'കാമുകനെ ഉമ്മവെക്കുന്ന ഫോട്ടോയുണ്ടായിരുന്നെങ്കിൽ ജാസ്മിൻ‌ വിഷയത്തിൽ നിന്ന് തലയൂരാമായിരുന്നു'; നിമിഷ

പത്താം ആഴ്ച അവസാനിക്കാൻ ദിവസങ്ങൾ മാത്രം ശേഷിക്കെയാണ് ജാസ്മിൻ വീട്ടിൽ നിന്നും വാക്ക്ഔട്ട് ചെയ്തത്. റിയാസുമായുള്ള പ്രശ്നത്തിന്റെ പേരിൽ വീട്ടിൽ നിന്നും മാറ്റി നിർത്തപ്പെട്ട റോബിൻ തിരികെ ഹൗസിലേക്ക് വരാനുള്ള സാധ്യത മണത്തപ്പോഴാണ് ജാസ്മിൻ ബി​ഗ് ബോസിനോട് സംസാരിച്ച് വാക്ക് ഔട്ട് നടത്താനുള്ള അനുവാദം വാങ്ങിയത്.

സ്വവർ​ഗാനുരാ​ഗിയായ ജാസ്മിൻ തന്റെ ജീവിതത്തിലെ സംഭവങ്ങളെ കുറിച്ചും ഇപ്പോഴത്തെ തന്റെ ​പെൺസുഹൃത്ത് മോണിക്കയെ കുറിച്ചുമെല്ലാം വീട്ടിൽ വെച്ച് പ്രേക്ഷകർക്ക് മുമ്പിൽ പരസ്യപ്പെടുത്തിയിരുന്നു.

തനിക്ക് ആകെയുള്ള സ്വന്തവും ബന്ധവും പെൺസുഹൃത്ത് മോണിക്കയും വളർത്ത് നായ സിയാലോയുമാണെന്നും ജാസ്മിൻ വെളിപ്പെടുത്തിയിരുന്നു.

ഹൗസിൽ നിന്ന് വന്ന ശേഷം മോണിക്കയ്ക്കൊപ്പമുള്ള ചിത്രങ്ങളും വീഡിയോകളും ജാസ്മിൻ പങ്കുവെച്ചിരുന്നു. അതേസമയം കഴിഞ്ഞ ദിവസം മോണിക്കയുമായുള്ള തന്റെ ബന്ധം തകർന്നിരുന്നുവെന്ന് വെളിപ്പെടുത്തി ജാസ്മിൻ രം​ഗത്തെത്തിയിരുന്നു.

ബി​ഗ് ബോസിൽ ഉണ്ടായ സംഭവങ്ങളുടെ പേരിൽ സൈബർ ബുള്ളിയിങ് മോമിക്ക നേരിടുന്നുണ്ടെന്നും അത് അവളുടെ സമാധാനത്തെ വളരെ അധികം ബാധിച്ചതിനാൽ തങ്ങൾ പിരിയുകയാണെന്നും ഇനി ആരും മോണിക്കയ്ക്ക് നേരെ വിദ്വേഷ കമന്റുമായി ചെല്ലരുതെന്നും ജാസ്മിൻ വീഡിയോയിൽ ആവശ്യപ്പെടുന്നുണ്ട്.

അതേസമയം മോണിക്കയുമായുള്ള ബന്ധം ജാസ്മിൻ വേണ്ടെന്ന് വെച്ചത് ബി​ഗ് ബോസ് ഹൗസിൽ നിന്ന് കിട്ടിയ പുതിയ സുഹൃത്ത് നിമിഷയ്ക്ക് വേണ്ടിയാണെന്നും സോഷ്യൽമീഡിയ പറയുന്നുണ്ട്.

അത്തരം വാർത്തകൾ വ്യാപകമായി വരാൻ തുടങ്ങിയതോടെ സത്യാവസ്ഥ വെളിപ്പെടുത്തി നിമിഷയും എത്തിയിട്ടുണ്ട്. താനും ജാസ്മിനും തമ്മിൽ അങ്ങനൊരു ബന്ധമില്ലെന്നാണ് നിമിഷ സോഷ്യൽമീഡ‍ിയ വഴി പറയുന്നത്.

ജാസ്മിനെപ്പോലെ തന്നെ മോണിക്കയും തന്റെ നല്ല സുഹൃത്താണെന്നും നിമിഷ പറയുന്നു. 'ജാസ്മിൻ എനിക്ക് വേണ്ടിയല്ല മോണിക്കയുമായുള്ള ബന്ധം പിരിഞ്ഞത്. രണ്ടുപേരും എനിക്ക് പ്രിയപ്പെട്ടവരാണ്.'

Recommended Video

Dr. Robin About Jasmine | ജീവനെപ്പോലെ സ്നേഹിച്ച ആ ചെടിച്ചട്ടി പൊട്ടിയപ്പോൾ | *Interview | FilmiBeat

'അവർ പിരിഞ്ഞത് അവരുടെ ഇഷ്ടപ്രകാരമാണ്. എനിക്ക് അതിൽ കമന്റ് പറയാൻ കഴിയില്ല. ഞാനും ജാസ്മിനും തമ്മിൽ വേറൊരു ബന്ധവും ഇല്ല എനിക്ക് ഒരു കാമുകനുണ്ടായിരുന്നെങ്കിൽ അവനെ ചുംബിക്കുന്ന ചിത്രം എടുത്ത് സോഷ്യൽമീ‍ഡിയയിൽ പോസ്റ്റ് ചെയ്ത് ജാസ്മിനേയും എന്നേയും ചേർത്ത് വരുന്ന മോശം വാർത്തകൾക്ക് മറുപടി കൊടുക്കുമായിരുന്നു' എന്നും നിമിഷ സോഷ്യൽമീഡിയയിൽ കുറിച്ചു.

നിമഷയും ജാസ്മിനും സീസണ്‌ ഫോർ കണ്ട ഏറ്റവും ശക്തരായ രണ്ട് മത്സരാർഥികളായിരുന്നു. പക്ഷെ പ്രേക്ഷക പിന്തുണയും വോട്ടും ഇരുവർക്കും കുറവായിരുന്നു.