'ബി​ഗ് ബോസിൽ ഇത്തവണ ഡബിൾ എവിക്ഷൻ?'; ജനങ്ങളെ വിഡ്ഢികളാക്കരുതെന്ന് അണിയറപ്രവർത്തകരോട് പ്രേക്ഷകർ

ഈ ആഴ്ച എവിക്ഷൻ ഇല്ലെന്നതിന്റെ സൂചനയാണ് ആ ഡയലോ​ഗെന്നും പ്രേക്ഷകർ കുറിക്കുന്നുണ്ട്. ഈ ആഴ്ച നിർബന്ധമായും എവിക്ഷൻ വേണമെന്നും വെറുതെ വോട്ട് ചെയ്യിപ്പിച്ച് എവിക്ഷൻ ഒഴിവാക്കി ജനങ്ങളെ വിഡ്ഢികളാക്കരുതെന്നും ചില പ്രേക്ഷകർ കമന്റായി കുറിച്ചിട്ടുണ്ട്.

അതേസമയം പുതിയൊരു വൈൽഡ് കാർഡ് എൻട്രി കൂടി വീട്ടിലേക്ക് വന്നിരിക്കുകയാണ്. നാലാം സീസണിലെ പത്തൊമ്പതാം മത്സരാർഥിയായാണ് വീഡിയോ ക്രിയേറ്ററും സോഷ്യൽ മീഡിയ ഇൻഫ്ലുവൻസറുമായ റിയാസ് സലീം എന്ന ഇരുപത്തിനാലുകാരൻ എത്തിയിരിക്കുന്നത്.

കഴിഞ്ഞ ദിവസത്തെ എപ്പിസോഡിൽ പുതിയ മത്സരാർഥിയെ മോഹൻലാൽ പരിചയപ്പെടുത്തിയെങ്കിലും വീട്ടിലേക്ക് കയറ്റി വിട്ടിട്ടില്ല.

പകരം സീക്രട്ട് റൂമിൽ താമസിപ്പിച്ചിരിക്കുകയാണ്. റിയാസ് മാത്രമല്ല മറ്റൊരു മത്സരാർഥി കൂടി ഇന്ന് വീട്ടിലേക്ക് വരുമെന്ന് നേരത്തെ പുറത്തിറങ്ങിയ പ്രമോയിൽ വെളിപ്പെടുത്തിയിരുന്നു.

എന്നാൽ ആരായിരിക്കുമെന്നത് പ്രമോയിലുണ്ടായിരുന്നില്ല. റിയാസിന് പുറമെ മറ്റൊരു മത്സരാർഥി കൂടി വരുമെന്ന് അറിഞ്ഞതോടെ പ്രേക്ഷകരും ത്രില്ലിലാണ്. വന്നപ്പോൾ തന്നെ ഇപ്പോൾ വീട്ടിലുള്ള പന്ത്രണ്ട് മത്സരാർഥികളെ കുറിച്ചും തനിക്കുള്ള കാഴ്ചപ്പാട് റിയാസ് സലീം വ്യക്തമാക്കിയിരുന്നു.

വീട്ടിൽ താൻ ഏറ്റവും ഇഷ്ടപ്പെടുന്ന വ്യക്തി ജാസ്മിനാണെന്നും റിയാസ് പറഞ്ഞിരുന്നു. റോബിൻ ഫേക്ക് ​ഗെയിമാണ് കളിക്കുന്നതെന്നും റിയാസ് പറഞ്ഞിരുന്നു.

ഇപ്പോൾ വീട്ടിൽ തുടരുന്ന മത്സരാർഥികളിൽ ഏറ്റവും കൂടുതൽ പ്രേക്ഷക പിന്തുണയുള്ള രണ്ട് താരങ്ങളാണ് ജാസ്മിനും റോബിനും.

അതേസമയം ജാസ്മിൻ കഴിഞ്ഞ ഒരാഴ്ചയായും വീടിനുള്ളിൽ കയറിയപ്പോൾ മുതലും പറയുന്ന മോശം പരാമർശങ്ങളുടേയും വാക്കുകളുടേയും അടിസ്ഥാനത്തിൽ ജാസ്മിനെ പുറത്താക്കണമെന്ന് ആവശ്യപ്പെട്ട് നിരവധി കുറിപ്പുകളാണ് സോഷ്യൽമീഡിയയിൽ പ്രത്യക്ഷപ്പെടുന്നത്.

മോഹൻലാലും ബി​ഗ് ബോസും ജാസ്മിനും നിമിഷയ്ക്കും പരി​ഗണന നൽകുന്നുവെന്നും അവരുടെ തെറ്റുകൾ വിമർശിക്കുകയോ ചോദ്യം ചെയ്യുകയോ വാണിങ് നൽകുകയോ ചെയ്യുന്നില്ലെന്നും പ്രേക്ഷകർക്ക് പരാതിയുണ്ട്.

ബി​ഗ് ബോസിൽ മത്സരാർഥികൾക്കെല്ലാം രണ്ട് നീതിയാണെന്നും ആക്ഷേപമുണ്ട്. ഒരു ദിവസം സീക്രട്ട് റൂമിൽ താമസിക്കാനാണ് പുതിയ വൈൽഡ് കാർഡ് എൻട്രി റിയാസ് സലീമിന് കിട്ടിയിരിക്കുന്ന നിർ​ദേശം.

അദ്ദേഹം വീടിന് അകത്ത് കയറി കഴിയുമ്പോൾ മാത്രമെ കളിയുടെ ​ഗതി എങ്ങനെ മാറാൻ പോകുന്നുവെന്ന് പ്രേക്ഷകർക്ക് അറിയാൻ കഴിയൂ. ഇത്തവണ പുറത്താകാൻ സാധ്യതയുള്ള മത്സരാർഥികളായി നിമിഷ, റോൺസൺ എന്നിവരുടെ പേരുകളാണ് ഏറ്റവും കൂടുതൽ പ്രേക്ഷകർ പ്രവചിച്ചിട്ടുള്ളത്.

റോൺസണിന്റെ നിലപാടില്ലായ്മയും നിമിഷയുടെ ഇരട്ടത്താപ്പുമാണ് ഇരുവരും പുറത്താകണമെന്ന് പറയാനുള്ള കാരണമായി പ്രേക്ഷകർ ചൂണ്ടി കാട്ടുന്നത്.