'ധന്യയുടെ പ്രകടനത്തെ അഭിനന്ദിക്കാത്തവർ ഫാൻ ബേസിൽ മാത്രം കളി കാണുന്നവർ'; ടിക്കറ്റ് ടു ഫിനാലെയെ കുറിച്ച് അശ്വതി!

ആദ്യത്തെ ബക്കറ്റ് ബാലൻസിങ് ടാസ്ക്കിൽ എട്ട് മണിക്കൂറോളം ബക്കറ്റ് ബാലൻസ് ചെയ്ത് പിടിച്ച് ധന്യ എല്ലാവരേയും അത്ഭുതപ്പെടുത്തി. ധന്യയുടെ പ്രകടനത്തെ വിലയിരുത്തി സീരിയൽ താരം അശ്വതി എഴുതിയ കുറിപ്പാണ് ശ്രദ്ധ നേടുന്നത്.

ധന്യയുടെ പ്രകടനത്തെ അഭിനന്ദിക്കാത്തവർ ഫാൻ ബേസിൽ മാത്രം കളി കാണുന്നവരാണെന്നാണ് അശ്വതി സോഷ്യൽമീഡിയയിൽ കുറിച്ചത്. 'കഴിഞ്ഞ ദിവസം ഞാൻ ടോപ് 5 പ്രെഡിക്ഷൻ പോസ്റ്റ്‌ ഇട്ടപ്പോൾ അതിൽ ധന്യയുടെ പേര് കണ്ട് പലരും ചോദിച്ചു.'

'ധന്യ സേഫ് ഗെയിമാണ് ധന്യയെക്കാൾ ഡീസർവിങ് ആയവരുണ്ടെന്ന്. കഴിഞ്ഞ് ദിവസത്തെ ആദ്യ ടാസ്ക് കണ്ടവർ ധന്യക്ക് അഭിനന്ദനങ്ങൾ പറഞ്ഞില്ലെങ്കിൽ അത് ഫാൻ ബേസിൽ മാത്രം കളി കാണുന്നവർ ആയിരിക്കുമെന്ന് കരുതാനേ പറ്റൂ... ഇപ്പോഴുള്ള ടാസ്ക് എന്നത് സാധരണ നടക്കാറുള്ള വീക്കിലി ടാസ്ക് പോലെ അല്ല.'

'ടിക്കറ്റ് ടു ഫിനാലെ എന്ന അത്രമേൽ പ്രാധാന്യം ഉള്ളതാണ്. കഴിഞ്ഞ ദിവസം പകൽ മുതൽ ഞാൻ ലൈവ് കണ്ടതിൽ വെച്ച് എന്റെ കാഴ്ചപ്പാടിൽ ഏറ്റവും എന്റെർടെയ്നിങ് ആക്കിയത് റിയാസാണ്. മാക്സിമം സമയം കൊണ്ട് എല്ലാരേയും പ്രോവൊക് ചെയ്തു.'

'പാട്ട് പാടി, കല കലാന്ന് സംസാരിച്ച് സംസാരിച്ച് മുന്നോട്ട് പോയി. അതിൽ എനിക്കേറ്റവും ഇഷ്ടപെട്ടത് ആ വിളി ആയിരുന്നു മോളെ ദില്ലൂ... (ലൈവിൽ ആയിരുന്നു അത് കൂടുതൽ കാണാൻ കഴിഞ്ഞത്).'

'പിന്നെ തുടക്കം മുതൽ ഞാനിതd നേടും എന്ന ഡിടെർമിനേഷനോടെ നിന്നത് ധന്യയാണ്. സൂപ്പർ... ധന്യ നേടുകയും ചെയ്തു. രണ്ടാമത്തെ ടാസ്കിൽ എന്ത് പറ്റിയോ എന്തോ റോൺസൺ ജയിച്ചു. നല്ലകാര്യം.. തന്ത്രപരമായി തന്നെ കളിച്ചു. പക്ഷേ ആളിപ്പോഴും പുറത്ത് പോകണമെന്ന് പറഞ്ഞ് ഒരു ഉത്സാഹം ഇല്ലാതെ തൂങ്ങിയാണ് ഇരുപ്പ്.'

Recommended Video

Dr. Robin Ready For Re-Entry | ദിൽഷയെ സ്വന്തമാക്കാനുള്ള ട്രിക്ക് വെളിപ്പെടുത്തി റോബിൻ | *Interview

'അതുകൊണ്ട് ആ വിഷമം നിങ്ങൾ പ്രേക്ഷകർ കേൾക്കാതെ പോകരുത്. അതുകൊണ്ട് വിവേകത്തോടെ വോട്ട് ചെയ്യുക. ബ്ലെസ്ലിയും ദിൽഷക്ക് വേണ്ടിയാണോ എന്തിനാണോ എന്തോ വല്ലാതെ പുറകോട്ട് പോകുന്നപോലെ ഒരു ഫീൽ. അതോ എന്റെ തോന്നലാണോ ബെചിക്കാ.'

'കുഞ്ഞേ എന്നെ വിഷമത്തിലാക്കല്ലേ. ലക്ഷ്മിയേച്ചി കഴിഞ്ഞ ദിവസത്തെ പ്രത്യേക പ്രകടനത്തിന്റെ ക്ഷീണത്തിലാണ്. അതുകൊണ്ട് അൽപ്പം ശാന്തമാണ്. മൂന്നാമത് മ്യൂസിക് കേട്ട് പാട്ട് ഏതാണെന്ന് കണ്ടുപിടിക്കുക.'

'വിനയ് വിജയിച്ചു. ഒരു ദിവസം പല ടാസ്‌ക്കുകൾ... നല്ല രസമാണ്. കളികൾ മുറുകട്ടെ... ആര് നേടും ആ ടിക്കറ്റ് എന്ന് നമുക്ക് നോക്കിക്കാണാം' എന്നായിരുന്നു കുറിപ്പ്.