ജന്മദിനത്തിൽ റോബിനോടുള്ള പിണക്കം മറന്ന് സുചിത്ര

ബിഗ് ബോസ് വീട്ടിൽ ആദ്യമൊക്കെ സൈഫ് ഗെയിം കളിച്ച് നല്ല ഇമേജ് നിലനിർത്തി മുന്നോട്ട് പോയ മത്സരാർഥിയാണ് സുചിത്ര. എന്നാൽ മത്സരം പാതി ദിവസം പിന്നിട്ടപ്പോൾ അപായം മനസിലാക്കിയ സുചിത്ര കളം മാറ്റി കളിക്കാൻ തുടങ്ങി.

തന്റേതായുള്ള സ്ക്രീൻ സ്പെയ്സ് ഉണ്ടാക്കാനും സുചിത്ര വളരെയധികം ശ്രദ്ധ ചെലുത്തുന്ന കാഴ്ചയാണ് തുടർന്ന് കാണാൻ സാധിച്ചത്.

നിന്നെ ജയിലിലേക്കല്ല പുറത്തേക്ക് വിടാനുള്ള കാര്യം എന്റെ കൈയിൽ ഉണ്ട്; ബ്ലെസ്‌ലിക്ക് മുന്നറിയിപ്പുമായി വിനയ്

ഈ ആഴ്ച ബിഗ് ബോസ് വീട്ടിൽ നിന്നും പുറത്ത് പോകാനുള്ളവരുടെ കൂട്ടത്തിൽ സുചിത്രയുടെ പേരും ഉണ്ട്.

കഴിഞ്ഞ ദിവസം വരെയുള്ള വോട്ടിംഗ് കണക്കുകളിൽ സുചിത്രക്കാണ് വോട്ടുകൾ കുറവെന്നും വാർത്തകൾ പുറത്ത് വരുന്നുണ്ട്. അത് എന്ത് തന്നെ ആയാലും സുചിത്രയുടെ ജന്മദിനം ആഘോഷത്തിന്റെ ദൃശ്യങ്ങളാണ് ഇപ്പോൾ ചർച്ചയാവുന്നത്.

കഴിഞ്ഞ ആഴ്ചത്തെ വീക്കിലി ടാസ്ക്കിൽ റോബിനുമായി സുചിത്ര നല്ലരീതിയിൽ കൊമ്പ് കോർത്തിരുന്നു. സുചിത്ര ഈ ആഴ്ച പുറത്ത് പോകുമെന്നും അതിനു ശേഷം മാത്രമേ താൻ പുറത്തിറങ്ങു എന്നുമെല്ലാം റോബിൻ ബിഗ് ബോസ് വീട്ടിൽ ഏറെ ചർച്ച ആയിരുന്നു.

തുടർന്ന് താൻ ഇറങ്ങുന്നതിനു മുൻപ് റോബിന് നല്ല തല്ല് കൊടുക്കുമെന്ന് സുചിത്രയും പറയുകയുണ്ടായി.

റോബിന് ഒരു അടി കൊടുത്തിട്ടെ ഇറങ്ങുവെന്ന് സുചിത്ര; കലിതുള്ളി റോബിൻ ആരാധകർ

ഇവയെല്ലാം റോബിൻ ആരാധകരെ വളരെയധികം ചൊടിപ്പിച്ചിരുന്നു. എന്നാൽ, ഇപ്പോഴിതാ തന്റെ ജന്മദിനത്തിന് മുറിച്ച കേക്ക് ജയിലിൽ കിടക്കുന്ന റിയാസിനും റോബിനും സുചിത്ര നൽകുന്ന പ്രേക്ഷകർക്കിടയിൽ സംസാരവിഷയമാവുന്നത്.

സുചിത്രയുടെ ജന്മദിനത്തിൽ തന്നെ താരത്തിന് വീട്ടിൽ നിന്നും പുറത്തിറങ്ങാമെന്നും പുറത്തിറങ്ങിയതിന് ശേഷം നേരിട്ട് ജന്മദിനാശംസകൾ നേരം എന്നൊക്കെ പ്രേക്ഷകർ കമന്റ് ചെയ്യുന്നുണ്ട് .

എന്നാൽ ഈ ആഴ്ച സുചിത്ര പുറത്ത് ഇറങ്ങില്ല എന്നുള്ള റിപ്പോർട്ടുകളാണ് ഇപ്പോൾ വരുന്നത്. വിക്രം സിനിമയുടെ പ്രമോഷന്റെ ഭാഗമായി ബിഗ് ബോസ് വീട്ടിൽ ഈ വീക്കെൻഡ് എപ്പിസോഡിൽ കമലഹാസൻ എത്തുന്നുണ്ട്.

അദ്ദേഹത്തിനായി വിവിധ കലാപരിപാടികളും മത്സരാർഥികൾ ഒരുക്കുന്നുണ്ട്. ഈ അവസരത്തിൽ സുചിത്രയെ വീട്ടിൽ നിന്നും പുറത്താക്കില്ല എന്ന തരത്തിലുള്ള വാർത്തകളാണ് ഇപ്പോൾ വരുന്നത്.