ബിഗ് ബോസ് ഹൗസിലേയ്ക്ക് രണ്ട് വൈല്‍ഡ് കാര്‍ഡ് എന്‍ട്രി, റിയാസിനോടൊപ്പം നടി പാര്‍വതിയുടെ സഹോദരനും

ബിഗ് ബോസ് ഒരു രഹസ്യ സ്വഭാവം സൂക്ഷിക്കുന്ന ഷോയായത് കൊണ്ട് തന്നൈ അപ്രതീക്ഷിതമായിട്ടാണ് വീട്ടിനുള്ളില്‍ ഓരോ കാര്യങ്ങള്‍ സംഭവിക്കുന്നത്. നിലവിലുള്ള മത്സരാര്‍ത്ഥികളുടെ ഗെയിമിനെ തന്നെ മാറ്റി മറിക്കുന്ന ഒന്നാണ് വൈല്‍ഡ് കാര്‍ഡ് എന്‍ട്രി . പുറത്ത് നിന്ന് കളി കണ്ടതിന് ശേഷം അകത്തെത്തുന്ന ഇവരുടെ പ്രകടനം പോലെയിരിക്കും പിന്നീടുളള മത്സരം. സാധാരണ ആദ്യത്തെ രണ്ട് ആഴ്ചയ്ക്കുള്ളില്‍ തന്നെ വൈല്‍ഡ് കാര്‍ഡ് എന്‍ട്രികള്‍ ഹൗസില്‍ എത്താറുണ്ട്. എന്നാല്‍ നാലാം ഭാഗത്തില്‍ വളരെ വൈകിയാണ് വൈല്‍ഡ് കാര്‍ഡ് എന്‍ട്രികള്‍ ഹൗസിലേയ്ക്ക് എത്തുന്നത്.

മണികണ്ഠന്‍ മാത്രമാണ് വൈല്‍ഡ് കാര്‍ഡ് എന്‍ട്രിയായി ഹൗസില്‍ എത്തിയത്. ഒരാഴ്ച മാത്രമേ ഇദ്ദേഹത്തിന് നില്‍ക്കാന്‍ കഴിഞ്ഞുള്ളൂ. ആരോഗ്യ പ്രശ്‌നത്തെ തുടര്‍ന്ന് ഷോയില്‍ നിന്ന് ക്വിറ്റ് ചെയ്യുകയായിരുന്നു. മണികണ്ഠന്‍ പോയി ആഴ്ചകള്‍ക്ക് ശേഷം വൈല്‍ഡ് കാര്‍ഡ് എന്‍ട്രികള്‍ വീണ്ടും വിട്ടിനുള്ളില്‍ എത്തുകയാണ്. രണ്ട് പേരാണ് ഏഴാംവാരം ഹൗസിലേയ്ക്ക് എത്തുന്നത്. റിയാസ് സലീം ഇന്നലെ ( ശനി) തന്നെ ബിഗ് ബോസ് ഹൗസിനകത്ത് എത്തിയിട്ടുണ്ട്. ഇദ്ദേഹത്തെ സീക്രട്ട് റൂമിലേയ്ക്ക് മാറ്റിയിരിക്കുകയാണ്. സര്‍പ്രൈസായി ഇന്നോ നാളയോ( ഞായര്‍, തിങ്കള്‍) വീട്ടിനുളളില്‍ എത്തും.

റിയാസിനോടൊപ്പം മറ്റൊരു മത്സരാര്‍ത്ഥി കൂടി വൈല്‍ഡ് കാര്‍ഡ് എന്‍ട്രിയായി എത്തുന്നുണ്ട്. നടി പാര്‍വതി നമ്പ്യാരുടെ സഹോദരന്‍ വിനയ് മാധവാണ് ഹൗസിലെത്തുന്നത്. എന്നാല്‍ ഇതുവരെ ഔദ്യോഗിക പ്രഖ്യാപനം ഉണ്ടായിട്ടില്ല. ഇന്നത്തെ എപ്പിസോഡില്‍ മാത്രമേ ഇക്കാര്യത്തെ കുറിച്ച് പൂര്‍ണ്ണമായി വ്യക്തത കിട്ടുകയുള്ളൂ. എന്നാല്‍ വൈല്‍ഡ് കാര്‍ഡ് എന്‍ട്രിക്കുള്ള സൂചന നല്‍കി കൊണ്ടാണ് ഇന്നലത്തെ എപ്പിസോഡ് മോഹന്‍ലാല്‍ അവസാനിപ്പിച്ചത്. വ്‌ലെഗര്‍ രേവതിയും വിനയ് മാധവിന്റെ എന്‍ട്രിയെ കുറിച്ചുള്ള സൂചന നല്‍കിയിട്ടുണ്ട്. എന്നാല്‍ മറ്റ് വിവരങ്ങള്‍ രേവതിയും പങ്കുവെച്ചിട്ടില്ല. എന്തായാലും ഇവര്‍ എത്തുന്നതോടെ ഗെയിം ആകെ മാറും എന്ന കാര്യം ഉറപ്പാണ്.

നിലവിലള്ള 12 പേരും മത്സരത്തിലേയ്ക്ക് ഇറങ്ങിയിട്ടുണ്ട്. മികച്ച ഗെയിമാണ് തങ്ങളുടെ നിലനില്‍പ്പിനായി ഹൗസില്‍ കാഴ്ച വെയ്ക്കുന്നത്. ഇത്തവണ 7 പേരാണ് എവിക്ഷനില്‍ എത്തിയിരിക്കുന്നത്. ലക്ഷ്മിപ്രിയ, ജാസ്മിന്‍, റോബിന്‍, ബ്ലെസ്ലി, ദില്‍ഷ, നിമിഷ, റോണ്‍സണ്‍ എന്നിവരാണ്. ജാസ്മിനാണ് ഏഴാം ആഴ്ചയിലെ ക്യാപ്റ്റന്‍. എവിക്ഷന്‍ ഫ്രീ കാര്‍ഡും ലഭിച്ചിട്ടുണ്ട്. സൂരജ്, അഖില്‍, സുചിത്ര, ധന്യ എന്നിവര്‍ ഈ വാരം എവിക്ഷനില്‍ നിന്ന് രക്ഷപ്പെട്ടിട്ടുണ്ട്. ഇനി സെയിഫ് ഗെയിം കളിച്ച് ഹൗസിനുള്ളില്‍ നിന്ന് പോകാന്‍ സാധിക്കില്ല. വരും ദിവസങ്ങളില്‍ മത്സരം കടുക്കാനാണ് സാധ്യത. നൂറ് എന്ന നമ്പറിലേയ്ക്ക് അടുക്കാന്‍ ഇനി കുറച്ച് ദിവസം മാത്രമേയുള്ളൂ.