കഴിവ് തെളിയിച്ച് വിനയും ദിൽഷയും; തല്ലുണ്ടാവാത്ത ഒരേ ഒരു ഗെയിമെന്ന് ആരാധകർ

ടാസ്ക്കിൽ റിയാസും ധന്യയുമാണ് അവസാനം വരെ പിടിച്ച് നിന്നത്. അവസാന ഘട്ടത്തിൽ റിയാസിന്റെ കൈ വലയുന്നു എന്ന് പറഞ്ഞ് ലക്ഷ്മിപ്രിയ വഴക്കുണ്ടാക്കുകയും തുടർന്ന് റിയാസിന്റെ ശ്രദ്ധ തെറ്റുകയും വെള്ളം തലയിലൂടെ വീഴുകയും ആയിരുന്നു.

ആ ടാസ്ക്കിന്‌ ശേഷം വലിയൊരു വഴക്ക് തന്നെ വീട്ടിൽ നടന്നു. റിയാസ് തോൽക്കാൻ ലക്ഷ്മിപ്രിയ മനഃപൂർവ്വം റിയാസിന്റെ കൈ വളഞ്ഞു എന്ന് പറഞ്ഞതായാണ് റിയാസ് കണ്ടെത്തിയത്.

രണ്ടാമത്തെത് ഊന്നുവടികൾ പിടിക്കുക എന്നതായിരുന്നു. മത്സരാർഥികൾ എല്ലാവരും കയ്യിൽ ഊന്നു വടികളുമായി വൃത്തത്തിനുള്ളിൽ നിൽക്കണം. വിസിൽ അടിക്കുന്നത് അനുസരിച്ച് കയ്യിലെ ഊന്നുവടി വിട്ട് മുന്നിൽ നിൽക്കുന്ന മത്സരാർഥിയുടെ ഊന്നുവടി പിടിക്കണം എന്നതായിരുന്നു ഗെയിം.

ഈ ഗെയിമിൽ അവസാനം വരെ നിന്നത് റോൺസനും വിനയ് മാധവും ആണ്. ഒടുവിൽ ഗെയിം ജയിച്ചത് റോൺസനും. രണ്ടാമത്തെ ഗെയിം പാടായിരുന്നെങ്കിലും ആദ്യത്തേതിനെപോലെ കടുപ്പം ഉള്ളതായിരുന്നില്ല.

Recommended Video

Dr. Robin Ready For Re-Entry | ദിൽഷയെ സ്വന്തമാക്കാനുള്ള ട്രിക്ക് വെളിപ്പെടുത്തി റോബിൻ | *Interview

മൂന്നാമത് ഒരു ടാസ്‌ക്കും കൂടി കഴിഞ്ഞ ദിവസം നൽകുകയുണ്ടായി. ഗാനങ്ങളുടെ പശ്ചാത്തല സംഗീതം കേൾപ്പിച്ചിട്ട് അത് ഏത് ഗാനമാണ് എന്ന് പറയുകയായിരുന്നു ടാസ്ക്ക്.

മറ്റ്‌ ടാസ്ക്കുകളിൽ നിന്നും വ്യത്യസ്തമായി ഒരു വഴക്കും ഇല്ലാതെ വളരെ ശാന്തമായാണ് ഈ ഗെയിം അരങ്ങേറിയത്
ടാസ്ക്കിൽ നല്ലപോലെ കളിച്ചത് വിനയും ദിൽഷയുമാണ്. വരും ദിവസങ്ങളിലെ ഗെയിമുകളും കൂടി കണക്കിലെടുത്താവും ടിക്കറ്റ് ടു ഫിനാലെ ആർക്കാണെന്ന് തീരുമാനിക്കുന്നത്. നിലവിൽ ഒന്നാം സ്ഥാനത്ത് നിൽക്കുന്നത് ധന്യയാണ്.