'എന്റേത്... ഇറ്റ്സ് ഒഫീഷ്യൽ'; ആരതിയുമായുള്ള പ്രണയം പരസ്യപ്പെടുത്തി റോബിൻ, 'മെയ്ഡ് ഫോർ ഈച്ച് അദറെന്ന്' ആരാധകർ!

പരസ്യമായി പ്രണയം വെളിപ്പെടുത്തിയ ശേഷമാണ് റോബിൻ ആരതിക്കൊപ്പമുള്ള ചിത്രം സോഷ്യൽമീ‍‍ഡിയ വഴി പങ്കുവെച്ച് കാര്യം ഓഫീഷ്യലാക്കിയത്. 'എന്റേത്... ഇറ്റ്സ് ഒഫീഷ്യൽ' എന്നാണ് റോബിൻ ആരതിക്കൊപ്പമുള്ള ചിത്രം പങ്കുവെച്ച് കുറിച്ചത്.

സോഷ്യൽമീ‍ഡിയ വഴിയും ആരതിയും താനും ഒന്നാകാൻ പോവുകയാണെന്ന് റോബിൻ പരസ്യപ്പെടുത്തിയതോടെ ആരാധകരടക്കം നിരവധി പേർ ആശംസകളുമായി എത്തി.

'മെയ്ഡ് ഫോർ ഈച്ച് അദർ, ചേരേണ്ടവർ തന്നെ ചേർന്നു, കോമ്പോ കണ്ട് കുരുപൊട്ടുന്നവരോട് ഒന്നേ പറയാനുള്ളു ജാവോ...' തുടങ്ങിയ കമന്റുകളാണ് റോബിന്റെ ഫോട്ടോയ്ക്ക് ആരാധകർ കുറിച്ച കമന്റുകൾ.

ബി​ഗ് ബോസ് ഹൗസിനുള്ളിൽ‌ വെച്ച് തനിക്ക് ദിൽഷയോട് പ്രണയമുണ്ടായിരുന്നുവെന്ന് റോബിൻ പറഞ്ഞിരുന്നു. പക്ഷെ പുറത്തിറങ്ങിയ ശേഷവും റോബിൻ തന്റെ സുഹൃത്ത് എന്നതിൽ തന്നെയാണ് ദിൽഷ ഉറച്ച് നിന്നത്. ഇപ്പോൾ കരിയറിലാണ് ശ്രദ്ധിക്കുന്നതെന്നും ദിൽഷ പറഞ്ഞിരുന്നു.

ദിൽഷ ഉദ്ഘാടനങ്ങളും ഷോകളും ഫോട്ടോഷൂട്ടുകളുമായി തിരക്കിലാണ്. റോബിനും സിനിമയിൽ അരങ്ങേറാനുള്ള ഒരുക്കത്തിലാണ്. അതിനായി താരം അടുത്തിടെ ആക്ടിങ് ക്ലാസിലും പങ്കെടുത്തിരുന്നു.

വൈകാതെ തന്റെ ആദ്യ സിനിമയുടെ ചിത്രീകരണം ആരംഭിക്കുമെന്ന് റോബിനും അറിയിച്ചിരുന്നു. സന്തോഷ്. ടി.കുരുവിള നിർമിക്കുന്ന സിനിമയുടെ പ്രഖ്യാപനം നടൻ മോഹൻലാലിന്റെ സോഷ്യൽമീഡിയ പേജുവഴിയാണ് നടന്നത്.

മാത്രമല്ല കഴിഞ്ഞ ദിവസം ഭാവി വധു ആരതിക്കൊപ്പം മോഹൻലാലിനെ അദ്ദേഹത്തിന്റെ പുതിയ ഫ്ലാറ്റിൽ എത്തി സന്ദർശിക്കുകയും ചെയ്തിരുന്നു റോബിൻ. റോബിനെ അഭിമുഖം ചെയ്യാൻ ആരതി വന്നപ്പോൾ തുടക്കം മുതലെ ചോദ്യങ്ങള്‍ ഒന്നും ചോദക്കാതെ റോബിനെ തന്നെ നോക്കിയിരിയ്ക്കുകയായിരുന്നു.

ബി​ഗ് ബോസ് മലയാളം സീസണ്‍ 4 പൂര്‍ണമായും കണ്ടില്ല എങ്കിലും റോബിന്‍ വന്ന ഭാഗങ്ങള്‍ എല്ലാം കണ്ടിട്ടുണ്ടെന്നും ഇടയില്‍ പറയുന്നുണ്ടായിരുന്നു. കോയമ്പത്തൂരില്‍ നിന്നും ബിഎസ്സി ഫാഷന്‍ ടെക്‌നോളജി പൂര്‍ത്തിയാക്കിയ ആരതി ഒരു ഡിസൈനറാണ്. അതിനും അപ്പുറം ഒരു സംരംഭകയുമാണ് താരം.

പൊടീസ് എന്ന ബൊട്ടീക്ക് സ്വന്തമായി നടത്തുന്ന ആരതി ബിസിനസിനൊപ്പം അഭിനയ ലോകത്തും സജീവമാണ്. തെലുങ്കില്‍ രണ്ട് സിനിമകള്‍ ചെയ്തിട്ടുണ്ട്. തമിഴിലാണ് പുതിയ ചിത്രം.

സ്വന്തം വസ്ത്ര ബ്രാൻഡായ പൊടീസിന്റെ ബാനറിൽ നടൻ ബാബു ആൻ്റണിയെ അടക്കം ഒരു ഫാഷൻ ഷോ ഫ്ലോറിൽ എത്തിക്കാും ആരതിക്ക് സാധിച്ചിരുന്നു. നിരവധി പേരാണ് ആരതിയുടെ കഴിവിനെയും ജോലിയോടുള്ള പാഷനെയും ആത്മാർപ്പണത്തെയുമൊക്കെ പ്രകീർത്തിച്ച് സോഷ്യൽ മീഡിയയിൽ കുറിപ്പുകൾ പങ്കുവെക്കാറുള്ളത്.