'സ്ത്രീകളോട് പ്രതികാരം ചെയ്യുന്നു, ബ്ലെസ്ലിയുടെ ക്യാപ്റ്റൻസി മാറ്റണം'; ബി​ഗ് ബോസിനോട് സുചിത്രയും ജാസ്മിനും

ബ്ലെസ്ലി സ്ത്രീകളെ ടാർ​ഗെറ്റ് ചെയ്ത് പ്രതികാരം തീർക്കുന്നുവെന്ന ആരോപണം ഉന്നയിച്ചാണ് സുചിത്രയും ജാസ്മിനും ബ്ലെസ്ലിയുടെ ക്യാപ്റ്റൻസി എടുത്ത് കളയണമെന്ന് ആവശ്യപ്പെട്ട് ബി​ഗ് ബോസിന് മുമ്പിൽ പരാതിയുമായി എത്തിയിരിക്കുന്നത്.

'ബ്ലെസ്ലി സ്ത്രീകളെ ടാർ​ഗെറ്റ് ചെയ്ത് ജോലികൾ നൽകി പ്രതികാരം തീർക്കുകയാണ്. ജയിലിൽ കിടന്ന സമയത്ത് രാത്രി മുഴുവൻ ഇരുന്ന് ഉള്ളി വൃത്തിയാക്കിയതിനാൽ നടുവേദനയുണ്ടായിരുന്നു. മാത്രമല്ല കിച്ചൺ ഡ്യൂട്ടി തരണമെന്നും ബ്ലെസ്ലിയോട് നേരത്തെ ആവശ്യപ്പെട്ടിരുന്നതാണ്.'

'എന്നാൽ അതൊന്നും ചെയ്തില്ലെന്ന് മാത്രമല്ല ബെഡ് റൂം വൃത്തിയാക്കുന്നതിന് പുറമെ ഒരോ ബെഡും പരിസരവും വൃത്തിയാക്കിയിടണമെന്നും ബ്ലെസ്ലി നിർദേശിച്ചു. ക്യാപ്റ്റനായതുകൊണ്ട് മാത്രമാണ് ഇരട്ടി പണിയായിരുന്നിട്ട് പോലും ബ്ലെസ്ലിയെ അനുസരിച്ചത്.'

'ബ്ലെസ്ലി ഒരു ജോലിയും കൃത്യമായി പൂർത്തിയാക്കാത്ത വ്യക്തിയാണ്. അവനും എനിക്കും സൂരജിനുമൊപ്പം ഫ്ലോർ ക്ലീൻ ചെയ്യാമെന്ന് ഏറ്റതാണ്. പക്ഷെ അതിപ്പോൾ എനിക്കും സൂരജിനും കിട്ടിയ വലിയ പണിയായി മാറിയിരിക്കുകയാണ്.'

'എന്നോടുള്ള വ്യക്തി വൈരാ​ഗ്യമാണ് ബ്ലെസ്ലി തീർക്കുന്നത്. അതെ കുറിച്ച് ചോദിച്ചപ്പോൾ വൈരാ​​ഗ്യമാണെന്ന് ബ്ലെസ്ലി സമ്മതിക്കുകയും ചെയ്തിരുന്നു. ക്യാപ്റ്റൻസി എന്ന പദവി ബ്ലെസ്ലി മിസ്യൂസ് ചെയ്യുകയാണ്' സുചിത്ര ബി ബോ​സിനോട് പരാതിപ്പെട്ടു.

അനീതിയോടെ പെരുമാറുന്ന ക്യാപ്റ്റനെ അനുസരിക്കാൻ ബുദ്ധിമുട്ടുണ്ടെന്നും ബ്ലെസ്ലിയെ ക്യാപ്റ്റൻസിയിൽ നിന്നും നീക്കം ചെയ്യണമെന്ന് ജാസ്മിനും സുചിത്രയക്ക് പിന്നാലെ ആവശ്യപ്പെട്ടു. പക്ഷെ ഇതുവരെ വിഷയത്തിൽ ബി​ഗ് ബോസ് പ്രതികരിച്ചിട്ടില്ല. ‌‌‌

Recommended Video

റോബിന്റെ പിടിവള്ളി ദിൽഷയുടെ കയ്യിൽ, അവർ കെട്ടണം | Bigg Boss Malayalam Akhil | #Interview | FilmiBeat

ഒരു സീസണിൽ പോലും ക്യാപ്റ്റൻസി ബി​ഗ് ബോസ് മറ്റ് മത്സരാർഥികളുടെ പരാതി മൂലം നീക്കം ചെയ്തിട്ടില്ല. നാലാം സീസണിൽ എന്ത് സംഭവിക്കുമെന്നത് കാത്തിരുന്ന് കാണണം. അതേസമയം വീട്ടിലിപ്പോൾ വീക്കിലി ടാസ്ക്കാണ് നടക്കുന്നത്.

പതിവുപോലെ ഇത്തവണത്തെ ക്യാപ്റ്റൻസി ടാസ്ക്കിനിടയിലും മത്സരാർഥികൾ തമ്മിൽ വാക്കുതർക്കങ്ങളും അടിയും ഉണ്ടാകുന്നുണ്ട്. നാലാം സീസൺ ആരംഭിച്ച് 58 ദിവസം പിന്നിടുമ്പോൾ വീട്ടിൽ അവശേഷിക്കുന്നത് പന്ത്രണ്ട് മത്സരാർഥികളാണ്.

മാത്രമല്ല പുതിയ നോമിനേഷനിൽ നാല് പേരാണ് ഇത്തവണ വന്നിരിക്കുന്നത്. സുചിത്ര, സൂരജ്, അഖിൽ, വിനയ് എന്നിവരാണ് നോമിനേഷനിൽ വന്നിരിക്കുന്നത്. ഇവരിലൊരാളാകും ഇത്തവണ വീട്ടിൽ നിന്നും പുറത്താവുക.

സുചിത്ര, സൂരജ് എന്നിവരിൽ ഒരാൾ പുറത്താകാനുള്ള സാധ്യതയാണ് കൂടുതൽ. ഏറ്റവും അവസാനം വീട്ടിൽ നിന്നും പുറത്തായത് അപർണ മൾബറിയാണ്.