'ഞാൻ പാലിച്ച നിയമം മറ്റുള്ളവരോടും പാലിക്കാൻ പറയണം, അന്യായം പാടില്ല'; ബി​ഗ് ബോസിനെ നിയമം പ‌ഠിപ്പിച്ച് റിയാസ്!

അതേസമയം ആ ചെങ്കോൽ നഷ്ടമാവുന്നപക്ഷം രാജാവിന് അധികാരം നഷ്ടമാവും. ഒപ്പം ഒരു മാന്ത്രിക ലോക്കറ്റും രാജാവിൻറെ പക്കലുണ്ട്. അടുത്ത നോമിനേഷൻ സമയത്ത് ഈ മാന്ത്രിക ലോക്കറ്റ് ആരുടെ പക്കലാണോ ഉള്ളത് അയാൾ നോമിനേഷനിൽ നിന്ന് മുക്തി നേടും.

ഇത് എല്ലാവരും കാണുന്ന തരത്തിൽ ഒരു ലോക്കറ്റ് പോലെ ധരിക്കണമെന്നും ബിഗ് ബോസ് അറിയിച്ചിട്ടുണ്ട്. ഈ കാര്യങ്ങൾ റിയാസിനെ മാത്രം കൺഫെഷൻ റൂമിലേക്ക് വിളിപ്പിച്ചശേഷം പറയുകയായിരുന്നു.

ശേഷം തിരികെ എത്തി റിയാസ് ഭരണം തുടങ്ങിയപ്പോഴാണ് പ്രജയായി അഭിനയിച്ചുകൊണ്ടിരുന്ന റോബിൻ റിയാസിന്റെ മാന്ത്രിക ലോക്കറ്റ് മോഷ്ടിച്ചതും പിന്നീട് പ്രശ്നങ്ങളുണ്ടായതും.

റോബിനും റിയാസും തമ്മിൽ വാക്ക് തർക്കം നടന്നപ്പോൾ റിയാസിനെ റോബിന് ശാരീരികമായി ഉപദ്രവിക്കേണ്ടി വന്നു. ഇത് കാരണം കാണിച്ചാണ് റോബിനെ ബി​ഗ് ബോസ് ​ഗെയിമിൽ നിന്നും മാറ്റിയത്.

റിയാസ് പോയശേഷവും ​വീക്കിലി ടാസ്ക്ക് മുന്നോട്ട് പോകുന്നുണ്ട്. ഇപ്പോൾ ദിൽഷയാണ് രാജാവ്. ടാസ്ക്കിനിടെ മോഷ്ടിച്ച മാന്ത്രിക ലോക്കറ്റ് ദിൽഷയ്ക്ക് തരട്ടെയെന്ന് റോബിൻ ​ദിൽഷയോട് ചോദിച്ചിരുന്നു.

തനിക്ക് വേണ്ട അത് സൂക്ഷിക്കാൻ ഭയമാണെന്നാണ് ദിൽഷ പറഞ്ഞത്. ദിൽഷ സ്വീകരിക്കാതിരുന്നതിനാൽ റോബിൻ വീട്ടിൽ നിന്നും പോയപ്പോൾ ലോക്കറ്റും കൊണ്ടുപോയിരുന്നു.

ശേഷം സീക്രട്ട് റൂമിൽ റോബിൻ അത് ഉപേക്ഷിച്ചപ്പോൾ ബി​ഗ് ബോസ് അത് എടുത്തിരുന്നു. ഇപ്പോഴും വീട്ടിലുള്ളവർ ലോക്കറ്റ് ധന്യയുടെ കൈവശമുണ്ടെന്നാണ് കരുതിയിരിക്കുന്നത്. പലപ്പോഴായി വീട്ടിലുള്ളവർ‌ ഇതേ കുറിച്ച് ചർച്ച ചെയ്യുകയും ചെയ്യുന്നുണ്ട്.

അതേസമയം ലോക്കറ്റുമായി ബന്ധപ്പെട്ട പരാതിയുമായി ബി​ഗ് ബോസിനെ സമീപിച്ചിരിക്കുകയാണ് റിയാസ്. ആരുടെ കൈയ്യിലാണ് ലോക്കറ്റെന്ന് കണ്ടെത്തി അവരോട് അത് കഴുത്തിൽ ധരിച്ച് നടക്കാൻ ഉത്തരവിടണം എന്നാണ് റിയാസ് ബി​ഗ് ബോസിനോട് പരാതിപ്പെട്ടത്.

എന്നാൽ അക്കാര്യത്തിൽ ബിഗ് ബോസ് ഇതുവരേയും തീരുമാനത്തിൽ എത്തിയിട്ടില്ല.

Recommended Video

പ്രണയം കാരണം ദിൽഷയെ തിരിച്ചുവിളിച്ചോ? സത്യം അനിയത്തി പറയുന്നു | Dilsha's Sister Reveals | #Interview

'ഇവിടെയുള്ള ആരുടയോ കൈയ്യിൽ മാന്ത്രിക ലോക്കറ്റുണ്ട്. പക്ഷെ അയാൾ അത് കഴുത്തിൽ ധരിക്കാതെ ഒളിപ്പിച്ച് വെച്ചിരിക്കുകയാണ്. അത് ശരിയായ കാര്യമല്ല. ന്യായമില്ല.'

'ഞാൻ രാജാവായിരുന്നപ്പോൾ എന്നോട് മാന്ത്രിക ലോക്കറ്റ് കഴുത്തിൽ എല്ലാവരും കാണുന്നത് പോലെ ധരിക്കാനാണ് പറഞ്ഞത്. ഇപ്പോൾ പക്ഷെ ആരും അത് ചെയ്യുന്നില്ല.'

'ഞാൻ പാലിച്ച നിയമം എല്ലാവരും പാലിക്കണം. അല്ലെങ്കിൽ അത് അന്യായമായിട്ട് മാത്രമെ കാണാൻ പറ്റൂ' എന്നാണ് ബി​ഗ് ബോസിനോട് റിയാസ് പരാതിപ്പെട്ടത്.