'റോൺസൺ പലരുടേയും മൂട് താങ്ങി നടക്കുന്നു... വ്യക്തിത്വമില്ല പക്ഷെ ലക്ഷ്മിപ്രിയ പവർഫുള്ളാണ്'; നടൻ മനോജ്!

റോൺസൺ, ലക്ഷ്മിപ്രിയ എന്നിവരുടെ കളികൾ വിലയിരുത്തിയാണ് മനോജ് സംസാരിച്ചത്. റോൺസൺ വീട്ടിലുള്ള മറ്റ് മത്സരാർഥികളുടെ കാല് പിടിച്ചാണ് ഹൗസിൽ നിൽക്കുന്നതെന്നാണ് മനോജ് പറയുന്നത്.

'ലക്ഷ്മിപ്രിയ വളരെ പവർഫുള്ളായ ​ഗെയിമറാണെന്നും മനോജ് പറയുന്നു. ലക്ഷ്മിപ്രിയ ചില സമയങ്ങളിൽ ഓവർ ഇമോഷണലാകാറുണ്ട്. പക്ഷെ പറയുന്ന എല്ലാ കാര്യങ്ങളും പോയിന്റാണ്.'

'മാത്രമല്ല പവർഫുള്ളാണ് ലക്ഷ്മിപ്രിയ. ലക്ഷ്മിപ്രിയ റോൺസണെ കുറിച്ച് പറഞ്ഞില്ലേ‌.... എഴുപത് ദിവസമായിട്ടും ഫ്രീയായി പോകുന്ന വണ്ടിയിൽ ഓസിക്ക് ലിഫ്റ്റ് അടിച്ച് പോകുന്ന മത്സരാർഥിയാണെന്ന്...'

'അത് വളരെ സത്യമായ കാര്യമാണ്. റോൺസൺ ആ വീട്ടിൽ ഒന്നും തന്നെ ചെയ്യുന്നില്ല.'

'എല്ലാവരുടേയും കാല് പിടിച്ചാണ് നടക്കുന്നത്. റോൺസണെ കാണുമ്പോൾ മഴവിൽ‌ക്കാവടിയിലെ മീശ വാസുവിനെയാണ് ഓർമ വരാറുള്ളത്. ആ കഥാപാത്രം വലിയ മീശ വെച്ചിട്ട് കരയുന്ന സീനൊക്കെ ഉണ്ട്.'

'റോൺസൺ ആ ഒത്ത ശരീരവും വെച്ച് മറ്റുള്ളവരുടെ കാല് പിടിക്കുന്ന കാണുമ്പോൾ ആ സീൻ ഓർമ വരും. നല്ലൊരു മനുഷ്യനാണ് റോൺസൺ. പക്ഷെ നല്ല മനുഷ്യനെ ബി​ഗ് ബോസ് വീട്ടിൽ ആവശ്യമില്ല.'

'നല്ല പ്ലയറിനേയാണ് ആവശ്യം. നല്ലൊരു മനുഷ്യനാണെങ്കിലും ഇടയ്ക്കൊക്കെ കുറുക്കന്റെ സ്വഭാവവും റോൺസൺ കാണിക്കുന്നുണ്ട്. പലരുടേയും മൂട് താങ്ങി സ്വന്തം ഭാ​ഗം സംരക്ഷിച്ച് നടക്കുകയാണ്.'

'അത് മോശം സ്വഭാവമാണ്. അത് നല്ലതല്ല. അപർണ പക്ഷെ അങ്ങനൊരാളല്ല. റോൺസണിന് വ്യക്തിത്വവുമില്ല' നടൻ മനോജ് വിവരിച്ചു.

റോൺസണിനെ കുറിച്ച് അദ്ദേഹത്തിന്റെ സു​ഹൃത്തുക്കളൊഴികെ മറ്റെല്ലാവരും മനോജ് പറഞ്ഞ അഭിപ്രായം തന്നെയാണ് പറയാറുള്ളത്. എന്തെങ്കിലും ഒരു പ്രശ്നം വന്നാൽപ്പോലും റോൺസൺ മറുപടി പറയാനോ ഇടപെടാനോ തയ്യാറല്ലെന്നാണ് ലക്ഷ്മിപ്രിയ അടക്കമുള്ളവരുടെ പരാതി.

പതിനൊന്നാം ആഴ്ചയിലെ നോമിനേഷനിൽ റോൺസണുമുണ്ട്. പലപ്പോഴും നോമിനേഷനിൽ നിന്ന് രക്ഷപ്പെടാൻ വേണ്ടിപ്പോലും പരസ്യമായി റോൺസൺ കാല് പിടിച്ചിരുന്നു.

കൃത്യമായി നിലപാടില്ലാത്ത വ്യക്തിയായതിനാൽ റോൺസണിന് ജനപിന്തുണപോലും കുറവാണ്. ചിലപ്പോൾ റോൺസണോ വിനയിയോ വീട്ടിൽ നിന്നും പുറത്തായേക്കും. ഇരുവരും ഇത്രയും ദിവസങ്ങളായിട്ടും സേഫ് ​ഗെയിം വിട്ട് വരാൻ തയ്യാറായിട്ടില്ല.