'റോബിൻ ആവറേജ് ​ഗെയിമറാണ്, അവനെ ബുദ്ധിമാനെന്ന് വിശേഷിപ്പിച്ചത് ഇക്കാരണങ്ങൾ‌ക്കൊണ്ട്'; വിശദമാക്കി നിമിഷ!

അങ്ങനെ പറഞ്ഞതിന് പിന്നിലെ കാരണം വ്യക്തമാക്കി രം​ഗത്തെത്തിയിരിക്കുകയാണ് നിമിഷ ഇപ്പോൾ. തന്റെ ഇൻസ്റ്റ​ഗ്രാം സ്റ്റോറിയിലാണ് റോബിനെ കുറിച്ചുള്ള പരാമർശത്തിൽ നിമിഷ വിശദീകരണം നൽകിയത്.

'ഒരു അഭിമുഖത്തിനിടെ ബി​ഗ് ബോസ് വീട്ടിലെ ഏറ്റവും ബുദ്ധിമാനായ ​ഗെയിമർ ആരാണെന്ന് ഇന്റർവ്യൂവർ ചോദിച്ചപ്പോൾ‌ ഞാൻ റോബിന്റെ പേര് പറഞ്ഞിരുന്നു. എന്തുകൊണ്ടാണ് റോബിന്റെ പേര് പറഞ്ഞത് എന്നത് ഞാൻ നിങ്ങൾക്ക് വിശദീകരിക്കാം.'

'ജനങ്ങൾക്ക് വേണ്ട തരത്തിൽ പെരുമാറാനും കണ്ടന്റ് കൊടുക്കാനും റോബിന് നന്നായി അറിയാം. ഇരുപത്തിനാല് മണിക്കൂറും ബി​ഗ് ബോസ് ​ഗെയിം കാണുന്നവർക്ക് അറിയാം റോബിന് ടാസ്ക്കുകൾ കളിക്കാൻ അറിയില്ലെന്ന്.'

'മാത്രമല്ല അവൻ ഒരു ആവറേജ് പ്ലയർ മാത്രമാണ്. വീടിനുള്ളിൽ പോയാൽ നിങ്ങൾക്ക് മനസിലാകും റോബിൻ ഒന്നും തന്നെ ആ വീട്ടിൽ ചെയ്യുന്നില്ലെന്ന്. മാത്രമല്ല ഇന്നേവരെ ഒരു ടാസ്ക്ക് പോലും ചെയ്ത് വിജയം നേടാൻ റോബിനായിട്ടില്ല.'

'റോബിൻ വീട്ടിൽ ചെയ്യുന്ന ഒരേയൊരു കാര്യം പറഞ്ഞ കാര്യം പിന്നെയും പിന്നെയും റിപ്പീറ്റ് ചെയ്തുകൊണ്ട് നടക്കുന്നുവെന്നത് മാത്രമാണ്' നിമിഷ കുറിച്ചു. ​

ഗെയിം ഒന്നും നന്നായി പെർ‌ഫോം ചെയ്യാതെ എപ്പോഴും ബഹളവും അടിയുമായി നടക്കുന്ന റോബിന് എങ്ങനെ ഇത്രത്തോളം ഫാൻസുണ്ടായി എന്നത് തന്നെ അത്ഭുതപ്പെടുത്തിയെന്ന് നിമിഷ നേരത്തെ പറഞ്ഞിരുന്നു.

അന്തമില്ലാത്ത ഫാൻസിന്റെ ആരാധന കാണുമ്പോൾ‌ പിആർ വർക്കല്ലേയെന്ന് തോന്നാറുണ്ടെന്നും നിമിഷ പറഞ്ഞിരുന്നു. രണ്ടാം ആഴ്ച വീട്ടിൽ നിന്നും പുറത്തായി എങ്കിലും വീണ്ടും വീട്ടിൽ തുടരാൻ അവസരം ലഭിച്ച ഒരേയൊരു മത്സരാർഥിയാണ് നിമിഷ.

ആദ്യം പുറത്തായപ്പോൾ രണ്ട് ദിവസത്തോളം സീക്രട്ട് റൂമിലായിരുന്നു നിമിഷ താമസിച്ചിരുന്നത്. ശേഷം തിരികെ എത്തിയ നിമിഷ മത്സരത്തിൽ മികച്ച പ്രകടനം കാഴ്ചവെക്കുകയും ക്യാപ്റ്റനാവുകയുമെല്ലാം ചെയ്തിരുന്നു. പക്ഷെ ജാസ്മിനുമായുള്ള സൗഹൃദവും നിലപാടില്ലായ്മയുമാണ് നിമിഷയുടെ പ്രേക്ഷക പ്രീതി കുറച്ചത്.

സീസൺ ഫോറിൽ അമ്പത് ദിവസം പൂർത്തിയാക്കിയ ശേഷമാണ് നിമിഷ എലിമിനേറ്റായത്. നിമിഷ പുറത്തായതോടെ ജാസ്മിനും വീട്ടിൽ ആക്ടീവല്ല.

Recommended Video

വന്നു പറഞ്ഞാൽ റോബിനെ ഞാൻ കെട്ടിച്ചുകൊടുക്കും | Bigg Boss Malayalam Dilsha's Brother Reveals

അതേസമയം ഈ വാരം ആര് പുറത്തുപോകുമെന്ന് അറിയാനുള്ള ആകാംക്ഷയിലാണ് പ്രേക്ഷകർ. അപർണ, ധന്യ, ലക്ഷ്‍മിപ്രിയ, വിനയ് മാധവ്, ഡോ. റോബിൻ, ദിൽഷ, ബ്ലസ്‍ലി എന്നിങ്ങനെ ഏഴ് പേരാണ് ഇത്തവണ നോമിനേഷൻ ലിസ്റ്റിൽ ഇടംപിടിച്ചിരിക്കുന്നത്.

റോൺസന് ആദ്യം നോമിനേഷൻ ലഭിച്ചിരുന്നെങ്കിലും നോമിനേഷൻ ഫ്രീ കാർഡ് ഉപയോ​ഗിച്ച് ജാസ്മിൻ ലിസ്റ്റിൽ നിന്നും സേവ് ചെയ്തിരുന്നു. പുറത്തെ ട്രെൻഡ് എങ്ങനെയാണെന്ന കാര്യത്തിൽ തങ്ങളുടെ സംശയം പല മത്സരാർഥികളും പങ്കുവെക്കുന്നുണ്ട്.