'ഞങ്ങൾ ബഹിരാകാശ യാത്രയ്ക്ക് ശേഷം'; സോഷ്യൽമീഡിയ ആഘോഷിച്ച 'കട്ടൻ ട്രയോ' വീണ്ടും, റോബിന്റെ മധുരപ്രതികാരമോ?

ആരതിയും റോബിനും ടോം ഇമ്മട്ടിയും ചേർന്നുള്ള രസകരമായ സംഭാഷണങ്ങളുടെ വീഡിയോകൾ ഇപ്പോഴും സോഷ്യൽമീഡിയയിൽ വൈറലാണ്. ആ അഭിമുഖം വൈറലായ ശേഷം ആരതിയും റോബിനും പ്രണയത്തിലാണെന്ന തരത്തിൽ ​ഗോസിപ്പുകൾ‌ സോഷ്യൽമീഡിയ പ്രചരിപ്പിക്കുന്നുണ്ട്.

അഭിമുഖം ചെയ്യാൻ വന്ന ആരതി ചോദ്യങ്ങൾ ഒന്നും ചോദിക്കാതെ റോബിനെ തന്നെ നോക്കിയിരിയ്ക്കുകയാണ് ചെയ്തത്. ഈ നോട്ടം കണ്ടാൽ ആരാണ് വീഴാത്തതെന്ന് ചോദിച്ചുകൊണ്ടാണ് ട്രോൾ വീഡിയോകൾ പുറത്ത് വന്നത്.

അഭിമുഖത്തിന് ശേഷം ആരതിക്കൊപ്പമുള്ള ചിത്രങ്ങളും റോബിൻ തന്റെ ഇൻസ്റ്റ​ഗ്രാമിൽ‌ പങ്കുവെച്ചിരുന്നു. ദിവസങ്ങൾക്ക് ശേഷം വീണ്ടും ആ കട്ടൻ ട്രയോ ഒരുമിച്ച് കൂടിയിരിക്കുകയാണ്.

റോബിൻ തന്നെയാണ് ടോമിനും ആരതിക്കുമൊപ്പമുള്ള പുതിയ വീഡിയോ സോഷ്യൽമീഡിയയിൽ പങ്കുവെച്ച് എത്തിച്ചത്. മീ വിത്ത് സ്റ്റാർസ് എന്ന തലക്കെട്ടോടെയാണ് റോബിൻ വീഡിയോ പങ്കുവെച്ചിരിക്കുന്നത്.

'ഞാൻ സംസാരിക്കില്ല... ചിരിക്കുക മാത്രമേയുള്ളൂ'വെന്ന് ആരതി ആദ്യമെ പറയുന്നുണ്ട്. അത് കണ്ട് റോബിൻ പിന്നെയും ചോദിക്കുന്നുണ്ട് കുട്ടി മിണ്ടുന്നില്ലല്ലോയെന്ന്. 'ഞങ്ങൾ‌ ബഹിരാകാശ യാത്രയ്ക്ക് ശേഷം' എന്ന് പറഞ്ഞുകൊണ്ടാണ് റോബിൻ വീഡിയോ ആരംഭിച്ചിരിക്കുന്നത് തന്നെ.

താൻ ഇനിയും എയറിൽ നിന്ന് താഴെ ഇറങ്ങിയിട്ടില്ലെന്ന് ടോം ഇമ്മട്ടിയും പറയുന്നുണ്ട്. വീഡിയോ വൈറലായതോടെ നിരവധി പേരാണ് കമന്റുകളുമായി എത്തുന്നത്.

'സ്വീറ്റ് റിവഞ്ച്, ഇതിപ്പോൾ ആരെ കാണിക്കാനാണ് ഈ വീഡിയോ, ഈ ആളുകൾ റോബിന്റെ ജീവിതം എന്നെന്നേക്കുമായി മാറ്റിമറിച്ചു... യഥാർത്ഥ മൈൻഡ് ഗെയിമർമാർ, ഫൈനലി സം പോസിറ്റീവ് വൈബ്സ്' തുടങ്ങി നിരവധി കമന്റുകളാണ് വീഡിയോയ്ക്ക് വരുന്നത്.

അടുത്തിടെ ദിൽഷയും റോബിനും തങ്ങളുടെ സൗഹൃദം എന്നന്നേക്കുമായി അവസാനിപ്പിച്ചു. താൻ സൗഹൃദത്തിന് വില നൽകിയെന്നും പക്ഷെ റോബിനും ബ്ലെസ്ലിയും തിരിച്ച് തന്നോട് അങ്ങനെയല്ല പെരുമാറിയതെന്നും ചൂണ്ടികാട്ടി ദിൽഷ രം​ഗത്തെത്തിയിരുന്നു. ശേഷമാണ് റോബിനുമായുള്ള സൗഹൃദം അവസാനിപ്പിക്കുന്നുവെന്ന് ദിൽഷ അറിയിച്ചത്.

Recommended Video

Dr. Robin @ Perinthalmanna: എനിക്ക് ദിൽഷയെ വേണ്ട, നിങ്ങളെ മതി. തിങ്ങി നിറഞ്ഞ് ആയിരങ്ങൾ | *BiggBoss

ദിൽഷയുടെ തീരുമാനത്തിൽ പ്രതികരണവുമായി റോബിനും രം​ഗത്തെത്തിയിരുന്നു. 'സന്തോഷമായി ഇരിക്കൂ ദിൽഷ.... ബഹുമാനം മാത്രമെയുള്ളൂ... നിന്റെ എല്ലാ സ്വപ്നങ്ങളും സഫലമാകട്ടെ... എല്ലാവിധ ആശംസകളും നേരുന്നു. നീ നൽകിയ എല്ലാ ഓർമകൾക്കും നന്ദി.... നൽകിയ പിന്തുണയ്ക്കും നന്ദി പറയുന്നു...' എന്നാണ് റോബിൻ കുറിച്ചത്.

ബിഗ് ബോസ് ഹൗസിൽ നമ്മൾ ഒരുമിച്ചുണ്ടായിരുന്നപ്പോഴുള്ള 'എല്ലാ നല്ല ഓർമകൾക്കും താങ്കളോട് നന്ദി പറയുന്നു ഡോക്ടർ. ആ ഓർമകൾ എന്റെ ജീവിത കാലം മുഴുവൻ ഞാൻ ഒപ്പം കൊണ്ടുനടക്കും. നിങ്ങളുടെ സ്വപ്നങ്ങളെല്ലാം നേടാൻ സാധിക്കട്ടയെന്ന് ആശംസിക്കുന്നു. നിങ്ങളുടെ വരാനിരിക്കുന്ന ഭാവിക്ക് എല്ലാവിധ ആശംസകളും' എന്നാണ് ദിൽഷ മറുപടിയായി കുറിച്ചത്.