13 വര്‍ഷം മുന്‍പ് വിവാഹം കഴിച്ചു; ഭാര്യയുമായി കമ്യൂണിക്കേഷന്‍ നടന്നില്ല,വേർപിരിയാനുള്ള കാരണം പറഞ്ഞ് വാവ സുരേഷ്

നടന്‍ ജഗദീഷ് അവതാരകനായിട്ടെത്തി മഴവില്‍ മനോരമയില്‍ സംപ്രേക്ഷണം ചെയ്യുന്ന പരിപാടിയാണ് 'പടം തരും പണം'. ഏറ്റവും ഒടുവിലായി റിയാലിറ്റി ഷോ യിലെ മത്സരാര്‍ഥിയായിട്ടാണ് വാവ സുരേഷ് എത്തിയത്. ഇതുവരെ എവിടെയും പറയാത്ത കഥകള്‍ വാവയെ കൊണ്ട് പറയിപ്പിക്കുമെന്ന് ജഗദീഷ് പറഞ്ഞിരുന്നു. അങ്ങനെയാണ് തന്റെ വിവാഹ ജീവിതത്തെ കുറിച്ച് അദ്ദേഹം പറഞ്ഞത്.

ഞാനൊരു കല്യാണം കഴിച്ചിരുന്നു. പതിമൂന്ന് വര്‍ഷം മുന്‍പാണ് അത്. പക്ഷെ പിന്നീട് അവരുമായി കമ്യൂണിക്കേറ്റ് ചെയ്യാനോ മനസില്‍ ഉള്‍കൊള്ളാനോ സാധിക്കാത്തത് കൊണ്ട് ഞാന്‍ തന്നെ പറഞ്ഞ് അവസാനിപ്പിച്ചതാണ്. അവര്‍ക്ക് കുഴപ്പമുണ്ടെന്ന് ഞാന്‍ പറയുന്നില്ല. കാരണം ഞാനായി ഒഴിവായതാണ്. വീട്ടില്‍ നിന്ന് പോയാല്‍ രണ്ട് മൂന്ന് ദിവസം കഴിഞ്ഞായിരിക്കും തിരിച്ച് വരിക. പിന്നെ പാമ്പുകളെ കൊണ്ട് വിടാനും മറ്റുമൊക്കെ പോവുന്നത് കൊണ്ട് ഫുള്‍ ടൈം യാത്രകള്‍ തന്നെയായിരുന്നു.

Recommended Video

എന്ത് ചോദിച്ചാലും തഗ്ഗ്,ഇക്കാ നമിച്ചു, മതിമറന്ന് ചിരിച്ച് മമ്മൂക്ക | Mammootty Interview | Filmibeat

രാത്രിയെന്നോ പകലെന്നോ ഇല്ലാതെ പൂര്‍ണമായിട്ടുള്ള യാത്രകളായിരുന്നു. വയ്യാതാവുന്ന സമയത്തൊക്കെ ആയിരിക്കും വിശ്രമിക്കുന്നത്. പാമ്പുകളുമായിട്ടുള്ള ജീവിതം മുന്നോട്ട് കൊണ്ട് പോകാന്‍ ഈ വിവാഹബന്ധം തടസമാണെന്ന് തോന്നിയപ്പോള്‍ സ്വയം ഒഴിഞ്ഞു. ആരെയും കുറ്റപ്പെടുത്തുന്നില്ല. എന്റെ സ്വന്തം തീരുമാനമായിരുന്നു എന്ന് വാവ സുരേഷ് പറയുന്നു. എന്റെ വിഷമങ്ങളും പ്രശ്‌നങ്ങളുമൊന്നും ആളുകളുമായി സംസാരിക്കാന്‍ ഞാന്‍ ഇതുവരെ തയ്യാറായിട്ടില്ല. കാരണം അതാണ് നല്ലതെന്ന് എനിക്ക് തോന്നി.

അതേ സമയം സ്‌കൂളില്‍ പഠിക്കുന്ന കാലത്ത് തനിക്കുണ്ടായിരുന്ന പ്രണയത്തെ കുറിച്ചും വാവ സുരേഷ് പറഞ്ഞിരുന്നു. എന്നും രാവിലെ ഒരു പെണ്‍കുട്ടിയ്ക്ക് റോസാപ്പൂ നല്‍കുമായിരുന്നു. ഏകദേശം അഞ്ഞൂറോളം പൂവുകള്‍ ഞാന്‍ കൊടുത്തു. പൂവ് കൊടുക്കുമ്പോള്‍ ചിരിക്കാറുണ്ടായിരുന്നു. എന്നാല്‍ പിന്നീട് അവള്‍ മറ്റൊരു വിവാഹം ചെയ്ത് പോയി. ഇപ്പോള്‍ ഭര്‍ത്താവും കുട്ടിയുമൊക്കെയായി ജീവിക്കുകയാണ്. രണ്ട് ദിവസം മുന്‍പ് കുടുംബത്തോടൊപ്പം എന്ന കാണാന്‍ വന്നിരുന്നുവെന്നും സുരേഷ് പറയുന്നു.