സിംഗപ്പൂരിൽ നിന്നും ഡോക്ടർ റോബിനെ കാണാനെത്തി കുഞ്ഞ് ആരാധിക

തിരിച്ച് നാട്ടിൽ എത്തിയ റോബിന് തിരുവനന്തപുരം എയർപോർട്ടിൽ ഗംഭീര സ്വീകരണമാണ് ആരാധകർ നൽകിയത് പൂച്ചെണ്ടും ഹാരവുമൊക്കെയായി നിരവധിപേർ റോബിനെ കാണാൻ എത്തി.

ഇവരുടെ ഇടയിൽ ഒരു കുഞ്ഞ് ആരാധികയും ഉണ്ടായിരുന്നു. നിള, സിംഗപ്പൂരിൽ നിന്നും കുടുംബത്തോടെയാണ് നിള നാട്ടിലെത്തിയത്. സിംഗപ്പൂരിൽ വോട്ട് ചെയ്യാൻ കഴിയില്ല എന്നതുകൊണ്ട് കുടുംബം കേരളത്തിൽ എത്തുകയായിരുന്നു.

ഞങ്ങളുടെ വിജയി റോബിന്‍ തന്നെ! കപ്പ് നല്‍കി സ്വീകരിച്ച് ആരാധകർ, വരവേല്‍ക്കാന്‍ ജനസാഗരം

റോബിനെ സീക്രട്ട് റൂമിൽ ആക്കിയപ്പോൾ മുതൽ കുഞ്ഞു നിള കരച്ചിലായിരുന്നു. തങ്ങൾ റോബിനെ സപ്പോർട്ട് ചെയ്യാൻ വേണ്ടി മാത്രം നാട്ടിലേക്ക് വന്നതാണെന്നും തങ്ങളുടെ മനസ്സിൽ റോബിൻ ആണ് ബിഗ് ബോസ് സീസൺ ഫോറിന്റെ വിജയിയെന്നും നിളയുടെ അമ്മ മലയാളം ഫിൽമി ബീറ്റിനോട് പറഞ്ഞു.

പ്രായമായ അമ്മമാരും റോബിനെ കാണാൻ എയർപോർട്ടിൽ കാത്തുനിന്നു. സ്വന്തം വീട്ടിലെ മകനെപോലെയാണ് റോബിനെന്നും താരം സീക്രട്ട് റൂമിൽ കഴിഞ്ഞിരുന്ന സമയത്ത് വിഷമം സഹിക്കാൻ കഴിഞ്ഞിരുന്നില്ലെന്നും ബി പി വല്ലാതെ കൂടിയെന്നുമെല്ലാം അവർ പറയുകയുണ്ടായി.

എന്താണ് റോബിനോട് ആരാധന തോന്നാൻ കാരണം എന്ന ചോദ്യത്തിന് എല്ലാവരും ഒരു ഉത്തരമേ ഉണ്ടായിരുന്നുള്ളു. റോബിൻ വളരെ പച്ചയായ മനുഷ്യൻ എന്നെന്നും അങ്ങേയറ്റം പ്രകോപിപ്പിക്കുമ്പോൾ മാത്രമേ റോബിൻ പ്രതികരിച്ചിരുന്നുള്ളുവെന്നും ആരാധകർ പറഞ്ഞു.

ഡോ.റോബിന്‍ തിരിച്ചുവരുമെന്ന് നിങ്ങളോട് ആര് പറഞ്ഞു? റിയാസിനെ നിര്‍ത്തിപ്പൊരിച്ച് ലാലേട്ടന്‍

പ്രേക്ഷകരുടെ ഈ സ്നേഹത്തിൽ റോബിനും വളരെയധികം സന്തോഷവാനാണ്. ബിഗ് ബോസ് വീട്ടിനുള്ളിൽ ഉണ്ടായിരുന്നവർക്ക് തന്നെ നന്നായി മനസിലാക്കാൻ കഴിഞ്ഞില്ലെങ്കിലും നാട്ടിലെ മൂന്നരകോടി ജനങ്ങൾ തന്നെ മനസിലാക്കിയെന്നും അതിൽ തനിക്ക് വളരെയധികം സന്തോഷം ഉണ്ടെന്നും താരം പറഞ്ഞു.

എയർപോർട്ടിൽ എത്തിയ താരത്തിന് ആരാധകർ ഒരു വലിയ ട്രോഫി സമ്മാനമായി നൽകി. ഇതെല്ലം കണ്ട് വളരെ സന്തോഷത്തോടെയാണ് താരം വീട്ടിലേക്ക് പോയത്.

ബിഗ് ബോസ് വിജയി ആയില്ലെങ്കിലും ജനങ്ങളുടെ ഹൃദയം കീഴടക്കാൻ കഴിഞ്ഞല്ലോയെന്നും. തനിക്ക് ബിഗ് ബോസ് വീട്ടിൽ നിന്നും പുറത്തായതിൽ യാതൊരുവിധ സങ്കടവും ഇല്ലെന്നും റോബിൻ പറഞ്ഞു.

'ട്രോഫിയേക്കാൾ പ്രധാനമാണ് ജനങ്ങളുടെ സ്നേഹം അത് എനിക്ക് കിട്ടി, പിആർ എനിക്ക് ഇല്ല'; റോബിന്റെ പ്രതികരണം!

റോബിനും ജാസ്മിനും ഷോയിൽ നിന്നും പുറത്തായതോടെ ഇനി ഷോ എങ്ങനെ മുന്നോട്ട് പോകും എന്ന കാര്യത്തിൽ പ്രേക്ഷകരും ആശങ്കയിലാണ്. ഈ സീസണിൽ ഏറ്റവും കൂടുതൽ കണ്ടന്റ് നൽകിയിരുന്ന വ്യക്തികളായിരുന്നു ജാസ്മിനും റോബിനും.