'വാക്കും പ്രവൃത്തിയും രണ്ടാണല്ലോ?'; ഉപവാസത്തെ കുറിച്ച് പറയുന്ന ബ്ലെസ്ലി എന്തിന് ഭക്ഷണം കഴിക്കുന്നെന്ന് റിയാസ്!

അതിനായി ശത്രുക്കളെ മിത്രങ്ങളാക്കുകയും മിത്രങ്ങളെ ശത്രുക്കളാക്കുകയുമെല്ലാം വേണം. ഒമ്പതാം ആഴ്ചയിൽ ഹൗസ് ഭരിക്കുന്നത് പുതിയ ക്യാപ്റ്റൻ ബ്ലെസ്ലിയാണ്.

പലതവണ ക്യാപ്റ്റൻസിയിൽ മത്സരിക്കാൻ യോ​ഗ്യതയുണ്ടായിട്ടും ബ്ലെസ്ലിക്ക് കിട്ടിയിരുന്നത് ജയിലാണ്. പലർക്കും ബ്ലെസ്ലിയുടെ ലോജിക്കായുള്ള സംസാരങ്ങൾ ഇഷ്ടപ്പെടാത്തതും ഒരു കാരണമാണ്.

ഇപ്പോൾ ബ്ലെസ്ലിയുടെ ഭക്ഷണ രീതിയെ ചോദ്യം ചെയ്യുന്ന റിയാസിന്റെ വീഡിയോയാണ് ശ്രദ്ധ നേടുന്നത്. ഞായറാഴ്ച ദിവസം ബ്ലെസ്ലി, ദിൽഷ, റിയാസ് എന്നിവർ ഒരുമിച്ചിരുന്ന് അത്താഴം കഴിക്കുന്ന സമയത്തായിരുന്നു ബ്ലെസ്ലിയുടെ ഭക്ഷണ രീതി ചർച്ചക്കായി റിയാസ് എടുത്തിട്ടത്.

ബ്ലെസ്ലി ഇന്ന് ചോറ് കുറച്ച് മാത്രമെ എടുത്തുള്ളോയെന്ന് ദിൽഷ ചോദിച്ചതാണ് ചർച്ചകൾക്ക് തുടക്കമായത്. അതെന്താണ് അത്ഭുതത്തോടെ ചോദിക്കുന്നതെന്നായിരുന്നു റിയാസിൻറെ മറുചോദ്യം.

തമാശ രൂപേണ അതിന് മറുപടി പറഞ്ഞത് തൊട്ടപ്പുറത്ത് ഇരുന്ന സുചിത്രയായിരുന്നു. സാധാരണ ബ്ലെസ്ലി ചോറെടുത്താൽ അവനെ കാണാൻ കഴിയില്ലെന്ന് സുചിത്ര പറഞ്ഞു. തുടർന്നാണ് റിയാസ് ബ്ലെസ്ലിയെ വിമർശിക്കാനും പഴയ കാര്യങ്ങൾ കുത്തിപ്പൊക്കി ചോദ്യം ചെയ്യാനും തുടങ്ങിയത്.

ഉപവാസത്തെക്കുറിച്ച് പ്രസംഗിക്കാറുള്ള ആഹാരം കൂടുതൽ കഴിച്ചാൽ ഡിപ്രഷനുണ്ടാവുമെന്ന് പറയുന്ന ബ്ലെസ്ലി എന്തിനാണ് ഇത്രയും ആഹാരം കഴിക്കുന്നതെന്നായിരുന്നു റിയാസിന്റെ ചോദ്യം.

വാക്കും പ്രവൃത്തിയും രണ്ടാണോ എന്ന അർഥത്തിലായിരുന്നു റിയാസ് ചോദ്യം ചെയ്ത് തുടങ്ങിയത്. എന്നാൽ ആഹാരം കൂടുതൽ കഴിച്ചാൽ ഡിപ്രഷൻ ഉണ്ടാവുമെന്നല്ല താൻ പറഞ്ഞതെന്നും മറിച്ച് ആഗ്രഹം കൂടുമെന്നാണ് പറഞ്ഞതെന്നും ബ്ലെസ്ലി വിശദീകരിച്ചു.

ആ മറുപടിയിലൊന്നും റിയാസ് തൃപ്തനായിരുന്നില്ല. തുടർന്ന് തൻറെ ഭാഗം കൂടുതൽ ന്യായീകരിക്കാനും വിശദീകരിക്കാനും ബ്ലെസ്ലി ശ്രമിച്ചു. 'ഏറെക്കാലമായി ഉപവാസം പരിശീലിക്കുന്ന ആളാണ് ഞാൻ.'

'അതിൻറെ ഫലം അനുഭവിക്കുന്ന ആളുമാണ് ഞാൻ. ഒരു സ്ഥലത്ത് ചെല്ലുമ്പോൾ അവിടുത്തെ കാര്യങ്ങൾ ശീലിക്കണം.'

Recommended Video

വന്നു പറഞ്ഞാൽ റോബിനെ ഞാൻ കെട്ടിച്ചുകൊടുക്കും | Bigg Boss Malayalam Dilsha's Brother Reveals

'മറ്റുള്ളവരുടെ ശീലങ്ങൾ പിന്തുടർന്നാലേ അവരുമായി ഒരു സൗഹൃദം പോലും ഉണ്ടാക്കാൻ പറ്റൂ. അല്ലെങ്കിൽ ഇതുപോലെ ഒരു സ്ഥലത്ത് ഒറ്റപ്പെട്ടുപോകും. അതിനാലൊക്കെയാണ് ഞാൻ ഇപ്പോൾ ഭക്ഷണം ഒഴിവാക്കാത്തത്' ബ്ലെസ്ലി കൂട്ടിച്ചേർത്തു.

മുമ്പും ജാസ്മിൻ അടക്കമുള്ളവരും പുറത്തായ നിമിഷയുമെല്ലാം ബ്ലെസ്ലി ഭക്ഷണം കഴിക്കുന്നതിനെതിരെ രം​ഗത്തെത്തിയിരുന്നു.

ഒരു നേരം മാത്രംമെ ഭക്ഷണം കഴിക്കാറുള്ളൂവെന്ന് പറഞ്ഞ ബ്ലെസ്ലി എന്തുകൊണ്ട് ഇപ്പോൾ മൂന്ന് നേരവും ഭക്ഷണം കഴിക്കുന്നുവെന്നതായിരുന്നു ജാസ്മിൻ അടക്കമുള്ളവരും ചോദിച്ചിരുന്നത്.