ദില്‍ഷയുമായുള്ള അടി എല്ലാവരും കണ്ടല്ലോ...പുറത്തിറങ്ങിയാല്‍ തന്റെ പേര് മോശമാകുമോ എന്ന് പേടിച്ച് വിനയ് മാധവ്

ഇപ്പോഴിതാ ദില്‍ഷയുമായി വഴക്കിട്ടതും കഴിഞ്ഞ ദിവസം ടാസ്‌ക്കിനിടെ നടന്ന സംഭവങ്ങളുമെല്ലാം കൂട്ടിവായിക്കുമ്പോള്‍ ആളുകള്‍ തന്നെ തെറ്റിദ്ധരിക്കുമോ എന്ന ശങ്കയിലാണ് വിനയ് മാധവ്. ഇനി പുറത്തിറങ്ങുമ്പോള്‍ തന്റെ ഇമേജ് എന്തായിരിക്കും എന്ന് ഭയപ്പെടുകയാണ് വിനയ്. അതേക്കുറിച്ചുള്ള ആശങ്ക സൂരജിനോടും അഖിലിനോടും റോണ്‍സണോടും പങ്കുവെക്കുകയാണ് ഇപ്പോള്‍ വിനയ്.

'ഞാന്‍ ഇവിടെ സ്വാഭാവികമായാണ് പെരുമാറുന്നത്. എന്റെ സ്വഭാവം എന്താണോ അതാണ് പ്രകടിപ്പിക്കുന്നത്. പലതും നാച്ചുറലായി തന്നെ വരുന്നതാണ്. അല്ലാതെ നാടകം കളിക്കുന്നതല്ല. എന്റെ അടിസ്ഥാന സ്വഭാവം ഇതാണെന്ന് ഈ ഷോ കണ്ടുകൊണ്ടിരിക്കുന്ന പ്രേക്ഷകര്‍ തെറ്റിദ്ധരിക്കപ്പെടാന്‍ സാധ്യതയുണ്ട്.

മുഴുവന്‍ സമയവും ഇങ്ങനെ ചൂടായി നില്‍ക്കുന്ന, അക്രമാസക്തനായ ഒരു മനുഷ്യനായി എന്നെക്കുറിച്ച് അവര്‍ക്ക് തോന്നാം. എനിക്ക് ദേഷ്യം വന്നാലും ഞാന്‍ ഇങ്ങനെ ഒച്ചയെടുത്ത് സംസാരിക്കാറുണ്ട്. പുറത്ത് അതിനുള്ള സാധ്യതകള്‍ കുറവായതുകൊണ്ട് നമ്മള്‍ അത് ചെയ്യാറില്ല എന്നു മാത്രം.' വിനയ് പറയുന്നു.

പക്ഷെ, ഇവിടത്തെ അവസ്ഥയും പുറത്തെ അവസ്ഥയും വെവ്വേറെയാണെന്ന് പറയുകയാണ് സൂരജ്. ആളുകള്‍ക്ക് ചിലപ്പോള്‍ അത് പ്രശ്‌നമായി തോന്നണമെന്നില്ല. വിനയ് ബ്ലെസ്‌ലിക്ക് പഠിക്കുകയാണോ എന്നും സൂരജ് ചോദിക്കുന്നു.

Recommended Video

ദിൽഷയ്ക്ക് റോബിനോട് അങ്ങനെ പെട്ടെന്നൊന്നും പ്രേമം വരില്ല | Bigg Boss Malayalam Akhil | #Interview

എന്നാല്‍ വിനയ് വിചാരിക്കുന്നതുപോലെയല്ല കാര്യങ്ങളെന്നും ഏതെങ്കിലും ഒരു സംഭവം കൊണ്ടു മാത്രം പ്രേക്ഷകര്‍ നമ്മെ ജഡ്ജ് ചെയ്യാന്‍ വരില്ലെന്നും അഖില്‍ പറയുന്നു. അതേക്കുറിച്ച് ഓര്‍ത്ത് ടെന്‍ഷനാകേണ്ട എന്നും വിനയ് മാധവിനെ ഉപദേശിക്കുകയാണ് സൂരജും അഖിലും.