. ഇതിന്റെ പേരില്‍ രണ്ട് പേരും ഏറ്റുമുട്ടുകയായിരുന്നു.

വഴക്കിനൊടുവില്‍ ലക്ഷ്മി പ്രിയ വിനയിയുടെ നേര്‍ക്ക് തുപ്പുകയും ചെയ്തു. ഇത് സ്വഭാവ വൈകൃതമാണെന്ന് വിനയ് പറഞ്ഞു. ഇത് പിന്നീട് റിയാസും ഏറ്റുപിടിക്കുകയായിരുന്നു. ലക്ഷ്മിയെ കണക്കിന് പരിഹസിച്ചു. എന്നാല്‍ ഇത് കേട്ട് നില്‍ക്കാന്‍ ലക്ഷ്മി തയ്യാറായില്ല. തിരിച്ച് റിയസിനേയും കടുത്ത ഭാഷയില്‍ വിമര്‍ശിച്ചു.

Recommended Video

Dr. Robin About Jasmine | ജീവനെപ്പോലെ സ്നേഹിച്ച ആ ചെടിച്ചട്ടി പൊട്ടിയപ്പോൾ | *Interview | FilmiBeat

ഈ ആഴ്ച ലക്ഷ്മിയേയും റിയാസിനേയും ചുറ്റിപ്പറ്റിയാണ് ഗെയിം മുന്നോട്ട് പോവുന്നത്. എന്നാല്‍ ഇവര്‍ രണ്ട് പേരും ഈ ആഴ്ചത്തെ എവിക്ഷനില്‍ ഇല്ല. എന്നാല്‍ വിനയ് ഇക്കുറിയും നോമിനേഷനില്‍ ഇടംപിടിച്ചിട്ടുണ്ട്. 5 വോട്ടുകളാണ് ലഭിച്ചിരിക്കന്നത്. ഒപ്പം ധന്യയും റോണ്‍സണുമുണ്ട്. നാലും അഞ്ചും വോട്ടുകളാണ് ഇവര്‍ക്ക് ലഭിച്ചിരിക്കുന്നത്. ലക്ഷ്മിപ്രിയ, സൂരജ്, ബ്ലെസ്ലി, ദില്‍ഷ, റിയാസ് എന്നിവര്‍ ഈ വാരം സോഫാണ്.