ബിഗ് ബോസ് മലയാളം സീസൺ 4ൽ ആദ്യത്തെ വൈൽഡ് കാർഡ് എൻട്രിയോ മെന്റലിസ്റ്റ് അനന്ദു?

വീട്ടുജോലികളിലെയും ടാസ്‍കിലെയും അലസത, സ്വന്തം അഭിപ്രായമില്ലായ്‍മ, ഗ്രൂപ്പിസം, സെയ്‍ഫ് ഗെയിം, നിലപാടില്ലായ്‍മ, ഫേയ്‍ക്ക്, തെറ്റിദ്ധാരണ എന്നീ കാരണങ്ങളാൽ തെരഞ്ഞെടുക്കപ്പെട്ടവരും ക്യാപ്റ്റന്റെ സവിശേഷ അധികാരത്താൽ പ്രത്യേകം തെരഞ്ഞെടുക്കപ്പെട്ടയാളുമാണ് ഇത്തവണ നോമിനേഷൻ ലിസ്റ്റിലുള്ളത്. ലക്ഷ്‍മി പ്രിയ, ഡെയ്‍സി, ജാസ്‍മിൻ, അഖിൽ, അശ്വിൻ, ശാലിനി, നവീൻ എന്നിവരിൽ ഒരാളാണ് ഈ ആഴ്ച വീടിനോട് ബൈ പറയുക. എലിമിനേഷൻ, മോഹൻലാൽ എന്നിവ വീക്കെൻഡ് എപ്പിസോഡുകളിലെ പ്രധാന ഘടകമായതിനാൽ വലിയ സ്വീകാര്യത പ്രേക്ഷകർ നൽകാറുണ്ട്.

ഇപ്പോൾ പുറത്ത് വരുന്ന റിപ്പോർട്ടുകൾ പ്രകാരം ഈ വീക്കെൻഡ് എപ്പിസോഡ‍ുകൾ അവസാനിക്കും മുമ്പ് ഒരു വൈൽഡ് കാർഡ് എൻട്രിയുണ്ടാകും. മൂന്നാം ആഴ്ച അവസാനിക്കാറായതിനാൽ ഇത്തവണ വൈൽഡ് കാർഡ് എൻട്രി വീട്ടിലേക്ക് വരുമെന്നാണ് ബി​ഗ് ബോസ് ഷോയുമായി അടുത്ത വൃത്തങ്ങൾ അറിയിക്കുന്നത്. പ്രശസ്തനായ മെന്റലിസ്റ്റ് അനന്ദുവായിരിക്കും കളി കൊഴുപ്പിക്കാൻ വീട്ടിലേക്ക് എത്തുകയെന്നും സ്ഥിരീകരിക്കാത്ത റിപ്പോർട്ടുകളുണ്ട്. മത്സരാർഥികൾ തമ്മിലുള്ള വീറും വാശിയും കൂട്ടാൻ വൈൽഡ് കാർഡ് എൻട്രി കൊണ്ടുവരണമെന്ന് നേ​രത്തെ മുതൽ പ്രേക്ഷകർ ആവശ്യപ്പെടുന്നുണ്ടായിരുന്നു.

ഇന്ത്യയിൽ ഇൻസ്റ്റഗ്രാമിൽ ഏറ്റവും കൂടുതൽ ഫോളോവേർസ് ഉള്ള മെന്റലിസ്റ്റ് ആണ് തിരുവനന്തപുരം സ്വദേശിയായ അനന്ദു. മാന്ത്രിക വിദ്യകളികൂടെ മുന്നിലുള്ള ആളിന്റെ മനസ് വായിച്ച് മനം കവർന്ന വ്യക്തിത്വമാണ് അനന്ദുവിന്റേത്. മജീഷ്യനായിട്ടായിരുന്നു അനന്ദുവിന്റെ തുടക്കം. അത്ഭുതങ്ങൾ കാണാനും കേൾക്കാനും ഉള്ള താല്പര്യമാണ് മാജിക്കിലേക് എത്തിച്ചത്. പൂജപ്പുര മനുവിന്റെ കീഴിലായിരുന്നു മാജിക്കിന്റെ ആദ്യ പാഠങ്ങൾ അനന്ദു പഠിച്ചത്. പിന്നീട് മജീഷ്യൻ ഗോപിനാഥ് മുതുകാടിന്റെ ശിഷ്യനായി. മാജിക്ക് പഠിക്കുമ്പോൾ തന്നെയാണ് മെന്റലിസത്തിലേക്ക് ശ്രദ്ധ കേന്ദ്രീകരിച്ച് തുടങ്ങിയത്.

Recommended Video

തന്റെ ആദ്യ പ്രണയം അമ്പലത്തിലെ പൂജാരിയോടായിരുന്നു: ലക്ഷ്മി പ്രിയ | Filmibeat Malayalam

മെന്റലിസത്തിലേക്ക് വരാൻ മണിച്ചിത്രത്താഴ് സിനിമ വലിയ പ്രചോദനമായിരുന്നുവെന്ന് അനന്തു പലപ്പോഴും പറഞ്ഞിട്ടുണ്ട്. സിനിമയിലെ മോഹൻലാലിന്റെ സൈക്കോളജി പ്രയോഗങ്ങൾ തന്നേ വല്ലാതെ സ്വാധീനിച്ചുവെന്നും കൂടാതെ ഷെർലക് ഹോംസും തനിക്ക് വലിയ ഒരു പ്രചോദനമായിരുന്നുവെന്നും അനന്ദു പറഞ്ഞിട്ടുണ്ട്. സിനിമയുടെ അണിയറയിൽ പ്രവർത്തിക്കണമെന്ന ആഗ്രഹവും അനന്ദുവിനുണ്ട്. എപ്പോഴും മനസിലിട്ട് ആലോചിക്കുന്ന വിഷയം അല്ലെങ്കിലും മെന്റലിസവുമായി ബന്ധപ്പെട്ട് വരുന്ന സബ്ജെക്ടിൽ ഏതെങ്കിലും സിനിമ ഉണ്ടാവുകയാണെങ്കിൽ അതിന്റെ ഭാഗമാകണമെന്ന ആഗ്രഹം തനിക്ക് ഉണ്ടെന്നും അനന്തു വെളിപ്പെടുത്തിയിട്ടുണ്ട്.