'ധൈര്യമുണ്ടെങ്കിൽ നീ ഒരു തവണ നോമിനേഷനിൽ വാ... നിന്നെ പുറത്താക്കി കാണിച്ച് തരാം'; റിയാസിനെ വെല്ലുവിളിച്ച് റോബിൻ

ഗെയിം അവസാനിച്ചപ്പോൾ‌ ബ്ലെസ്ലിയാണ് വിജയിയായത്. എന്നാൽ‌ ആ തീരുമാനത്തിൽ തൃപ്തരല്ലാത്ത ജാസ്മിനും റിയാസും എല്ലാ സ്റ്റിക്കി നോട്ടുകളും എണ്ണി തിട്ടപ്പെടുത്തി. അപ്പോഴും വിജയം ബ്ലെസ്ലിക്കൊപ്പമായിരുന്നു.

റിയാസിന് മൂന്നാം സ്ഥാനമെ നേടാനായുള്ളൂ. ബ്ലെസ്ലിക്ക് വേണ്ടി സംസാരിച്ചവരിൽ റോബിനും ദിൽഷയുമുണ്ടായിരുന്നു. സുചിത്രയെ മാനിപുലേറ്റ് ചെയ്യാനും വിധി നിർണയത്തിൽ സ്വാധീനം ചെലുത്താനും ജാസ്മിനും റിയാസും ശ്രമിച്ചപ്പോഴാണ് ദിൽഷയും റോബിനും ഇടപെട്ടതും കയർത്ത് സംസാരിച്ചതും.

ആ സംഭവത്തോടെ ബ്ലെസ്ലിയോടുള്ള റിയാസിന്റെ വെറുപ്പ് ദിൽഷയോടും റോബിനോടുമായി മാറി.

മത്സരം അവസാനിച്ച ശേഷവും ഏറെ നേരം റോബിനും റിയാസും കൊമ്പുകോർത്തു. അതിനിടയിൽ റിയാസിനെ വെല്ലുവിളിച്ച റോബിന്റെ വീഡിയോയാണ് ഇപ്പോൾ വീണ്ടും വൈറലാകുന്നത്.

'ധൈര്യമുണ്ടെങ്കിൽ നീ ഒരു തവണ നോമിനേഷിൽ വാ... നിന്നെ പുറത്താക്കി കാണിച്ച് തരാം' എന്നാണ് റിയാസിനോട് റോബിൻ പറയുന്നത്. പെണ്ണുങ്ങളുടെ മേക്കിട്ട് കേറാതെ ആണുങ്ങളോട് മുട്ടാൻ വായെന്ന് റോബിൻ വെല്ലുവിളിച്ചതോടെയാണ് റിയാസ് വീണ്ടും തർക്കിനായി എത്തിയത്.

ക്യാപ്റ്റൻസി വിജയിയെ പ്രഖ്യാപിച്ച ശേഷം റോബിനെ പലതവണ ലൂസറെന്നും ബ്ലെസ്ലിയെ ഇന്റലക്ച്വൽ ഷിറ്റ് എന്നും റിയാസ് വിളിച്ചിരുന്നു.

നീ പോയിട്ട് മാത്രമെ ഞാൻ ഇവിടെ നിന്ന് പോകൂവെന്നും റോബിൻ റിയാസിനെ വെല്ലുവിളിച്ച് പറഞ്ഞു. ഉറങ്ങി കിടന്ന വീട് വീണ്ടും ഉണർന്നതിലെ സന്തോഷത്തിലാണ് പ്രേക്ഷകർ. സത്യത്തിനൊപ്പം നിൽക്കാതെ കൂടെയുള്ളവരെ മാത്രം ന്യായീകരിച്ച് സംസാരിക്കുന്നതിനാൽ റിയാസിന് ജനപിന്തുണ വളരെ കുറവാണ്.

പക്ഷെ ഇപ്പോൾ വീട്ടിലുള്ള പതിമൂന്ന് മത്സരാർഥികളിൽ ഏറ്റവും കൂടുതൽ ആരാധകരകുള്ള വ്യക്തികൾ റോബിൻ, ബ്ലെസ്ലി എന്നിവരാണ്. കൂടാതെ ആദ്യമായാണ് റോബിനും ബ്ലെസ്ലിക്കും ക്യാപ്റ്റൻസി ടാസ്ക്കിലേക്ക് മത്സരിക്കാൻ അവസരം ലഭിക്കുന്നത്.

പതിവായി ഇരുവരേയും ജയിൽ നോമിനേഷനിലേക്കാണ് വീട്ടിലുള്ളവർ തെരഞ്ഞെടുക്കാറുള്ളത്.

ക്യാപ്റ്റൻസി ടാസ്ക്കിലെ ബ്ലെസ്ലിയുടെ വിജയം അവൻ അർഹിച്ചതാണെന്നും വീഡിയോ വൈറലായതോടെ പ്രേക്ഷകർ കുറിച്ചു.

എല്ലാ ​ഗെയിമുകളും ബ്ലെസ്ലി നന്നായി കളിക്കാറുണ്ടെങ്കിലും വീട്ടിലുള്ളവർ അതിനെയെല്ലാം പതിവായി അവ​ഗണിക്കുകയാണ് ചെയ്യാറുള്ളത്. ഇനി വരാനിരിക്കുന്നത് വീക്കെൻ‌ഡ് എപ്പിസോഡുകളാണ്.

ഈ ആഴ്ചയും ഒരാൾ വീട്ടിൽ നിന്നും പുറത്താകും. അപർണയോ വിനയിയോ പുറത്താകാനുള്ള സാധ്യതയാണ് പ്രേക്ഷകർ മുന്നോട്ട് വെക്കുന്നത്.