'ധന്യയായിരുന്നു ഭം​ഗി, റിയാസിന്റെ വ്യക്തി വൈരാഗ്യം കൊണ്ട് ധന്യയെ മാറ്റി ദിൽഷയെ തെരഞ്ഞെടുത്തു'; കുറിപ്പ് ഇങ്ങനെ

ധന്യയോടുള്ള വ്യക്തി വൈരാ​ഗ്യം മൂലം റിയാസ് ദിൽഷയ്ക്ക് ഒന്നാം സ്ഥാനം നൽകിയെന്നും പ്രേക്ഷകർ പറയുന്നു. 'ലെൻസ് കാർട്ട് സ്പോൺസേർഡ് ടാസ്ക്കിൽ ധന്യ തന്നെയായിരുന്നു ഭാം​ഗിയായി ചെയ്തത്. മോഡലിങ്, ആക്ടിങ് രംഗത്ത് ഉള്ള ധന്യക്ക് ഈ ടാസ്ക്ക് നന്നായി ചെയ്യാൻ മറ്റാരെക്കാളും കഴിയും.'

'റിയാസിന്റെ തികഞ്ഞ വ്യക്തി വൈരാഗ്യമാണ് ക്യാപ്റ്റൻസി ടാസ്ക്കിലും സ്പോൺസേർഡ‍് ടാസ്ക്കിലും ധന്യയെ തെരഞ്ഞെടുക്കാതിരുന്നതിലൂടെ പുറത്ത് വന്നത്.' ​

'ഗെയിമിനെ അതിൻ്റെ സ്പിരിറ്റിൽ കണ്ടില്ലെന്ന് മാത്രമല്ല സംഭവത്തിനെല്ലാം ശേഷം കിച്ചണിൽ വെച്ച് ധന്യയെ ചൊറിയാനും റിയാസ് ശ്രമിച്ചു. ധന്യയായതുകൊണ്ട് തമാശ പോലെ എടുത്തു. ലക്ഷ്മിപ്രിയ വല്ലതും ആയിരുന്നെങ്കിൽ റിയാസ് ഇപ്പൊൾ ഇതിനും എയറിൽ കേറുമായിരുന്നു.'

'റിയാസ്... നീ ടാർഗറ്റ് ചെയ്യുന്നത് ആരെയാണെന്ന് നിനക്ക് അറിയില്ല. ഈ എൺപതിൽ അധികം ദിവസം അവിടെ എല്ലാവരുടേയും പ്രിയ പ്ലയറായി നിൽക്കാൻ പ്രത്യേക ​ഗെയിം സ്കിൽ തന്നെ വേണം.... അതുകൊണ്ട് വിട്ടുപിടി മോനെ...' എന്നായിരുന്നു റിയാസിനെ വിമർശിച്ച് സോഷ്യൽമീഡിയയിൽ പ്രത്യക്ഷപ്പെട്ട കുറിപ്പ്.

തുടക്കം മുതൽ വീട്ടിൽ സെയ്ഫ് ​ഗെയിം കളിച്ച് പിടിച്ച് നിന്ന ചുരുക്കം ചിലരിൽ ഒരാൾ ധന്യയായിരുന്നു. ധന്യയ്ക്ക് മുൻപരിചയമുള്ളവർ വീട്ടിൽ ഉണ്ടായിരുന്നതിനാൽ ​ഗെയിം കളിക്കുമ്പോഴും ധന്യ നോമിനേഷനിൽ വരാതെ പിടിച്ച് നിന്നു.

അമ്പത് ദിവസം കഴിഞ്ഞ് മോഹൻലാൽ വന്ന് ധന്യയുടേയും സുചിത്രയുടേയും സെയ്ഫ് ​​ഗെയിമിനെ കുറിച്ച് പറഞ്‍ ശേഷമാണ് ചിലരെങ്കിലും ധന്യയെ നോമിനേറ്റ് ചെയ്ത് തുടങ്ങിയത്. ധന്യയുടെ സെയ്ഫ് ​ഗെയിമിനെ കുറിച്ച് പറഞ്ഞതിന്റെ പേരിൽ കഴിഞ്ഞ ദിവസം റിയാസും ധന്യയും തമ്മിൽ വഴക്കുണ്ടായിരുന്നു.

Recommended Video

Dr. Robin On His Angry Behavior | ബിഗ് ബോസിലെ വിന്നര്‍ ഞാന്‍ തന്നെ | *Interview | FilmiBeat

റിയാസ് കുറച്ച് ദിവസങ്ങളായി ധന്യയെ ടാർഗെറ്റ് ചെയ്യുകയാണ്. പക്ഷേ ഇത് വിട്ടുകൊടുക്കാൻ ധന്യയും തയ്യാറായില്ല. റിയാസ് പറയുന്ന കാര്യങ്ങളിലെ പൊരുത്തക്കേടുകളേയും കുറ്റപ്പെടുത്തലുകളേയും ധന്യ ചോദ്യം ചെയ്യുകയും ചെയ്തിരുന്നു. ജയിൽ ടാസ്‌ക്കിൽ സംസാരിച്ച് കഴിഞ്ഞതിന് ശേഷവും ധന്യ റിയാസിന് മറുപടി കൊടുക്കാൻ എത്തി.

24 വയസുള്ള റിയാസിനോട് എന്ത് സംസാരിക്കണമെന്നും 37 വയസുള്ള ലക്ഷ്മിപ്രിയയോട് എന്ത് പറയണമെന്നും തീരുമാനിക്കുന്നത് താനാണെന്നും റിയാസിനോട് പറയുന്ന അതേ രീതിയിൽ തനിക്ക് ലക്ഷ്മിപ്രിയയോട് സംസാരിക്കേണ്ട കാര്യമില്ലെന്നും എവിടെ എപ്പോൾ എങ്ങനെ പറയണമെന്ന് താൻ തീരുമാനിച്ചോളാമെന്നും അത് തനിക്ക് മറ്റാരും പറഞ്ഞ് തരേണ്ട ആവശ്യമില്ലെന്നും കഴിഞ്ഞ ദിവസം താക്കീത് എന്നപോലെ ധന്യ റിയാസിനോട് പറഞ്ഞിരുന്നു.