ബി​ഗ് ബോസ് മുൻ മത്സരാർഥി ആര്യ മുംബൈയിൽ, പുതിയ വൈൽഡ് കാർഡോ താരം? ഭീഷണിപ്പെടുത്തി ആരാധകർ!

അതേസമയം മറ്റ് ചിലർ പറയുന്നത് 21ന് ബി​ഗ് ബോസ് ഷോയുടെ അവതാരകനായ മോഹൻലാലിന്റെ പിറന്നാളായതിനാൽ അന്ന് ബി​ഗ് ബോസിൽ നടക്കുന്ന സ്പെഷ്യൽ പരിപാടികളിൽ ആര്യയും ഭാ​ഗമാകുന്നതുകൊണ്ടാകും മുംബൈയിൽ എത്തിയിരിക്കുന്നത് എന്നാണ്.

ആര്യ വൈൽഡ് കാർഡായി വീട്ടിലെത്തിയാൽ സീസൺ ഫോർ കൂടുതൽ ആവേശം നിറഞ്ഞതാകുമെന്നും പ്രേക്ഷകർ അഭിപ്രായപ്പെടുന്നുണ്ട്.

ആര്യയുടെ വീഡിയോ വൈറലായതോടെ ഇപ്പോൾ വീട്ടിലുള്ള മത്സരാർഥികളുടെ ആരാധകരുടെ ഭീഷണികളും ആര്യയ്ക്ക് കമന്റിലൂടെയും മെസേജിലൂടെയും ലഭിക്കുന്നുണ്ട്.

അത്തരം മെസേജുകളുടെ സ്ക്രീൻ ഷോട്ടുകളും ആര്യ സോഷ്യൽമീ‍ഡിയയിൽ പങ്കുവെച്ചു. 'ബി​ഗ് ബോസിൽ പങ്കെടുക്കാനാണ് പോകുന്നതെങ്കിൽ.. അവിടെ പോയി റോബിനെതിരെ നിൽക്കാനാണ് ഭാവമെങ്കിൽ... നിന്നെ ഞങ്ങൾ വീണ്ടും എയറിലാക്കും' എന്നാണ് ഭീഷണിപ്പെടുത്തികൊണ്ട് ആര്യയ്ക്ക് ലഭിച്ച കമന്റ്.

അന്തമായ ആരാധനയുമായി നടക്കുന്ന പ്രേക്ഷകന് തക്കതായ മറുപടിയും ആര്യ നൽകി.

'ചിന്തിച്ച് മെസേജ് അയക്കൂ കുട്ടി... ബി​ഗ് ബോസ് വെറുമൊരു ടിവി ഷോയാണ്. ഇത്തരം ടോക്സിക്കായിട്ടുള്ള ആരാധകരെ ഭയന്നാണ് പല സെലിബ്രിറ്റികളും ബി​ഗ് ബോസിന്റെ ഭാ​ഗമാകാൻ മടി കാണിക്കുന്നത്.'

'നിങ്ങളെ പോലെ തന്നെ ഈ ഷോ കഴിഞ്ഞാലും അവിടെ മത്സരിച്ചവർക്കെല്ലാം പുറത്ത് ഒരു ജീവിതമുണ്ടെന്നത് നിങ്ങൾ പ്രേക്ഷകർ മറന്ന് പോകരുത്. ആരാധനയാകാം പക്ഷെ അന്തമില്ലാത്ത തരത്തിൽ ടോക്സിക്കാവരുത്...' ആര്യ കുറിച്ചു.

ബഡായി ബം​ഗ്ലാവ് എന്ന ഏഷ്യാനെറ്റ് ഷോയിലൂടെയാണ് ആര്യ പ്രശസ്തയായത്. പിന്നാലെ ബി​ഗ് ബോസ് സീസൺ 2വിൽ മത്സരാർഥിയായി എത്തി. ബി​ഗ് ബോസിൽ എത്തിയ ശേഷമാണ് ആര്യയെ മലയാളികൾ അടുത്തറിഞ്ഞത്.

പലവിധ കാരണങ്ങളാൽ പക്ഷെ ആര്യ പങ്കെടുത്ത സീസൺ 2വിന് ഫിനാലെ ഉണ്ടായിരുന്നില്ല. അതിന് മുമ്പ് ഷോ അവസാനിപ്പിക്കേണ്ടി വന്നു.

Recommended Video

റോബിൻ ആലോചനയുമായി വന്നാൽ കെട്ടിക്കുമോ? | Bigg Boss Malayalam Dilsha's Sister Interview | FilmiBeat

സീസൺ ഫോർ തുടങ്ങിയ ശേഷം പലപ്പോഴും എപ്പിസോഡുകൾ വിലയിരുത്തി ആര്യ അഭിപ്രായങ്ങൾ സോഷ്യൽമീഡിയയിൽ പങ്കുവെക്കാറുണ്ടായിരുന്നു. നന്നായി കളിക്കുന്ന മത്സരാർഥികൾ നിരന്തരമായി നോമിനേഷനിൽ വന്ന് പുറത്താവുന്നതിനെതിരേയും ആര്യ പ്രതികരിച്ചിരുന്നു.

സീസൺ 2 അവസാനിച്ച ശേഷം ബി​ഗ് ബോസ് വീട്ടിലെ ആര്യയുടെ പ്രവൃത്തികൾ വിലയിരുത്തി നിരവധി താരത്തിന് നേരെ സൈബറിടങ്ങളിൽ മോശമായി കമന്റുകൾ ഇടുകയും സൈബർ ബുള്ളയിങ് നടത്തുകയും ചെയ്തിരുന്നു.