കൊട്ടാരത്തിൽ പുതിയ രാജഭരണം, റോബിന് വേണ്ടി കളത്തിലിറങ്ങി ദിൽഷ, ഇനി യഥാർഥ കളികളുടെ ആരംഭം!

ശേഷം റോബിനെ ടോയ്ലറ്റിന് നിന്ന് പുറത്തിറക്കാൻ പല വഴികൾ നോക്കിയിട്ടും നടക്കാതിരുന്നതിനാൽ അവസാനം ജാസ്മിൻ റോബിൻ‌ നിന്നിരുന്ന വായു സഞ്ചാരമില്ലാത്ത ടോയ്ലറ്റിലേക്ക് കീടങ്ങൾക്ക് ഉപയോ​ഗിക്കുന്ന വിഷ സ്പ്രേ പ്രയോ​ഗിച്ചു.

പിന്നാലെ പുറത്തിറങ്ങിയ റോബിനെ റിയാസ് തടയാൻ ശ്രമിച്ചു. അതിൽ നിന്നും രക്ഷപ്പെടാൻ റോബിൻ തള്ളിമാറ്റിയപ്പോഴാണ് റിയാസിന്റെ മുഖത്ത് അടി കൊണ്ടത്. സഹമത്സരാർഥിയെ ദേഹോപദ്രവം ചെയ്യാൻ വീട്ടിൽ നിൽക്കുന്ന ആർക്കും അവകാശമില്ല.

അതിനാലാണ് റോബിനെ ബി​ഗ് ബോസ് തിരികെ വിളിച്ചത്. ഇപ്പോൾ പുറത്താക്കപ്പെട്ട റോബിൻ സീക്രട്ട് റൂമിൽ കഴിയുകയാണ്. വീക്കെൻഡ് എപ്പിസോഡിൽ മോഹൻലാൽ വരുമ്പോഴായിരിക്കും റോബിനെ പുറത്താക്കുക.

അതേസമയം വീക്കിലി ടാസ്ക്ക് ഇപ്പോൾ വീട്ടിൽ നടന്നുകൊണ്ടിരിക്കുകയാണ്. ദിൽഷയാണ് രാജാവായി വീട്ടിൽ വാഴുന്നത്. റോബിനെ പുറത്താക്കിയതിന് പകരം വീട്ടുന്ന പോലെയാണ് ദിൽഷയുടെ ഭരണം നടക്കുന്നത്.

റിയാസിനേയും ജാസ്മിനേയും ഉന്നം വെച്ചാണ് ദിൽഷയുടെ പ്രവൃത്തികൾ. എന്നാൽ ദിൽഷ രാജാവായത് റിയാസിന് ഉൾക്കൊള്ളാൻ സാധിച്ചിട്ടില്ല. അതിനാൽ തന്നെ ദിൽഷ പറയുന്ന കാര്യങ്ങളൊന്നും റിയാസ് അനുസരിക്കുന്നുമില്ല.

റോബിനെ പുറത്താക്കിയതിന്റെ പകരം വീട്ടാൻ എത്തിയതാണോയെന്ന് ദിൽഷയോട് റിയാസ് ചോദിക്കുന്നുമുണ്ട്.

രാജാവായി ചുമതലയേറ്റ തന്റെ നിർദേശങ്ങൾ പാലിക്കാൻ റിയാസ് തയ്യാറാകാത്തതിനാൽ ജയിൽ പോയി കിടക്കാൻ ദിൽഷ ആജ്ഞാപിക്കുന്നുണ്ടെങ്കിലും റിയാസ് അതിനോടെല്ലാം മുഖം തിരിക്കുകയാണ് ചെയ്യുന്നത്.

വരും ദിവസങ്ങളിൽ വലിയ വഴക്കുകൾ വീട്ടിൽ നടക്കാനുള്ള സാധ്യതയും പുതിയ പ്രമോയിൽ നിന്ന് വ്യക്തമാണ്. സഹമത്സരാർഥിക്ക് നേരെയുള്ള ശാരീരികമായ ആക്രമണം ബിഗ് ബോസ് ഹൗസിൽ ഒട്ടും പ്രോത്സാഹിപ്പിക്കപ്പെടുന്ന ഒന്നല്ല.

അതിനാൽ തന്നെ എത്ര വലിയ തർക്കങ്ങളിലും ആശയ സംഘർഷങ്ങളിലും ഏർപ്പെട്ടാലും മത്സരാർഥികൾ ആരും തന്നെ മറ്റൊരാളുടെ ശരീരത്തിൽ കൈവെക്കാറില്ല.

Recommended Video

ദിൽഷയ്ക്ക് റോബിനോട് അങ്ങനെ പെട്ടെന്നൊന്നും പ്രേമം വരില്ല | Bigg Boss Malayalam Akhil | #Interview

രണ്ടാം സീസണിലെ ശ്രദ്ധേയ മത്സരാർഥിയായ ഡോ.രജിത് കുമാർ പുറത്താക്കപ്പെടാൻ കാരണമായത് ഒരു വീക്കിലി ടാസ്‍കിനിടയിലെ പെരുമാറ്റമായിരുന്നു. സഹ മത്സരാർഥിയായ രേഷ്‍മയുടെ കണ്ണിൽ മുളക് തേച്ചതിനാണ് രജിത്തിനെ ബിഗ് ബോസ് അന്ന് പുറത്താക്കിയത്.

അതേസമയം റോബിൻ പുറത്താവുന്നപക്ഷം അത് ഈ സീസണിൻറെ മുന്നോട്ടുപോക്കിൽ ഏറെ നിർണ്ണായകമാവുമെന്ന് ഉറപ്പാണ്.

റോബിൻ പുറത്തായതിനാൽ തങ്ങൾക്ക് വീട്ടിലും പുറത്തും വില്ലൻ പരിവേഷമായിരിക്കുമെന്ന് റിയാസിനും ജാസ്മിനും മനസിലായിട്ടുണ്ട്. റിയാസ് ഇത്തവണ എലിമിനേഷനിൽ ഉള്ളതിനാൽ വോട്ട് കുറയുമോ എന്ന ഭീതിയിലാണ് താരം.