'വിഷമിക്കേണ്ട, ജയിക്കണ്ടേ?, ഇതൊക്കെ നിസാരമല്ലേ...'; റിയാസിനെ ആശ്വസിപ്പിച്ച് റോബിൻ!

ഇവർക്കായി ബിഗ് ബോസ് നൽകിയ ജയിൽ ടാസ്കും രസകരമായിരുന്നു. ടാസ്കുകളിലെ മികവ് ജാസ്മിൻ ആവർത്തിച്ചതോടെ ജയിൽ വാസത്തിൽ നിന്നും ജാസ്മിൻ രക്ഷപ്പെട്ടു. പിന്നാലെ കൊടിയ ശത്രുക്കളായ റിയാസും റോബിനും ജയിൽ വാസം ആരംഭിച്ചു.

അവിടെവെച്ചും ബി​ഗ് ബോസ് കൊടുത്ത ടാസ്ക്ക് പൂർത്തിയാക്കാതെ പുതിയ പുതിയ പ്രശ്നങ്ങളും വഴക്കുകളും സൃഷ്ടിക്കുകയാണ് റോബിനും റിയാസും ചെയ്തത്.

ഇതോടെ വീക്കെൻഡ് എപ്പിസോഡിൽ എത്തിയ മോഹൻലാൽ ഇരുവർക്കും വീക്കെൻഡ് എപ്പിസോഡ് കഴിഞ്ഞും മൂന്ന് ദിവസം കൂടി ജയിൽ വാസം വിധിച്ചു.

ആദ്യത്തെ ദിവസം സന്തോഷത്തോടെ ജയിൽ വാസത്തിനായി റിയാസ് പോയെങ്കിലും രണ്ടാമത്തെ ദിവസവും ജയിൽ വാസം തുടരണമെന്ന് ബി​ഗ് ബോസ് പ്രഖ്യാപിച്ചതോടെ റിയാസ് കലിപ്പിലായി.

റോബിനും താനും ക്ഷീണിതരാണെന്നും മനസാക്ഷിയില്ലാതെയാണ് ബി​ഗ് ബോസ് പെരുമാറുന്നതെന്നും പറഞ്ഞാണ് റിയാസ് ചൂടായത്. പക്ഷെ ബി​ഗ് ബോസ് ഇളവ് നൽകാൻ തയ്യാറാവാതിരുന്നതിനാൽ റിയാസിനും റോബിനും ബാക്കിയുണ്ടായിരുന്ന മുത്തുകൾ കൂടി കോർക്കേണ്ടി വന്നു.

ജയിലിലായിരുന്നപ്പോൾ‌ റോബിനും റിയാസും ചേർന്ന് നടത്തിയ സംഭാഷണമാണ് ഇപ്പോൾ വൈറലാകുന്നത്. വളരെ പോസിറ്റീവായി വീട്ടിലേക്ക് എത്തിയ താനിപ്പോൾ മൊത്തം നെ​ഗറ്റീവായിയെന്നാണ് റോബിനോട് റിയാസ് പരാതിപ്പെടുന്നത്.

'ഞാൻ ഭയങ്കര നെ​ഗറ്റീവായത് പോലെ തോന്നുന്നുണ്ട്. പക്ഷെ ഞാൻ എന്താ ചെയ്യുന്നതെന്ന് എനിക്കറിയാം. ഞാൻ ചെയ്യുന്നത് ശരിയാണോ... തെറ്റാണോയെന്നും എനിക്കറിയാം. ഇതൊക്കെ കുറിച്ച് കൂടുതലാണ്' എന്നാണ് റിയാസ് റോബിനോട് പറയുന്നത്.

അതിന് റോബിൻ നൽകിയ മറുപടി ഇങ്ങനെയായിരുന്നു. 'ലാലേട്ടൻ പറഞ്ഞിട്ടല്ലേ പോയത് മൂന്ന് ദിവസമുണ്ടാകുമെന്ന്. നമ്മൾ ചെയ്യാമെന്ന് വാക്ക് കൊടുത്തതല്ലേ?. ലൈഫിൽ ഇത്രയൊക്കെ സ്ട്ര​ഗിൾ ചെയ്തല്ലേ നമ്മൾ വന്നത്. ഇതിലൊക്കെ എന്തിരിക്കുന്നു. ചെയ്യ്... ജയിക്കണ്ടേ?... ഇതൊക്കെ നിസാരമല്ലേ..' എന്നായിരുന്നു റിയാസിനെ ആശ്വസിപ്പിക്കാൻ റോബിൻ മറുപടിയായി പറഞ്ഞത്.

ഇരുവരുടേയും ജയിലിൽ നിന്നുള്ള സൗഹൃദപരമായ സംഭാഷണം പ്രേക്ഷകരേയും അത്ഭുതപ്പെടുത്തി. അതിന് മുമ്പ് ജയിലിൽ കിടന്ന് ഭൂകമ്പം സ‍ൃഷ്ടിച്ചവരായിരുന്നു ഇരുവരും.

മോഹൻലാലിന്റെ താക്കീത് ലഭിച്ച ശേഷം സൂക്ഷിച്ച് സന്ദർഭം നോക്കി മാത്രമെ ഇരുവരും ദേഷ്യം പുറത്തെടുക്കുന്നുള്ളൂ. റിയാസും റോബിനും ഒതുങ്ങിയതുകൊണ്ട് തന്നെ വീട്ടിലെ പതിവ് ബഹളങ്ങളൊന്നും ഈ ആഴ്ച ഉണ്ടായിരുന്നില്ല.

മോഹൻലാലിന്റെ അറുപത്തിരണ്ടാം പിറന്നാളാണ് ഈ വരുന്ന ശനിയാഴ്ച ലോകമെമ്പാടും ആഘോഷിക്കാൻ പോകുന്നത്. ബി​ഗ് ബോസിന്റെ അവതാരകനായതിനാൽ വലിയ ആഘോഷങ്ങൾ ബി​ഗ് ബോസ് വീട്ടിലുമുണ്ടായേക്കും.