വീക്ക്ലി ടാസ്കിൽ‌ തമ്മിൽ തല്ലി ഡെയ്സിയും സൂരജും, തുടക്കത്തിൽ തന്നെ ഇത് പ്രതീക്ഷിച്ചിരുന്നില്ലെന്ന് പ്രേക്ഷകർ!

| Published: Tuesday, March 29, 2022, 10:44 [IST]

ബിഗ് ബോസ് മലയാളം സീസൺ 4 രണ്ടാം ദിവസത്തിലേക്ക് കടന്നിരിക്കുകയാണ്. മത്സരാർഥികളെല്ലാം അവരവരുടേതായ വഴികൾ സ്വീകരിച്ച് വീട്ടിൽ പിടിച്ച് നിൽക്കാനുള്ള ശ്രമത്തിലാണ്. ബിഗ് ബോസ് മലയാളം സീസൺ 4 ഉദ്ഘാടനത്തിന് ശേഷമുള്ള ആദ്യ എപ്പിസോഡ് തന്നെ വളരെ വ്യത്യസ്തമായിരുന്നു. കഴിഞ്ഞ മൂന്ന് സീസണുകളിലേയും പതിവുകൾ തെറ്റിച്ച് മത്സരാർഥികളെപ്പോലും ഞെട്ടിച്ചുകൊണ്ട് മാധ്യമസംഗമമായിരുന്നു ബിഗ് ബോസ് വീട്ടിൽ നടന്നത്. സ്വന്തം ജീവിതകഥകൾ പറയാനായി തയ്യാറെടുപ്പുകൾ നടത്തികൊണ്ടിരുന്ന മത്സരാർഥികൾക്ക് ലഭിച്ച ആദ്യത്തെ ട്വിസ്റ്റ് കൂടിയായിരുന്നു പത്രസമ്മേളനം.

'അന്ന് അദ്ദേഹത്തെ എനിക്ക് അറിയില്ല, ആദ്യ വിവാഹമോചനത്തിന് കാരണം ഞാനല്ല'; ഭർത്താവിനെ കുറിച്ച് റാണി മുഖർജി 'അന്ന് അദ്ദേഹത്തെ എനിക്ക് അറിയില്ല, ആദ്യ വിവാഹമോചനത്തിന് കാരണം ഞാനല്ല'; ഭർത്താവിനെ കുറിച്ച് റാണി മുഖർജി

ഷോയിലേക്ക് പ്രവേശിച്ച് കഴിഞ്ഞാൽ മത്സരാർഥികൾ ആശയവിനിമയം നടത്തുന്ന ഒരേയൊരാൾ അവതാരകനായ മോഹൻലാൽ മാത്രമായിരുന്നു. സീസൺ ഫോർ പ്രഖ്യാപിച്ചപ്പോൾ മുതൽ ആരാധകർ മുന്നോട്ട് വെച്ച അഭിപ്രായം ആയിരുന്നു മത്സരാർഥികളുടെ കണ്ണീർ കഥകൾ അവതരിപ്പിക്കുന്ന ടാസ്ക് വേണ്ട എന്നത്. കഴിഞ്ഞ മൂന്ന് സീസണിലും ആദ്യത്തെ കുറച്ച് ദിവസങ്ങളിൽ മത്സരാർഥികളുടെ കദനകഥ പറയാനുള്ള അവസരം കൊടുത്തിരുന്നു. മൂന്ന് സീസണിലും ഈ സെഗ്മെന്റ് ഉൾപ്പെടുത്തിയതോടെയാണ് പ്രേക്ഷകർ പ്രതികരിച്ച് തുടങ്ങിയത്.

'സുന്ദരിയായതിനാൽ നിരവധി സൗത്ത് ഇന്ത്യൻ സിനിമകളും കഥാപാത്രങ്ങളും നഷ്ടപ്പെട്ടിട്ടുണ്ട്'; നടി റാഷി ഖന്ന 'സുന്ദരിയായതിനാൽ നിരവധി സൗത്ത് ഇന്ത്യൻ സിനിമകളും കഥാപാത്രങ്ങളും നഷ്ടപ്പെട്ടിട്ടുണ്ട്'; നടി റാഷി ഖന്ന

കണ്ണീർ കഥകൾ കൊണ്ടല്ല മത്സരാർഥികൾ പ്രേക്ഷകരുടെ മനസിൽ ഇടം നേടേണ്ടത്. അവർ ഗെയിം കളിച്ച് പ്രേക്ഷകരുടെ പ്രീതി സമ്പാദിക്കട്ടെയന്നുമാണ് അഭിപ്രായങ്ങൾ‌ വന്നത്. മൂന്ന് സീസണുകളിൽ‌ നിന്നും വളരെ വ്യത്യസ്തമായിരിക്കും നാലാം സീസണെന്ന് അണിയറപ്രവർത്തകർ അറിയിച്ചിരുന്നു. സംഭവം ശരിയാണെന്ന് തോന്നുന്ന തരത്തിലാണ് ഇപ്പോൾ‌ വീട്ടിലെ കാര്യങ്ങൾ മുന്നോട്ട് പോകുന്നത്. ഇന്ന് സംപ്രേഷണം ചെയ്യാൻ പോകുന്ന എപ്പിസോഡിന്റെ പ്രമോ പുറത്തുവിട്ടിട്ടുണ്ട്. വീക്കിലി ടാസ്ക്ക് ആരംഭിക്കുന്നതിന്റെ സൂചനകൾ പ്രമോയിൽ കാണാം. കഴിഞ്ഞ ദിവസം നടന്ന ശക്തമായ ക്യാപ്റ്റൻസി ടാസ്കിൽ അവസാനം വരെ പൊരുതി മജീഷ്യൻ അശ്വിൻ ആണ് വിജയിയായത്. നോമിനേഷൻ സമയത്ത് അശ്വിനാണ് ഏറ്റവും വീക്കായ മത്സരാർഥിയെന്ന് പറഞ്ഞ് നോമിനേഷൻ ലിസ്റ്റിൽ ഉൾപ്പെടുത്തിയിരുന്നു. അവിടെ നിന്ന് കളിച്ചാണ് അശ്വിൻ ക്യാപ്റ്റൻസി ടാസ്കിൽ വിജയിച്ചത്.

വീക്കിലി ടാസ്കിൽ മത്സരാർഥികൾക്ക് നൽകിയിരിക്കുന്ന ഗെയിം ലഭിച്ചിരിക്കുന്ന പാവകൾ മോഷണം പോകാതെയും മറ്റൊരാൾ കൈക്കലാക്കാതെയും സൂക്ഷിക്കുന്ന എന്നതാണ്. പതിനേഴ് മത്സരാർഥികൾ ഉള്ളതിൽ വളരെ കുറച്ച് പേർക്ക് മാത്രമാണ് പാവകൾ ലഭിച്ചിരിക്കുന്നത്. അതിനാൽ തന്നെ പാവകൾ ലഭിക്കാതിരുന്നവർ മറ്റുള്ളവരുടെ പാവകൾ മോഷ്ടിക്കാൻ ശ്രമിക്കും‌. മത്സരാർഥികൾ തമ്മിലുള്ള അടിക്ക് തുടക്കമിടുക കൂടിയാണ് ബിഗ് ബോസ് ചെയ്തിരിക്കുന്നത്. ഡെയ്സിയുടെ കൈയ്യിലുള്ള പാവ കൈക്കലാക്കാൻ ശ്രമിക്കുന്ന സൂരജിനേയും ഇരുവരും തമ്മിലുള്ള പിടിയും വലിയും വാക്ക് തർക്കവും പുതിയ പ്രമോയിൽ ഉൾപ്പെടുത്തിയിട്ടുണ്ട്. കലോത്സവം ടാസ്കുകൾ നൽകാതെ വ്യത്യസ്തമായി ചിന്തിച്ച് മത്സരങ്ങൾ ഒരുക്കുന്ന ബിഗ് ബോസ് അണിയറപ്രവർത്തകരെ പ്രേക്ഷകർ അഭിനന്ദിക്കുന്നുമുണ്ട്. പ്രമോകൾക്കെല്ലാം മികച്ച സ്വീകാര്യതയും പ്രേക്ഷകരിൽ നിന്നും ലഭിക്കുന്നുണ്ട്.