'സ്വന്തം കഴിവുകളിൽ വിശ്വാസമുള്ളവൻ, വിമർശിച്ചവർ ഇപ്പോൾ അവനെ പിന്തുണയ്ക്കുന്നു'; കുറിപ്പ് വൈറലാകുന്നു!

അതേസമയം കഴിഞ്ഞ രണ്ടാഴ്ചയിലെ വീട്ടിലെ പ്രകടനത്തിലൂടെ റിയാസിനുള്ള ഹേറ്റേഴ്സിന്റെ എണ്ണം കുറയുന്നുണ്ട്. കോമഡി സ്ഥിരമായി അവതരിപ്പിക്കുന്നവർ പോലും വീട്ടിൽ വെറുതെ ഇരിക്കുമ്പോൾ പാട്ടും വർത്തമാനവും കൗണ്ടറുമെല്ലാമായി റിയാസ് വീട്ടിൽ നിറഞ്ഞ് നിൽക്കുന്നുണ്ട്.

റിയാസ് കൂടി വീട്ടിൽ ഇല്ലായിരുന്നെങ്കിൽ ലൈവ് ബോറായേനെ എന്ന അഭിപ്രായക്കാരാണ് ബി​ഗ് ബോസ് പ്രേക്ഷകരിൽ ഏറെയും.

ഇപ്പോൾ റിയാസിലെ ബി​ഗ് ബോസ് മത്സരാർഥിയെ വിലയിരുത്തി സോഷ്യൽമീഡിയയിൽ പ്രത്യക്ഷപ്പെട്ട ഒരു കുറിപ്പാണ് വൈറലാകുന്നത്. വിമർശിച്ചവർ പിന്തുണയ്ക്കുന്ന രീതിയിലേക്ക് റിയാസിന്റെ ​ഗെയിം മെച്ചപ്പെട്ടിരിക്കുന്നുവെന്നാണ് കുറിപ്പിൽ പറയുന്നത്.

'റിയാസാകുമോ ഇത്തവണത്തെ ബിഗ്‌ബോസ് വിജയി.... ഭൂരിപക്ഷം പ്രേക്ഷകരും അവനെ സപ്പോർട്ട് ചെയ്യുന്നുണ്ടോ....? തുടക്കത്തിൽ അവനെ വിമർശിച്ച കുറെയേറെ ആളുകളെ അവന് തന്റെ കൂടെ ചേർക്കാൻ കഴിഞ്ഞിട്ടുണ്ട് എന്നത് സത്യം.'

'കാരണം അവർ ഈ ഗെയിം ഷോ ഇഷ്ടപ്പെടുന്നവരാണ്. അവർ ഇതിലെ എന്റർടെയ്ൻമെന്റ് ഇഷ്ടപ്പെടുന്നു. നമ്മുടെ സമൂഹത്തിലെ ഭൂരിപക്ഷത്തിനും അതിനുള്ള ക്വാളിറ്റിയുണ്ടെന്ന് തോന്നുന്നില്ല.'

'അവനെ പോലെയുള്ള ആളുകളെ ഇപ്പോഴും വൃത്തികെട്ട രീതിയിൽ കാണാനാണ് ഇപ്പോഴും പലർക്കും ഇഷ്ടം. ഇത്രയും കഴിവുള്ള ഒരു ചെറുപ്പക്കാരൻ ഈ സീസണിൽ ഉണ്ടായിട്ടില്ല.'

'എന്നിട്ടും ഭൂരിപക്ഷം വരുന്ന ടോക്സിക് സമൂഹം ഇപ്പോഴും അവനെ അതിക്രൂരമായി അപഹസിക്കുകയാണ്. എന്തെല്ലാം കളിയാക്കലുകൾ നേരിട്ടാലും അതൊന്നും അവനെ തളർത്താൻ പോകുന്നില്ല. കാരണം ഇതിലും വലിയ കളിയാക്കലുകൾ നേരിട്ട് വന്നവനാണ് അവൻ.'

'സ്വന്തം കഴിവുകളിൽ വിശ്വാസമുള്ളവനാണ് അവൻ. അവൻ തോൽക്കില്ല... കുറച്ച് പേരെങ്കിൽ കുറച്ചുപേർ അവനെ സ്നേഹിക്കുന്ന ഒരു സമൂഹവും ഉണ്ടിവിടെ. അവർ അവനെ കൈവിട്ടില്ല...'

'നിങ്ങളുടെ നിലപാടുകളോട് പെരുത്തിഷ്ടം...' എന്നായിരുന്നു കുറിപ്പ്. ടിക്കറ്റ് ടു ഫിനാലെ ലൈവാക്കി നിർത്തിയതും റിയാസ് ആയിരുന്നു.

അതേസമയം ഇത്തവണത്തെ എലിമിനേഷനിൽ റിയാസോ റോൺസണോ പുറത്താകാൻ സാധ്യതയുണ്ട്. കാരണം ഇരുവർക്കും മറ്റുള്ള മത്സരാർഥികളുമായി താരതമ്യപ്പെടുത്തുമ്പോൾ ഫാൻസിന്റെ വോട്ട് കുറവാണ് എന്നതാണ്.

പക്ഷെ ഫൈനൽ ഫൈവിൽ റിയാസ് കൂടി ഉണ്ടെങ്കിൽ മാത്രമെ മത്സരം കനക്കൂ. ഇപ്പോൾ ടിക്കറ്റ് ടു ഫിനാലെയിലൂടെ നേരിട്ട് ഫൈനലിൽ എത്തിയിരിക്കുന്ന ഒരേയൊരു മത്സരാർഥി ദിൽഷ മാത്രമാണ്.