'ഞാനാരെന്ന് അറിയണമെങ്കിൽ പുറത്തിറങ്ങി നോക്ക്, പട്ടിയേയും എന്നേയും ചേർത്ത് പറഞ്ഞതിന് പുറത്ത് നിന്നും കിട്ടും'

അങ്ങനൊരു പ്രതികരണം ജാസ്മിന്റെ ഭാ​ഗത്ത് നിന്ന് ഉണ്ടായപ്പോഴും ക്ഷമ കൈവിടാതെയാണ് റോബിൻ പെരുമാറിയത്. തിരിച്ച് തർ‌ക്കിക്കാനോ തെറ്റ് തിരുത്തി കൊടുക്കാനോ ഒന്നും മുതിർന്നില്ല.

അതേസമയം വീട്ടിലെ മറ്റുള്ളവർ റോബിനെ ജാസ്മിൻ പട്ടിയുമായി ഉപമിച്ചപ്പോൾ മൗനം പാലിച്ചു. ലക്ഷ്മിപ്രിയ മാത്രമാണ് ഉടൻ തന്നെ പ്രതികരിച്ചത്. സംഭവം വീടിനുള്ളിൽ മാത്രമല്ല വീടിന് പുറത്തും ചർച്ചയായി.

പട്ടിയെ വെറും മൃഗമായി മാത്രം കാണുന്നവർക്കെ ആ വാക്ക് വേദനിപ്പിക്കുകയുള്ളൂവെന്നും എന്നാൽ മനുഷ്യനെക്കാൾ നന്ദിയുള്ള ഇനമായി കാണുന്നവരുടെ കണ്ണിൽ അതൊരു തെറ്റേ അല്ലെന്നുമാണ് വിഷയത്തിൽ ജാസ്മിനെ പിന്തുണയ്ക്കുന്നവർ പറഞ്ഞത്.

റോബിനെ മാത്രമല്ല നിമിഷയെയും ജാസ്മിൻ പട്ടിയോട് ഉപമിച്ചിട്ടുണ്ടെന്നും ജാസ്മിനെ അനുകൂലിക്കുന്നവർ പറയുന്നു.

'എന്റെ പട്ടിയെ പോലെ തന്നെയാണ് നിമിഷയെ കാണുന്നത്. അത്രയും ഇഷ്ടമാണ്. റോബിനെ അതുപോലെ കാണാൻ സാധിക്കില്ല. തെറ്റായി ചിന്തിക്കരുത്... നിങ്ങൾക്ക് അറിയാം നമ്മൾ തമ്മിലുള്ള ഇരിപ്പുവശം എന്താണെന്ന്.'

'ഇത്തരത്തിൽ തന്റെ ഇഷ്ടത്തിന്റെയും അനിഷ്ടത്തിന്റെയും രണ്ട് വശങ്ങളെ കുറിച്ച് വളരെ വ്യക്തമായിട്ടാണ് ജാസ്മിൻ സംസാരിക്കുന്നത്. ലക്ഷ്മിപ്രിയ അതിനെ മാനിപുലേറ്റ് ചെയ്തപ്പോഴാണ് റോബിൻ അവിടെ പട്ടിയെക്കാൾ തരം താഴ്ന്നത്' എന്നും ജാസ്മിനെ സ്നേഹിക്കുന്നവർ സംഭവത്തിന് ശേഷം സോഷ്യൽമീഡിയയിൽ കുറിച്ചിരുന്നു.

സംഭവത്തിന് ശേഷം ദിൽഷയോട് റോബിൻ ഇക്കാര്യത്തെ കുറിച്ച് ചർച്ച ചെയ്തപ്പോൾ പറഞ്ഞ വാക്കുകളാണ് ഇപ്പോൾ വൈറലാകുന്നത്.

താൻ ആരാണെന്ന് അറിയണമെങ്കിൽ പുറത്തിറങ്ങി നോക്കാനും പട്ടിയേയും തന്നേയും ചേർത്ത് പറഞ്ഞതിന് പുറത്ത് നിന്നും കിട്ടുമെന്നുമാണ് ജാസ്മിനെ കുറിച്ച് റോബിൻ ദിൽഷയോട് പറഞ്ഞത്.

ഈ വാക്കുകളിൽ നിന്നും പുറത്ത് തനിക്ക് നല്ല സപ്പോർട്ടുണ്ടെന്ന് റോബിൻ മനസിലാക്കി എന്നത് വ്യക്തമാണ്. വീടിനുള്ളിൽ ഉള്ളവരെല്ലാം റോബിൻ തോൽവി മാത്രം നേടിയിട്ടുള്ള ‌മത്സരാർഥി എന്നാണ് വിലയിരുത്തുന്നത്

Recommended Video

പോകുന്നതിന് മുന്നേ പുറകെ നടന്ന് സ്ട്രാറ്റജി പറഞ്ഞു കൊടുത്തു | Ronson's Wife Dr Neeraja Interview

ഉള്ളിലുള്ളവർക്ക് തന്നെ പിടിക്കുന്നില്ലെങ്കിലും പുറത്ത് താനൊരു തരം​ഗമാണെന്ന് റോബിൻ തിരിച്ചറിഞ്ഞുവെന്നാണ് വീഡിയോ വൈറലായതോടെ പ്രേക്ഷകർ സംഭവത്തിൽ കമന്റ് ചെയ്യുന്നത്.

ആളുകൾ മരത്തിൽ കാണുന്നത് റോബിൻ മാനത്ത് കാണുമെന്നാണ് റോബിൻ ഫാൻസ് പറയുന്നത്. വൈൽഡ് കാർഡുകളുടെ നോമിനേഷൻ പ്രക്രിയ സമയത്തെ ചില വാക്കുകളിൽ നിന്നും തനിക്ക് നല്ല സപ്പോർട്ടുണ്ടെന്ന് റോബിൻ മനസിലാക്കിയെന്നത് ലൈവ് സ്ട്രീമിങ് കാണുമ്പോൾ വ്യക്തമാണ്.

പിന്നീട് വീട്ടിൽ സംസാരിക്കുമ്പോഴും അഭിപ്രായങ്ങൾ പറയുമ്പോഴും നിങ്ങളിതെല്ലാം കേൾക്കുന്നില്ലേയെന്ന് കാമറയിൽ നോക്കി റോബിൻ ഇടയ്ക്കിടെ പറയുന്നുണ്ട്.