റോബിൻ മച്ചാൻ നായകനാകുന്നു, ആദ്യ സിനിമയുടെ ചർച്ചകൾ പൂർത്തിയായി, ചിത്രങ്ങൾ പുറത്തുവിട്ട് ബി​ഗ് ബോസ് താരം!

വൈകാതെ റോബിനന്റെ പേരിൽ ഫാൻ ​ഗ്രൂപ്പുകൾ ഉണ്ടായി. മൂന്ന്, നാല് ആഴ്ച പിന്നിട്ടപ്പോഴേക്കും റോബിൻ വീട്ടിൽ ഏറ്റവും കൂടുതൽ ജനപിന്തുണയുള്ള മത്സരാർഥിയായി മാറി. ടാസ്ക്കുകളിലൊന്നും വലിയ പ്രകടനം കാഴ്ചവെക്കാൻ റോബിന് സാധിച്ചിരുന്നില്ലെങ്കിലും ആ ടാസ്ക്കുകൾ പിന്നീട് ചർച്ച ചെയ്യപ്പെടുന്നതിനും തന്റെ പേര് ആവർത്തിച്ച് പ്രേക്ഷകർ പറയുന്നതിനുള്ള സാഹചര്യവും റോബിൻ ഉണ്ടാക്കിയെടുത്തു.

ഇതുവരെ പൂർത്തിയായ മൂന്ന് സീസണുകളിൽ ഒരലു മത്സാർഥിക്കും ലഭിക്കാത്ത പിന്തുണയാണ് റോബിൻ ചുരുങ്ങിയ ദിവസം കൊണ്ട് കേരളത്തിൽ നിന്നും സമ്പാദിച്ചത്.

ഒരു ടാസ്ക്ക് പോലും കൃത്യമായി പൂർത്തിയാക്കാത്ത റോബിന്റെ പ്രേക്ഷക പിന്തുണ വീട്ടിൽ നിന്നും പുറത്തായ നിമിഷ അടക്കമുള്ള മറ്റ് മത്സരാർഥികൾക്കും അത്ഭുതമായിരുന്നു.

റിയാസ് വരുന്നത് വരെ ബി​ഗ് ബോസ് ഹൗസിലെ നായകനും വില്ലനുമെല്ലാം റോബിൻ തന്നെയായിരുന്നു. എന്നാൽ റിയാസ് വന്നതോടെ റോബിന് ശക്തനായ എതിരാളി വന്നപോലെയായിരുന്നു.

പിആർ കൊണ്ട് ബി​ഗ് ബോസ് ട്രോഫി റോബിൻ നേടാൻ പാടില്ലെന്ന് താൻ മനസിൽ ഉറപ്പിച്ചിട്ടുണ്ടെന്നും റോബിന്റെ ഫേക്ക് പേഴ്സണാലിറ്റി വലിച്ച് കീറുമെന്നും വൈൽഡ് കാർഡായി വീട്ടിലേക്ക് വന്ന രണ്ടാം ദിവസം റിയാസ് പറഞ്ഞിരുന്നു. ശേഷം നിരന്തരമായി ഇരുവരും തമ്മിൽ തർക്കങ്ങൾ ഉണ്ടായി.

അങ്ങനെയിരിക്കെ പത്താം ആഴ്ചയിലെ വീക്കിലി ടാസ്ക്കിനിടെ പ്രശ്നങ്ങൾ ഉണ്ടാവുകയും റോബിനെ ബി​ഗ് ബോസിൽ നിന്നും പുറത്താക്കുകയുമായിരുന്നു. റിയാസിനെ തല്ലിയെന്നതായിരുന്നു പുറത്താക്കാനുള്ള കാരണം.

വലിയ ജനപിന്തുണയുള്ള മത്സരാർഥിയായതിനാൽ റോബിൻ പുറത്താകില്ലെന്നായിരുന്നു പ്രേക്ഷകർ പ്രതീക്ഷിച്ചിരുന്നത്. എന്നാൽ വീട്ടിലെ നിയമങ്ങൾക്ക് എതിരായ പ്രവൃത്തിയാണ് റോബിൻ ചെയ്തത് എന്നതിനാൽ‌ പുറത്താക്കപ്പെട്ടു.

ഷോയിൽ നിന്നും പുറത്താക്കപ്പെട്ട് കേരളത്തിലെത്തിയ റോബിന് വലിയ സ്വീകരണമാണ് നൂറ് കണക്കിന് ആരാധകർ ചേർന്ന് വിമാനത്താവളത്തിൽ നൽകിയത്. ഇപ്പോൾ റോബിൻ സിനിമയിൽ അഭിനയിക്കാൻ പോകുന്നവെന്നാണ് റിപ്പോർട്ടുകൾ വരുന്നത്.

ആദ്യ സിനിമയുടെ അണിയറപ്രവർത്തകരുമായി സിനിമയുടെ ചർച്ച കഴിഞ്ഞതിന്റെ ചിത്രങ്ങൾ റോബിൻ സോഷ്യൽമീഡിയയിൽ പങ്കുവെച്ചു.

Recommended Video

Dr. Robin About Jasmine | ജീവനെപ്പോലെ സ്നേഹിച്ച ആ ചെടിച്ചട്ടി പൊട്ടിയപ്പോൾ | *Interview | FilmiBeat

ഒപ്പം കൂടുതൽ സർപ്രൈസുകൾ പുറകെ വരുമെന്നും റോബിൻ കുറിച്ചു. സിനിമാ മോഹമുണ്ടെന്ന് ഹൗസിനുള്ളിൽ വെച്ച് പലപ്പോഴായി റോബിൻ പറഞ്ഞിരുന്നു. ഹൗസിൽ പോകുന്നതിന് മുമ്പ് റോബിൻ നിരവധി ആൽബങ്ങളിലും മറ്റും അഭിനയിച്ചിട്ടുണ്ട്.

തങ്ങളുടെ പ്രിയപ്പെട്ട ബി​ഗ് ബോസ് താരം പുറത്തായപ്പോൾ വിഷമിച്ച ആരാധകർക്കെല്ലാം സന്തോഷം പകരുന്നതാണ് റോബിന്റെ സിനിമാപ്രവേശനം ഉടൻ സംഭവിക്കാൻ പോകുന്നുവെന്നത്.