'ഞാൻ വിചാരിച്ചാൽ ഇവിടിരുന്നുകൊണ്ട് നിഷ്പ്രയാസം ദിൽഷയെ ജയിപ്പിക്കാൻ പറ്റും'; റോബിൻ പറയുന്നു!

റോബിനെ പുറത്താക്കിയതിന്റെ പേരിൽ വലിയ പ്രതിഷേധമാണ് സോഷ്യൽമീ‍ഡിയകൾ വഴി നടന്നത്. ഇനി ഏഷ്യാനെറ്റ് ആരെ വിജയിയായി പ്രഖ്യാപിച്ചാലും ജനങ്ങളുടെ മനസിലെ രാജാവ് റോബിനായിരിക്കും എന്നുള്ള തരത്തിലെല്ലാം കമന്റുകളും പോസ്റ്റുകളും ഇപ്പോഴും സോഷ്യൽമീഡിയയിൽ നിറയുന്നുണ്ട്.

മുംബൈയിലെ ബിഗ് ബോസ് വീട്ടിൽ നിന്ന് തിരുവനന്തപുരത്ത് എത്തിയ റോബിന് വൻ സ്വീകരണമാണ് ആരാധകർ നൽകിയത്.

അതിന് പിന്നാലെ വിമാനത്താവളത്തിൽ വെച്ച് അതിവൈകാരികമായി പ്രതികരിച്ച ഒരു പെൺകുട്ടിയുടെ വീഡിയോയും വൈറലായിരുന്നു.കേരളത്തിൽ വന്നിറങ്ങിയ റോബിൻ പോലും തനിക്ക് ലഭിച്ച പ്രേക്ഷക പിന്തുണ കണ്ട് അതിശയിച്ചിട്ടുണ്ട്.

സീസൺ ഫോറിൽ നിന്ന് നേരത്തെ നിരവധി പേർ പുറത്തായെങ്കിലും റോബിന് ലഭിച്ച പോലുള്ള സ്വീകരണം മറ്റൊരു മത്സരാർഥിക്കും ലഭിച്ചിട്ടില്ല. ഇപ്പോൾ പുറത്തിറങ്ങിയ റോബിൻ ഒരു അഭിമുഖത്തിനിടെ പറഞ്ഞ വാക്കുകളാണ് വൈറലാകുന്നത്.

'ഞാൻ ഒരാൾ വിചാരിച്ച് കഴിഞ്ഞാൻ സീസൺ ഫോറിൽ ദിൽഷയെ വിജയിപ്പിക്കാൻ കഴിയും. ഇവിടെ ഇരുന്നുകൊണ്ട എനിക്ക് സിംപിൾ ആയി ചെയ്യാൻ കഴിയും.'

'എനിക്ക് വേണമെങ്കിൽ എന്നെ ഇഷ്ടപ്പെടുന്ന ആളുകളോട് എന്റെ സന്തോഷം ദിൽഷ ജയിക്കുന്നതാണെന്ന് പറഞ്ഞാൽ ഈ സെക്കന്റിൽ ഞാൻ പ്രഖ്യാപിക്കും ദിൽഷയാണ് സീസൺ ഫോർ വിന്നറെന്ന്.'

'പക്ഷെ ഞാൻ പറയില്ല. ദിൽഷയുടെ ​ഗെയിം കണ്ട് ഇഷ്ടം തോന്നിയാൽ മാത്രമെ വോട്ട് ചെയ്യാൻ പാടുള്ളു. എന്റെ സഹായം കൊണ്ട് അവൾ ജയിക്കുന്നതിനോട് യോജിപ്പില്ല' റോബിൻ വ്യക്തമാക്കി.

റോബിൻ പുറത്തായ ശേഷം ദിൽഷയ്ക്ക് നിരവധി റോബിൻ ആരാധകരുടെ വോട്ട് ലഭിക്കുന്നുണ്ടെന്നാണ് റിപ്പോർട്ട്. കൂടാതെ റോബിൻ ഫാൻസിന്റെ പിന്തുണ നേടാനുള്ള ശ്രമങ്ങൾ ദിൽഷയും വീട്ടിൽ നടത്തുന്നുണ്ട്.

അതേ കുറിച്ച് റിയാസ് ഒരിക്കൽ ദിൽഷയോട് പരസ്യമായി ചോദിക്കുകയും ചെയ്തിരുന്നു. മുന്നിൽ നിൽക്കുന്ന ശക്തരായ മത്സരാർഥികളിൽ മറ്റുള്ളവർ ബ്ലെസ്ലി, റിയാസ്, ലക്ഷ്മിപ്രിയ എന്നിവരാണ്.

ബ്ലെസ്ലിയാണ് വോട്ടിന്റെ കാര്യത്തിൽ ലീഡ് ചെയ്യുന്നത്. ഇനിയുള്ള വളരെ കുറച്ച് ദിവസൾക്കുള്ളിൽ തന്നെ ആരാണ് ജയിക്കാൻ പോകുന്നതെന്ന് സംബന്ധിച്ച് പ്രേക്ഷകർക്ക് കൃത്യമായ രൂപം ലഭിക്കും.