എവിക്ഷനില്‍ വമ്പന്‍ ട്വിസ്റ്റ്; സേഫ് ഗെയിം കളിച്ചതാണ് അപര്‍ണ പറ്റിയ അബദ്ധം, പരിഭവങ്ങളുമായി ആരാധകരും

ലക്ഷ്മിപ്രിയയും വിനയ് മാധവും ഒരു ടീമാണ്. അതുപോലെ ധന്യയും റോബിനും ഒരു ടീമായി കളിക്കുന്നു. ഇരു ടീമുകളില്‍ നിന്നും ലക്ഷ്മിയും വിനയും കാര്‍ഡ് കണ്ടെടുക്കുകയും പരസ്പരം കെട്ടിപ്പിടിച്ച് സന്തോഷം പങ്കിടുകയും ചെയ്യുന്നുണ്ട്. എന്നാല്‍ അപര്‍ണയും ദില്‍ഷയും ടാസ്‌കില്‍ കളിക്കുന്നതായി പ്രൊമോ വീഡിയോയില്‍ കാണിച്ചിട്ടില്ല എന്നതാണ് രസകരം. ഇരുവരും എലിമിനേഷനില്‍ ഉള്ളവരാണെങ്കിലും അവര്‍ എവിടെ പോയെന്ന ചോദ്യം ഉയരുകയാണ്.

എന്തായാലും ഈ ആഴ്ച അപര്‍ണ മള്‍ബറി പുറത്ത് പോവാന്‍ സാധ്യതയുണ്ടെന്നാണ് വിവരം. അപര്‍ണ സേഫ് ഗെയിം കളിക്കാതെ, പറയേണ്ടത് പറഞ്ഞ് പ്രതികരിച്ചിരുന്നെങ്കില്‍ അവിടെ നില്‍ക്കുമായിരുന്നു എന്നാണ് ആരാധകര്‍ പറയുന്നത്. എന്നാല്‍ അപര്‍ണ സേഫ് ഗെയിമര്‍ ആയത് കൊണ്ട അവരെ എവിക്ട് ആക്കാന്‍ അര്‍ഹതയുണ്ട.

പ്രൊമോയില്‍ കാണിക്കുന്ന കാര്യങ്ങള്‍ എപ്പിസോഡില്‍ പകുതി എങ്കിലും കാണിക്കണം. ഫുള്‍ കാണിക്കാന്‍ പറഞ്ഞില്ലല്ലോ. പകുതി എങ്കിലും കാണിക്കൂ. മാത്രമല്ല റോബിന്റെയും അപര്‍ണയുടെയും പിന്നെ ധന്യയുടെയും ഡാന്‍സ് കാണിക്കാത്തത് അത് വളരെ മോശം ആയി പോയെന്നാണ് ഭൂരിഭാഗം കമന്റുകളിലും പറയുന്നത്. മോഹന്‍ലാലിന്റെ ജന്മദിനത്തോട് അനുബന്ധിച്ച് വലിയ ആഘോഷമാണ് വീടിനകത്ത് നടന്നത്. മത്സരാര്‍ഥികളെല്ലാവരും ഡാന്‍സും പാട്ടും സ്‌കിറ്റുമൊക്കെ അവതരിപ്പിച്ചു.

പ്രൊമോ വീഡിയോയില്‍ റോബിനും അപര്‍ണയും ചേര്‍ന്ന് കിടിലന്‍ ഡാന്‍സ് പെര്‍ഫോമന്‍സ് കാണിച്ചെങ്കിലും അത് എപ്പിസോഡില്‍ കാണിച്ചില്ല. ഇതിനെതിരെ വ്യാപകമായ പ്രതിഷേധമാണ് സോഷ്യല്‍ മീഡിയയില്‍ ഉയരുന്നത്. അത് കാണിക്കാന്‍ ഉദ്ദേശം ഇല്ലായിരുന്നെങ്കില്‍ പിന്നെന്തിനാണ് പ്രൊമോയില്‍ കാണിച്ചതെന്നാണ് ചോദ്യമുയരുന്നത്.