'റോബിൻ ഞങ്ങളുടെ കൊച്ചു ബി​ഗ് ബോസാണ്, ഞാൻ പോകുമെന്ന് പുള്ളി നേരത്തെ പ്രഖ്യാപിച്ചിരുന്നു'; ലാലേട്ടനോട് സുചിത്ര!

അതേസമയം സുചിത്ര ഈ ആഴ്ച പുറത്താകുമെന്ന് മുൻകൂട്ടി മനസിലാക്കി അത് പ്രവചിച്ച ഒരേയൊരു വ്യക്തി മാത്രമാണ് ബി​ഗ് ബോസ് ഹൗസിലുണ്ടായിരുന്നത് അത് റോബിനായിരുന്നു. വീക്കിലി ടാസ്ക്കിനിടയിൽ നടന്ന വഴക്കിനിടെ സുചിത്രയുമായി റോബിൻ വാക്ക് തർക്കം നടത്തുന്നതിനിടെയാണ് റോബിൻ വീണ്ടും പ്രവചനം നടത്തിയത്.

മുമ്പ് ഡെയ്സി, നിമിഷ എന്നിവരുടെ കാര്യത്തിലും സമാനമായ രീതിയിൽ‌ റോബിൻ പ്രവചനം നടത്തുകയും അതെല്ലാം സത്യമാവുകയും ചെയ്തിരുന്നു.

എല്ലാം മുൻകൂട്ടി മനസിലാക്കി പ്രവചിച്ചതിനാൽ റോബിനെ കൊച്ചു ബി​ഗ് ബോസ് എന്നാണ് സുചിത്ര മോഹൻലാലിന് മുമ്പിൽ‌ വെച്ച് വിശേഷിപ്പിച്ചത്.

ബി​ഗ് ബോസിൽ നിന്നും പുറത്തായി മോഹൻലാലിന്റെ അടുത്തെത്തിയപ്പോഴായിരുന്നു സുചിത്ര റോബിനെ കുറിച്ച് പറഞ്ഞത്. ഓരോ മത്സരരാർത്ഥികളോടും യാത്ര പറഞ്ഞ സുചിത്ര റോബിനോടും സംസാരിച്ചിരുന്നു.

വീടിനകത്തെ കൊച്ചു ബി​ഗ് ബോസാണ് റോബിനെന്നും താൻ പുറത്താകുമെന്ന് പുള്ളി നേരത്തെ പ്രഖ്യാപിച്ചിരുന്നുവെന്നും മോഹൻലാലിനോട് സംസാരിക്കവെ സുചിത്ര പറഞ്ഞു.

'ഒരുപാട് സന്തോഷം ലാലേട്ടാ. അച്ഛനെ കാണാൻ പറ്റുമല്ലോ. ഹൗസിനകത്ത് ഒരുപാട് നിരാശയിലായിരുന്നു ഞാൻ. ആരും കാണാതെ ഒളിച്ചൊക്കെ കരയുന്നുണ്ടായിരുന്നു. പക്ഷേ എല്ലാവരും കണ്ടുവെന്നും മനസിലായി എന്നാണ് സുചിത്ര പറഞ്ഞത്.'

നോമിനേഷനിൽ വരണ്ടായിരുന്നുവെന്ന് തോന്നിയോ എന്നാണ് മോഹൻലാൽ അടുത്തതായി ചോദിച്ചത്.

'ഇതുവരെയും ആരും എന്നെ നോമിനേറ്റ് ചെയ്യാതിരുന്നതാണ്. ഇല്ലായിരുന്നേൽ ഇതിന് മുമ്പെ എനിക്ക് വീട്ടിൽ പോകാമായിരുന്നു. വീട് മിസ്സായി തുടങ്ങിയപ്പോൾ തന്നെ എന്റെ കയ്യീന്ന് പോയെന്ന് മനസിലായി' എന്നാണ് സുചിത്ര മറുപടിയായി പറഞ്ഞത്.

63 ദിവസത്തെ ഷോയിലെ സുചിത്രയുടെ ജീവിതം ബി​ഗ് ബോസ് കാണിച്ചപ്പോൾ ഇത്രയൊക്കെ ഞാൻ വഴക്കടിച്ചിട്ടുണ്ടോ എന്നാണ് വീഡിയോ കണ്ട ശേഷം സുചിത്ര മോഹൻലാലിനോട് ചോദിച്ചത്.

ചിരിച്ചുകൊണ്ട് ഞങ്ങൾ കുറച്ചെ കാണിച്ചിട്ടുള്ളൂവെന്നാണ് മോഹൻലാൽ മറുപടി നൽകിയത്. വീട്ടിലുണ്ടായിരുന്നുവെങ്കിൽ സുചിത്രയായിരുന്നു ഈ ആഴ്ചയിലെ ക്യാപ്റ്റൻ.

എലിമിനേറ്റ് ആയതിനാൽ ക്യാപ്റ്റൻസി സുചിത്ര സൂരജിന് നൽകി. സേഫ് ​ഗെ​യിമാണ് സുചിത്ര കളിച്ചിരുന്നത്.

Recommended Video

റോബിന്റെ പിടിവള്ളി ദിൽഷയുടെ കയ്യിൽ, അവർ കെട്ടണം | Bigg Boss Malayalam Akhil | #Interview | FilmiBeat

അവസാന ദിവസങ്ങളിൽ വീട്ടിൽ പെരുമാറുകയും അഭിപ്രായം തുറന്ന് പറയുകയും ചെയ്തിരുന്നപ്പോലെ ആദ്യം മുതൽ നിന്നിരുന്നെങ്കിൽ ധന്യയെപ്പോലെ സുചിത്ര ഇപ്പോഴും വീട്ടിലുണ്ടാകുമായിരുന്നു.

സുചിത്രയും പുറത്തായതോടെ റോബിന്റെ പ്രവചന ശക്തിയിൽ അത്ഭുതപ്പെട്ടിരിക്കുകയാണ് എല്ലാവരും. മുമ്പും പുറത്ത് നടക്കുന്ന പല കാര്യങ്ങളും റോബിൻ പ്രവചിച്ചിട്ടുണ്ട്.

എട്ട് മാസത്തോളം വീട്ടിൽ ഇരുന്ന് ബി​ഗ് ബോസിനെ കുറിച്ച് പഠിച്ച ശേഷമാണ് കളിക്കാനെത്തിയതെന്ന് പലപ്പോഴായി റോബിൻ പറഞ്ഞിട്ടുണ്ട്. ഈ സീസണിൽ ഏറ്റവും കൂടുതൽ ജനപിന്തുണയുള്ള മത്സരാർഥിയും റോബിനാണ്.