'അവളൊരു നല്ല മത്സരാർഥിയായിരുന്നു'; ഡെയ്സിയുടെ അപ്രതീക്ഷിത വിടവാങ്ങലിൽ‌ നിലവിളിച്ച് കരഞ്ഞ് സൂരജ്!

അതേസമയം ഡെയ്സി പോയത് ഏറ്റവും കൂടുതൽ തളർത്തിയത് സുഹൃത്തും സന്തതസഹചാരിയുമായി ഒപ്പം ഉണ്ടായിരുന്ന സൂരജ് തേലക്കാടിനെയാണ്. ഡെയ്സി വീടിന് പുറത്തേക്കിറങ്ങും വരെ പിടിച്ച് നിന്ന സൂരജ് പിന്നീട് കുട്ടി അഖിലിനെ കെട്ടിപിടിച്ച് നിലവിളിച്ച് കരയുകയായിരുന്നു.

അവൾ നല്ല മത്സരാർഥിയായിരുന്നുവെന്ന് പറഞ്ഞതുകൊണ്ടാണ് സൂരജ് കരഞ്ഞത്. ഇരുവരും തമ്മിൽ അടുത്ത സൗഹ‍ൃദം പുലർത്തിയിരുന്നവരാണ്. ഇരുവരുടേയും സൗഹൃദത്തിന്റെ ആഴം മനസിലാക്കി തരുന്ന വീഡിയോകൾ മുമ്പും വൈറലായിരുന്നു. ഇരുവരും ബി​ഗ് ബോസ് ഹൗസിൽ കാണിക്കുന്ന കുസൃതികൾ ആകർഷവുമായിരുന്നു.

പുറത്തിറങ്ങും മുമ്പ് ചില കുഞ്ഞ് സമ്മാനങ്ങളും സൂരജിന് കൈമാറാൻ ജാസ്മിനെ ഡെയ്സി ഏൽപ്പിക്കുകയും ചെയ്തിരുന്നു. കൂടാതെ ഡെയ്സിയുടെ ചെടിയുടെ സംരക്ഷണവും സൂരജിനാണ് ഡെയ്സി കൈമാറിയത്.

വീട്ടിൽ നിന്നും പുറത്തിറങ്ങുമ്പോൾ‌ ഏറ്റവും കൂടുതൽ മിസ് ചെയ്യാൻ പോകുന്നത് സൂരജിനെയായിരിക്കുമെന്നും മോഹൻലാലിനോട് ഡെയ്സി പറഞ്ഞിരുന്നു. ലാലേട്ടന് അടുത്തെത്തിയ ശേഷവും വീട്ടിലുള്ള മറ്റുള്ളവരെ കാണാൻ അവസരം ലഭിച്ചപ്പോൾ സൂരജിനോട് 'വിഷമിക്കരുതെന്നും ഐ ലവ് യൂ' എന്നും ഡെയ്സി പറഞ്ഞിരുന്നു.

ശേഷമാണ് സൂരജ് നിലവിളിച്ച് കരഞ്ഞത്. ഇപ്പോൾ പുറത്താകേണ്ട മത്സരാർഥിയായിരുന്നില്ല ഡെയ്സിയെന്നും സൂരജ് പറയുന്നുണ്ടായിരുന്നു.

അഞ്ചാം ആഴ്ചയിലാണ് ഡെയ്സി വീട്ടിൽ നിന്നും പുറത്തായിരിക്കുന്നത്. കളികൾ കൂടുതൽ ​ഗൗരവമായി കൊണ്ടിരിക്കുകയാണ്. വീട്ടിൽ നിന്നും പുറത്തിറങ്ങവെ 'ഇവിടെ കണ്ട ഡെയ്സിയല്ല പുറത്ത് നല്ല സ്നേഹമുള്ള ചില്ലായിട്ടുള്ള' ഡെയ്സിയുണ്ടെന്ന് സഹമത്സരാർഥികളോട് ഡെയ്സി പറയുകയും ചെയ്തു.

'കാര്യങ്ങളോട് പ്രതികരിക്കുമെങ്കിലും ഇത്രയും സെൽഫിഷ് അല്ല. ബി​ഗ് ബോസ് ഹൗസിൽ വെച്ച് എനിക്ക് എന്നെ തന്നെ സ്വയം മനസിലാക്കാൻ സാധിച്ചു.' 'ക്ഷമ പരിശീലിച്ചു. ഇപ്പോൾ വീട്ടിലുള്ളവർ ക്ഷമയാണ് ഏറ്റവും കൂടുതൽ ശീലിക്കേണ്ടത്.'

'സാഹചര്യം അതായത് കൊണ്ടാണ് പലപ്പോഴും അതിരുവിട്ട് പെരുമാറിയത്....' എന്നൊക്കെയാണ് ഡെയ്‌സി പറഞ്ഞത്.

Recommended Video

എന്റെ കളി ഇങ്ങനെയാണ്.. അശ്വിന്റെ ആദ്യ പ്രതികരണം | Filmibeat Malayalam

പലതവണ എവിക്ഷനിൽ വന്നിട്ടും ഡോ.റോബിൻ പുറത്താകാത്തതിൽ മറ്റ് മത്സരാർഥികൾക്ക് പല സംശയങ്ങളും ഉടലെടുത്തിട്ടുണ്ട്. റോബിൻ വീടിന് പുറത്ത് വലിയ പിന്തുണ നേടിയെടുത്തിട്ടുണ്ടെന്നും പലരും പറയാതെ പറയുന്നുണ്ട്.

അതേസമയം ഇന്ന് ആറാം ആഴ്ചയിലെ നോമിനേഷൻ നടക്കാൻ പോവുകയാണ്. സേഫ് ​ഗെയിം കളിക്കുന്നവരെല്ലാം യഥാർഥ മുഖം ഇന്ന് പുറത്ത് കാണിക്കുമെന്നാണ് പുതിയ പ്രമോ സൂചിപ്പിക്കുന്നത്.

അ‍ഞ്ച് ആഴ്ച പിന്നിട്ടിട്ടും നോമിനേഷനിൽ ഉൾപ്പെടാത്ത സുചിത്രയടക്കം ഈ ആഴ്ച വെള്ളം കുടിക്കാൻ സാധ്യതയുണ്ടെന്നാണ് പ്രേക്ഷകരും വിലയിരുത്തുന്നത്.