'ദിൽഷയുടെ പേര് ആദ്യം പറയും'; റോബിന്റെ മനസിലെ ടോപ്പ് ഫൈവിൽ ഇടം പിടിച്ചിട്ടുള്ള മത്സരാർഥികൾ ഇവരാണ്!

'ആര് ടോപ്പ് ഫൈവിൽ വരണമെന്ന് നിശ്ചയിക്കാൻ ഞാൻ ആളല്ല. പുറം ലോകവുമായി കണക്ഷൻ ഉണ്ടായിരുന്നെങ്കിൽ കുറച്ച് കൂടി എളുപ്പത്തിൽ ടോപ്പ് ഫൈവിൽ ആര് വരുമെന്ന് പെട്ടന്ന് പറയാൻ സാധിക്കുമായിരുന്നു.'

'എന്നിരുന്നാലും ടോപ്പ് ഫൈവിൽ വന്ന് കാണണമെന്ന് ഞാൻ ആ​ഗ്രഹിക്കുന്നവരുടെ പേരുകൾ പറയാം. ദിൽഷയുടെ പേരാണ് ആദ്യം പറയുക. പിന്നീട് ബ്ലെസ്ലി, ലക്ഷ്മിപ്രിയ, ധന്യ എന്നിവർ വരണമെന്നുണ്ട്.'

'അഞ്ചാമത് ഒരാളുടെ പേര് പറയാനില്ല. ടോപ്പ് ഫൈവിനുള്ളിൽ വരാൻ യോ​ഗ്യത ഇവർക്കാണ് എന്നാണ് എനിക്ക് തോന്നിയത്' റോബിൻ‌ പറഞ്ഞു.

റോബിനെ പ്രകോപിപ്പിച്ച് പുറത്താക്കണമെന്നത് പത്താം ആഴ്ചയിലെ വീക്കിലി ടാസ്ക്ക് തുടങ്ങിയപ്പോൾ മുതൽ‌‍ റിയാസിന്റേയും ജാസ്മിന്റേയും പ്ലാനായിരുന്നു.

റോബിൻ ലോക്കറ്റ് മോഷ്ടിച്ചപ്പോൾ അതിനുള്ള വഴി സുഖമമായി റിയാസിനും ജാസ്മിനും ലഭിച്ചു. റോബിൻ കൈയ്യേറ്റം ചെയ്തെന്ന് പരാതിപ്പെട്ടപ്പോൾ റിയാസ് കരുതിയത് റോബിൻ മാത്രം പുറത്ത് പോകുമെന്നാണ് ജാസ്മിൻ വാക്ക് ഔട്ട് നടത്തുമെന്നത് റിയാസ് സ്വപ്നത്തിൽ പോലും ചിന്തിച്ചിരുന്നില്ല.

ജാസ്മിൻ പുറത്ത് പോയതോടെ ചിറകൊടിഞ്ഞ അവസ്ഥയിലാണ് റിയാസ്.

ഷോ അമ്പത് ദിവസത്തോട് അടുത്തപ്പോഴാണ് റിയാസും വിനയിയും വൈൽഡ് കാർഡായി വീട്ടിലേക്ക് എത്തിയത്. നാലാം സീസണിലെ പ്രധാന മത്സരാർഥികളായ രണ്ടുപേർ പുറത്തായതോടെ വീട്ടിൽ അവശേഷിക്കുന്ന മറ്റുള്ളവർ എങ്ങനെ കളിക്കുമെന്ന് അറിയാനുള്ള ആകാംഷയിലാണ് ബി​ഗ് ബോസ് പ്രേക്ഷകർ.

ജാസ്മിനേയും റോബിനേയും ചുറ്റി പറ്റി സ്ട്രാറ്റർജി പ്ലാൻ ചെയ്തിരുന്നവരെല്ലാം അത് മാറ്റിയെഴുതേണ്ട അവസ്ഥയിലാണിപ്പോൾ.

റോബിൻ തിരിച്ച് വരാനുള്ള സാധ്യത മണത്തപ്പോഴാണ് മാനസീക വിഷമത്തിലാണെന്നും ശാരീരിക അസ്വസ്ഥതകളുണ്ടെന്നും ചൂണ്ടി കാണിച്ച് ജാസ്മിൻ ബി​ഗ് ബോസിനോട് അനുവാദം വാങ്ങി പുറത്തിറങ്ങിയത്.

റിയാസിനോട് പോലും ആലോചിക്കാതെയാണ് ജാസ്മിൻ ഷോ ക്വിറ്റ് ചെയ്യാനുള്ള തീരുമാനം എടുത്തത്. റോബിൻ സീക്രട്ട് റൂമിലുണ്ടെന്ന് മനസിലാക്കി റിയാസും റോബിനും ചുമരുകൾക്ക് അപ്പുറവും ഇപ്പുറവും നിന്ന് തർക്കിച്ചിരുന്നു. തുടർന്ന് റിയാസ് ഡോ. റോബിന്റെ കപ്പ് എറിഞ്ഞുടച്ചു.

റോബിന്റെ പേര് കപ്പിൽ എഴുതിയിരിക്കുന്നതാണ് റിയാസിനെ പ്രകോപിച്ചത്. റോബിന്റെ സ്വന്തം കപ്പാണ് അത് എങ്കിൽ താൻ കാശ് കൊടുക്കാമെന്നും റിയാസ് പറയുന്നുണ്ടായിരുന്നു.

അവസാനം വേദിയിൽ നിന്ന് യാത്ര പറഞ്ഞിറങ്ങിയപ്പോഴും വൈരാ​ഗ്യം സൂക്ഷിക്കാതെ റിയാസിനോട് സ്നേഹത്തോടെ സംസാരിച്ചാണ് റോബിൻ പോയത്.