'മരുന്ന് കഴിക്കുന്നുണ്ട്, ക്ഷീണം കാരണം ഉറക്കം വരും, പക്ഷെ പുകവലിക്കും'; ഡെയ്സി ഡേവിഡിന് എന്താണ് അസുഖം?

നന്നായി കിടന്ന് ഉറങ്ങാൻ മറ്റ് ടീം അംഗങ്ങളും അന്ന് ഡെയ്സിയോട് സഹകരിച്ചു. പിന്നീട് പലപ്പോഴും ബി​ഗ് ബോസ് ഹൗസിൽ ഡെയ്സിയുടെ അസുഖം ചർച്ചയായിരുന്നു. ബി​ഗ് ബോസ് റിയാലിറ്റി ഷോ നിയമപ്രകാരം ബി​ഗ് ബോസ് അനുവദിക്കുന്ന സമയത്ത് അല്ലാതെ ഉറങ്ങുന്നത് ചട്ടലംഘനമാണ്. അതും ടാസ്‌കിന്റെ നേരത്ത് ഉറങ്ങുക എന്നത് തെറ്റ് തന്നെയാണ്. അക്കാരണം ചൂണ്ടി കാണിച്ചാണ് പലരും ഡെയ്‌സിയെ കഴിഞ്ഞ ദിവസം കുറ്റപ്പെടുത്തിയത്. മരുന്ന് കഴിച്ചത് കൊണ്ടുള്ള ക്ഷീണം ആയിരുന്നുവെങ്കിൽ ബി​ഗ് ബോസിനോട് അനുവാദം ചോദിച്ച ശേഷം കിടക്കുകയോ ടീം ക്യാപ്‌റ്റോട് പറയുകയോ ചെയ്യാമായിരുന്നു എന്നും ചിലർ നിർദേശിച്ചു.

'ഞാൻ മനപൂർവ്വം ഉറങ്ങിയതല്ല... അങ്ങനെ സംഭവിച്ച് പോയതാണ്' എന്നായിരുന്നു ഡെയ്‌സിയുടെ വിശദീകരണം. വീക്കിലി ടാസ്കിന് ശേഷമുള്ള ജയിൽ നോമിനേഷൻ സമയത്തും ഡെയ്സിയുടെ അസുഖം ചർച്ചയായി വന്നിരുന്നു. ഇതോടെയാണ് ഡെയ്സിയുടെ അസുഖം, മരുന്ന്, ഉറക്കം എന്നിവ പ്രേക്ഷകരും നിരീക്ഷിച്ച് തുടങ്ങിയതും ചർച്ച ആരംഭിച്ചതും. വീക്കിലി ടാസ്ക്കിൽ അണ്ടർ വെയിറ്റ് ഉള്ളവർക്ക് പൂർണ വിശ്രമം നൽകിയത് കാരണം ഡെയ്‌സി ടാസ്‌കിൽ പങ്കെടുത്തിരുന്നു. എന്നാൽ ഒന്നും ചെയ്യാതെ ഇരുന്നപ്പോൾ ഉറങ്ങി പോയി. ഇതോടെ ജയിൽ വാസത്തിന് വേണ്ടിയുള്ളവരുടെ നോമിനേഷനിലേക്ക് ഡെയ്സിയുടെ പേര് പറയാൻ പലരും ഇത് കാരണമാക്കി എടുത്തു.

അതേസമയം ഡെയ്സിയുടെ അസുഖത്തേയും ക്ഷീണമാണെന്ന് കാണിച്ചുള്ള വിശ്രമത്തേയും കുറിച്ച് വീട്ടിലെ മറ്റൊരു മത്സരാർഥിയായ ബ്ലസ്ലി പറഞ്ഞ വാക്കുകൾ പ്രേക്ഷകരേയും സംശയത്തിലാക്കി. ‍'ഡെയ്‌സിയ്ക്ക് അസുഖമാണ്. മെഡിസിൻ എടുക്കുന്നുണ്ട്. മെഡിസിൻ എടുത്താൽ ക്ഷീണം കാരണം മയങ്ങി പോകും. ഇത്രയും ആരോഗ്യ പ്രശ്‌നങ്ങളുള്ള ആൾ എങ്ങിനെയാണ് പുക വലിക്കുന്നത്. അതിന് പ്രശ്‌നമില്ലേ. ഈ ആഴ്ചത്തെ ടാസ്‌കിൽ പുക വലി പൂർണമായും പാടില്ല എന്ന നിയമം ഉണ്ടായിട്ടും ഡെയ്സി വലിച്ചു' ഇതായിരുന്നു ബ്ലസ്ലി ഡെയ്സിക്കെതിരെ ഉയർത്തിയ പോയിന്റ്. ഡെയ്സി തന്ത്രം പ്രയോ​ഗിക്കുന്നതാണോ എന്ന സംശയവും പ്രേക്ഷകരിൽ ജനിച്ചിട്ടുണ്ട്.

Recommended Video

പല ഗ്രൂപ്പ് ഡിസ്കഷനുകളും ഞാൻ അറിയാതെ നടന്നത്,അവിടെ ലവ് ട്രാക്ക് ഇല്ല.. Shalini BB Interview Part 2

പൊതുവെ തന്നെ ഏൽപ്പിക്കുന്ന വീട്ട് ജോലികളിൽ നിന്നും തടിതപ്പാനും മാറി നിൽക്കാനും പരമാവധി ശ്രമിക്കുന്ന വ്യക്തിയാണ് ഡെയ്സി. ലക്ഷ്മിപ്രിയ അടക്കമുള്ളവർ ഡെയ്സിയുടെ മടിയെ കുറിച്ച് പലവട്ടം പരാമർശിച്ചിട്ടുമുണ്ട്. താൻ സി​ഗരറ്റ് വലിക്കുന്നുണ്ടെന്ന കാര്യം പ്രേക്ഷകരോ മറ്റുള്ള മത്സരാർഥികളോ അറിയുന്നതിനോട് താൽപര്യമില്ലാത്ത വ്യക്തിയാണ് ഡെയ്സി. പലപ്പോഴും ബ്ലസ്ലിയുമായി ഡെയ്സി ഇതിന്റെ പേരിൽ തർക്കിച്ചിട്ടുമുണ്ട്.