'കുളക്കടവിലെ കുത്തിതിരിപ്പ് ഇവിടെ നടത്തിയാൽ പിടിക്കപ്പെടും, മൈൻഡ് ​ഗെയിം നടത്താൻ വിവരമുള്ളവർ ഇല്ല'; വിനയ്

ഇപ്പോഴുള്ള മത്സരാർഥികളിൽ ആർക്കും തന്നെ മൈൻഡ് ​ഗെയിം കളിക്കാനുള്ള ബുദ്ധിയില്ലെന്നാണ് വിനയ് പറയുന്നത്. കുളക്കടവിലെപ്പോലെ കുത്തിതിരിപ്പോ പരദൂഷണമോ പറഞ്ഞ് ആളുകളെ തിരിക്കാനും അവരുടെ മനസിൽ നമ്മുടെ ആശയങ്ങൾ കുത്തിനിറച്ച് നമുക്കൊപ്പം ചേർക്കാനും ബി​ഗ് ബോസിനുള്ളിൽ നിൽക്കുമ്പോൾ സാധിക്കുമെന്നാണ് അഖിൽ പറയുന്നത്.

പക്ഷെ അധികകാലം കുത്തിതിരുപ്പ് ചെയ്യാൻ പറ്റില്ലെന്നും പിടിക്കപ്പെടുമെന്നും അഖിൽ വിനയിയോട് പറഞ്ഞു.

മൈൻഡ് ​ഗെയിം കളിച്ചാൽ പിടിച്ച് നിൽക്കാൻ പറ്റുമെന്നാണ് വിനയ് പറയുന്നത്. പക്ഷെ ഇപ്പോൾ വീട്ടിലുള്ളവരിലാർക്കും മൈൻഡ് ​ഗെയിം കളിക്കാനുള്ള ബുദ്ധിയില്ലെന്നും വിനയ് പറയുന്നു.

കഴിഞ്ഞ ആഴ്ച റിയാസിനെ ശാരീരിക ഉപദ്രവം ചെയ്തതിന്റെ പേരിൽ പുറത്താക്കപ്പെട്ട റോബിൻ മൈൻഡ് ​ഗെയിം ചെറിയ രീതിയിൽ വീട്ടിൽ പരീക്ഷിച്ചിരുന്നു. തനിക്ക് എതിരെ നിൽക്കുന്നവരെ വൈകാതെ പുറത്താകുമെന്ന് പറഞ്ഞ് ഇമോഷണലി തകർക്കുകയാണ് റോബിൻ ചെയ്തിരുന്നത്.

ഡെയ്സി, നിമിഷ, സുചിത്ര തുടങ്ങിയവരെല്ലാം റോബിന്റെ ഇത്തരം ചില പ്രവ‌ചനങ്ങൾക്ക് ശേഷം പുറത്തായവരാണ്. റോബിന്റെ ഇത്തരം മൈൻഡ് ​ഗെയിം സുചിത്രയെ വല്ലാതെ തളർത്തിയിരുന്നുവെന്ന് വീട്ടിലുള്ളവർ തന്നെ പലപ്പോഴും പറ‍ഞ്ഞിട്ടുണ്ട്.

പ്രേക്ഷകരുടെ കണ്ണിൽ വീട്ടിൽ ഏറ്റവും നന്നായി മൈൻഡ് ​ഗെയിം കളിക്കുന്ന വ്യക്തി ബ്ലെസ്ലിയാണ്.

കാരണം തക്കം പാർത്തിരുന്ന് കുറിക്കുകൊള്ളുന്ന ചോദ്യങ്ങൾ ചോ​ദിച്ചും ഉത്തരങ്ങൾ നൽകിയുമാണ് ബ്ലെസ്ലി എതിരാളികളെ നേരിടാറുള്ളത്. പത്താം ആഴ്ചയിലെ ബി​ഗ് ബോസ് സാമ്രാജ്യം വീക്കിലി ടാസ്ക്കിലും ബ്ലെസ്ലിയുടെ മൈൻഡ്​ ​ഗെയിം കാണാമായിരുന്നു.

നോമിനേഷൻ സമയങ്ങളിലും ശ്രദ്ധയോടെയാണ് ബ്ലെസ്ലി മറുപടി നൽകുന്നത്. അഖിൽ, വിനയ് തുടങ്ങിയവരുടെ മുഖം മൂടി പോലും പത്താം ആഴ്ചയിലെ വീക്കിലി ടാസ്ക്കിനിടെ പ്രകോപിപ്പിച്ച് ബ്ലെസ്ലി പുറത്ത് കൊണ്ടുവന്നിരുന്നു.

റോബിനെ പുറത്താക്കിയ റിയാസിനോട് ബ്ലെസ്ലി പ്രതികാരം വീട്ടുന്നത് കാണാനും വളരെ രസകരമായിരുന്നു.

Recommended Video

Dr. Robin's Neighbors Reaction❤️ | ഞങ്ങളുടെ റോബിൻ ദേഷ്യക്കാരൻ അല്ല | *BiggBoss | FilmiBeat

മറ്റുള്ള മത്സരാർഥികളപ്പോലെ അലറി വിളിച്ച് ഒച്ചപ്പാട് ഉണ്ടാക്കിയിട്ടല്ല ബ്ലെസ്ലി സംസാരിക്കാറുള്ളത്. ഓരോരുത്തരുടേയും മർമ്മം കണ്ടുപിടിച്ചാണ് ബ്ലെസ്ലി ശരങ്ങൾ എയ്യുന്നത്.

നിലവിലെ മത്സരാർഥികളിൽ ഏറ്റവും കൂടുതൽ ജനപിന്തുണയും ബ്ലെസ്ലിക്കാണ്. മൈൻഡ് ​ഗെയിമിൽ മാത്രമല്ല കായികമായി ​ഗെയിം കളിക്കുന്ന കാര്യത്തിലും ബ്ലെസ്ലി മുന്നിലാണ്.

ടാസ്ക്കുകൾക്കിടയിൽ മറ്റുള്ളവർ നിസാരമായി കരുതുന്ന കാര്യം പോലും സൂക്ഷ്മമായി പഠിച്ച ശേഷം ​ഗെയിം കളിച്ച് ബ്ലെസ്ലി വിജയിച്ചിട്ടുണ്ട്.